Materiale Paraqitëse

Plani i Shpëtimit

Plani i Atit Qiellor për Fëmijët e Tij

Përmes udhëtimit tonë në vdekshmëri, shpesh dalin pyetje rreth qëllimit dhe kuptimit të jetës: Nga kam ardhur unë? Përse jam këtu? Ku po shkoj? Dija e përgjigjeve për këto pyetje mund të të ndihmojë për të kaluar nëpër sfidat e jetës dhe për të qëndruar në shtegun e besëlidhjeve të Zotit. Ky mësim mund të të ndihmojë ta kuptosh e ta ndiesh rëndësinë e planit të Atit Qiellor.

Plani i Atit Qiellor

• Pa çfarë njohurie mendon se nuk mund të jetoje dot? Përse?

Nëpërmjet shkrimeve të shenjta dhe zbulesës moderne, ne kemi njohuri për jetën para lindjes, Shlyerjen e Shpëtimtarit, jetën pas vdekjes dhe shumë elemente të tjera të ekzistencës sonë të përjetshme. Pa këtë njohuri do të ishte e vështirë të jetonim. Merr pak kohë për të menduar se çfarë di rreth planit të Atit Qiellor. Përsiat se si mund të ishte jeta jote pa atë njohuri.

Teksa studion sot, kërko shoqërimin e Frymës së Shenjtë për të të ndihmuar të mësosh më shumë rreth planit plot dashuri të Atit Qiellor për fëmijët e Tij.

Plani i Atit Qiellor në Librin e Mormonit

Libri i Mormonit na mëson shumë rreth planit të Atit Qiellor. Presidenti Rasëll M. Nelson shpalli: “Unë dëshmoj se Libri i Mormonit është vërtet fjala e Perëndisë. Ai përmban përgjigjet për pyetjet më të vështira të jetës” (Rasëll M. Nelson, “Libri i Mormonit: Si do të Ishte Jeta Juaj pa Të?”, Liahona, nëntor 2017, f. 62). Këtu janë disa nga pyetjet të cilave u përgjigjet Libri i Mormonit. Përzgjidh të paktën dy dhe lexo fragmentin e shkrimit të shenjtë që të ndihmon t’i përgjigjesh pyetjes.

• Çfarë na mëson Libri i Mormonit për jetën para lindjes? (Alma 12:25, 30; fraza “krijimi i botës” i referohet jetës para lindjes.)

• Çfarë roli luan Jezu Krishti në planin e Atit Qiellor? (Alma 22:12–14)

• Cili është qëllimi i jetës? (Alma 34:32–33)

• Çfarë ndodh kur vdesim? (Alma 40:11–14, 21–23)

• Çfarë do të ndodhte pa Shlyerjen e Jezu Krishtit? (2 Nefi 9:6–11)

1. Përgjigju për pyetjet vijuese:

   • Çfarë të vërtetash apo doktrinë përcaktove nga vargjet që lexove?

   • Cilat fjalë ose fraza në vargjet japin mësim për të vërtetën ose doktrinën që përcaktove?

   • Për cilat nga mësimet rreth planit të Atit Qiellor je më së shumti mirënjohës? Përse?

Plani i Atit Qiellor dhe jeta ime

Presidenti M. Rasëll Ballard, i Kuorumit të Dymbëdhjetë Apostujve, shpjegoi se si të kuptuarit e planit të Atit Qiellor për shpëtimin mund të na ndihmojë në jetën tonë.

Answers to Life’s Questions

M. Russell Ballard delivers a message titled "Answers to Life’s Questions."

“Ne të vdekshmit kemi një pamje të kufizuar të jetës nga këndvështrimi i përjetshëm. Por nëse e dimë dhe e kuptojmë planin e Atit Qiellor, ne kuptojmë se të përballemi me kundërshti është një nga mënyrat kryesore se si vihemi në provë. …

Duke u përqendruar te parimet e planit të Atit Qiellor për lumturinë tonë të përjetshme dhe duke i jetuar ato, ne mund ta shkëputim veten tonë nga ligësia e botës. Nëse ankorohemi tek të kuptuarit e saktë të asaj që jemi, përse jemi këtu në këtë tokë dhe se ku mund të shkojmë pas kësaj jete të vdekshme, Satani nuk mund ta kërcënojë lumturinë tonë me anë të çfarëdo forme tundimi. Nëse jemi të vendosur të jetojmë sipas planit të Atit Qiellor, ne do ta përdorim lirinë morale të zgjedhjes që na është dhënë nga Perëndia, për të marrë vendime bazuar tek e vërteta e zbuluar, jo te mendimet e të tjerëve ose tek të menduarit aktual të botës.” (M. Russell Ballard, “Answers to Life’s Questions”, Liahona, maj 1995, f. 23–24)

2. Përgjigju për pyetjet vijuese.

   • Si është ndikuar jeta jote nga njohuria jote për planin e Atit Qiellor?

   • Cilat janë disa situata në të cilat njohuria për planin e Atit Qiellor do të ndikonte te vendimet që merr?

   • Si mundet që njohuria për planin e Atit Qiellor të ndikojë te mënyra se si i shikon rrethanat dhe përvojat në jetën tënde?

Fakultative: Dëshiron të Mësosh më Shumë?

Si është plani i shpëtimit provë e dashurisë së Perëndisë?

Presidenti M. Rasëll Ballard, i Kuorumit të Dymbëdhjetë Apostujve, na mësoi:

“Lovest Thou Me More Than These?”

President Ballard teaches us how we can show that we love the Savior above all worldly things by believing in Him, serving Him, and serving others.

“Ati Qiellor na deshi aq shumë sa përgatiti planin e Tij të shpëtimit me një Shpëtimtar si figurën qendrore në të. Dhe Jezusi na deshi aq shumë sa në Këshillin e madh në Qiell, kur Ati Qiellor pyeti: ‘Kë të dërgoj?’ Jezusi, i cili ishte i parëlinduri nga të gjithë fëmijët shpirtërorë të Atit, u përgjigj: ‘Ja ku jam, dërgomë mua’ [Abraham 3:27]. Ai i tha Atit: ‘Atë, vullneti yt u bëftë dhe lavdia qoftë e jotja përgjithmonë’ [Moisiu 4:2]. Jezusi doli vullnetar për të qenë Shpëtimtari dhe Shëlbuesi ynë që ne të mund të bëhemi si Ata dhe të kthehemi në praninë e Tyre.” (M. Rasëll Ballard, “A më Do Ti Mua më Shumë se Këta?”, Liahona, nëntor 2021, f. 52)

Përse kemi sfida në jetë?

Presidenti Dallin H. Ouks, i Presidencës së Parë, tha:

Opposition in All Things

Elder Oaks teaches how various forms of opposition in mortality help to further our growth.

“Të gjithë ne përjetojmë lloje të ndryshme kundërshtimi që na vënë në provë. Disa nga këto prova janë tundime për të mëkatuar. Disa janë sfida tokësore të ndryshme, të pavarura nga mëkati vetjak. Disa janë shumë të mëdha. Disa janë fare të vogla. Disa janë të vazhdueshme dhe disa janë thjesht episode. Asnjëri prej nesh nuk përjashtohet. Kundërshtimi na lejon të rritemi drejt asaj që Ati Qiellor do të donte të bëheshim.” (Dallin H. Ouks, “Kundërshtim në të Gjitha Gjërat”, Liahona, maj 2016, f. 116)

Si mundet të më ndihmojë njohuria për planin e Atit Qiellor?

Plan of Salvation - We’re Still a Family

A young man shares how the plan of salvation has helped him to see the blessings that can come through trials.

Cili është qëllimi dhe kuptimi i jetës?

Presidenti Dallin H. Ouks, i Presidencës së Parë, shpjegoi:

Plani i Madh

Presidenti Ouks na mëson elementet kryesore të planit të Atit Qiellor, përfshirë katër siguri që ai na i jep për të na ndihmuar përmes vdekshmërisë.

“I përmendur në shkrimet e shenjta si ‘plani [i] madh [i] lumturisë’, ‘plani [i] shëlbimit’ dhe ‘plani … i shpëtimit’ (Alma 42:8, 11, 5), ai plan – i zbuluar në Rivendosje – filloi me një Këshill në Qiell. Si shpirtra, ne dëshironim të arrinim jetën e përjetshme që e gëzonin prindërit tanë qiellorë. Deri në atë pikë ne kishim përparuar aq sa mundeshim pa një përvojë në vdekshmëri, brenda një trupi fizik. Për ta siguruar atë përvojë, Perëndia, Ati, planifikoi të krijonte këtë tokë. Në jetën e planifikuar në vdekshmëri, ne do të ndoteshim nga mëkati kur të përballeshim me kundërshtimin e domosdoshëm për rritjen tonë shpirtërore. Ne gjithashtu do të bëheshim të prekshëm nga vdekja fizike. Që të na shpëtonte nga vdekja e mëkati, plani i Atit tonë Qiellor do të siguronte një Shpëtimtar. Ringjallja e Tij do t’i shëlbonte të gjithë njerëzit nga vdekja dhe flijimi i Tij shlyes do të paguante çmimin e nevojshëm që të gjithë të pastrohen nga mëkati me kushtet e përshkruara për të nxitur rritjen tonë. Kjo Shlyerje e Jezu Krishtit është në qendër të planit të Atit.” (Dallin H. Ouks, “Plani i Madh”, Liahona, maj 2020, f. 93)

What Is the Purpose and Meaning of Life? | Now You Know

God has a plan for us. It's called the plan of salvation, and it contains the answers to life's questions. Jesus Christ is the central figure in God's plan.

Our Eternal Life

We are eternal beings. We lived as spirits before we were born and we will continue to live after we die.