Ներածական նյութեր

Փրկության ծրագիրը

Երկնային Հոր ծրագիրը Իր զավակների համար

Մեր մահկանացու ճամփորդության ընթացքում հաճախ կյանքի նպատակի և իմաստի մասին հարցեր են ծագում։ Որտեղի՞ց եմ ես եկել։ Ինչո՞ւ եմ այստեղ։ Ո՞ւր եմ գնում։ Այս հարցերի պատասխանների իմացությունը կարող է օգնել ձեզ դիմակայել կյանքի մարտահրավերներին և չշեղվել Տիրոջ ուխտի ուղուց։ Այս դասը կօգնի ձեզ հասկանալ և զգալ Երկնային Հոր ծրագրի կարևորությունը։

Երկնային Հոր ծրագիրը

• Ձեր կարծիքով, առանց ո՞ր գիտելիքի չէիք կարող ապրել կյանքում։ Ինչո՞ւ։

Սուրբ գրությունների և ժամանակակից հայտնության միջոցով մենք իմանում ենք նախաերկրային կյանքի, Փրկչի Քավության, մահվանից հետո կյանքի և մեր հավերժական գոյության շատ այլ տարրերի մասին։ Առանց այս գիտելիքի դժվար կլիներ ապրել։ Առանց շտապելու մտածեք, թե ինչ գիտեք Երկնային Հոր ծրագրի մասին։ Խորհեք, թե ինչի նման կլիներ ձեր կյանքն առանց այդ գիտելիքի։

Այսօր ուսանելիս որոնեք Սուրբ Հոգու ընկերակցությունը, որը կօգնի ձեզ ավելին իմանալ Իր զավակների համար Երկնային Հոր սիրառատ ծրագրի մասին:

Երկնային Հոր ծրագիրը Մորմոնի Գրքում

Մորմոնի Գիրքը ուսուցանում է Երկնային Հոր ծրագրի մեծ մասը։ Նախագահ Ռասսել Մ. Նելսոնը հայտարարել է. «Ես վկայում եմ, որ Մորմոնի Գիրքն իրոք Աստծո խոսքն է։ Այն ունի կյանքի ամենահուզիչ և կարևոր հարցերի պատասխանները» (Ռասսել Մ․ Նելսոն, «Մորմոնի Գիրքը. ինչպիսի՞ն կլիներ ձեր կյանքն առանց նրա», Լիահոնա, նոյեմբեր 2017թ., 62)։ Ահա մի քանի հարց, որոնց պատասխանում է Մորմոնի Գիրքը։ Ընտրեք առնվազն երկուսը և կարդացեք սուրբ գրության այն հատվածը, որն օգնում է պատասխանել հարցին։

• Ի՞նչ է սովորեցնում Մորմոնի Գիրքը նախաերկրային կյանքի մասին: (Ալմա 12.25, 30, «աշխարհքի սկզբից» արտահայտությունը վերաբերում է նախաերկրային կյանքին)։

• Ի՞նչ դեր ունի Հիսուս Քրիստոսը Երկնային Հոր ծրագրում (Ալմա 22.12–14)

• Ո՞րն է կյանքի նպատակը: (Ալմա 34.32–33)

• Ի՞նչ է տեղի ունենում, երբ մենք մահանում ենք: (Ալմա 40.11–14, 21–23)

• Ի՞նչ կկատարվեր առանց Հիսուս Քրիստոսի Քավության (2 Նեփի 9.6–11)

1. Պատասխանեք հետևյալ հարցերին.

   • Ի՞նչ ճշմարտություններ կամ վարդապետություն եք բացահայտել ձեր կարդացած հատվածներից։

   • Հատվածների ո՞ր բառերն ու արտահայտություններն են ուսուցանում ձեր բացահայտած ճշմարտությունը կամ վարդապետությունը։

   • Երկնային Հոր ծրագրի մասին ո՞ր ուսմունքների համար եք առավել երախտապարտ։ Ինչո՞ւ։

Երկնային Հոր ծրագիրը և իմ կյանքը

Տասներկու Առաքյալների Քվորումից նախագահ Մ. Ռասսել Բալլարդը բացատրել է, թե Երկնային Հոր փրկության ծրագրի ըմբռնումն ինչպես կարող է օգնել մեզ մեր կյանքում։ Կարող եք դիտել «Պատասխաններ կյանքի մասին հարցերին» տեսանյութը 10:37-12:09, կամ ընթերցել ստորև ներկայացվող տեքստը.

Answers to Life’s Questions

M. Russell Ballard delivers a message titled "Answers to Life’s Questions."

Մենք՝ մահկանացուներս, հավերժության տեսանկյունից սահմանափակ պատկերացում ունենք կյանքի մասին։ Սակայն եթե իմանում և հասկանում ենք Երկնային Հոր ծրագիրը, գիտակցում ենք, որ դժվարությանը դիմակայելը մեզ փորձելու գլխավոր եղանակներից մեկն է…

Մեր հավերժական երջանկության համար կենտրոնանալով Երկնային Հոր ծրագրի սկզբունքների վրա և ապրելով դրանցով՝ կարող ենք հեռու մնալ աշխարհի ամբարշտությունից։ Եթե խարսխված ենք այն հարցերի ճիշտ հասկացողության վրա, թե ով ենք մենք, ինչու ենք այստեղ՝ երկրագնդի վրա, և ուր կարող ենք գնալ այս մահկանացու կյանքից հետո, ապա գայթակղության որևէ ձևով սատանան չի կարող վտանգել մեր երջանկությունը։ Եթե վստահաբար որոշել ենք ապրել Երկնային Հոր ծրագրով, ուրեմն Աստծո կողմից մեզ տրված բարոյական պատասխանատվությամբ կկայացնենք որոշումներ՝ հիմնվելով բացահայտված ճշմարտությունների, այլ ոչ ուրիշների կարծիքների կամ աշխարհի ներկայիս մտածողության վրա (Մ․ Ռասսել Բալլարդ, «Պատասխաններ կյանքի հարցերին», Լիահոնա, մայիս 1995թ., 23–24)։

2. Պատասխանեք հետևյալ հարցերին։

   • Ի՞նչ ազդեցություն է ունեցել Երկնային Հոր ծրագրի իմացությունը ձեր կյանքի վրա։

   • Երկնային Հոր ծրագրի իմացությունը ո՞ր իրավիճակներում կարող է ազդել ձեր կողմից կայացվող որոշումների վրա։

   • Ինչպե՞ս կարող է Երկնային Հոր ծրագրի իմացությունը ազդել ձեր կյանքի հանգամանքների ու փորձառությունների վերաբերյալ ձեր տեսակետի վրա։

Ընտրովի․ ցանկանո՞ւմ եք ավելին իմանալ

Ինչպե՞ս է փրկության ծրագիրը վկայում Աստծո սիրո մասին:

Տասներկու Առաքյալների Քվորումից նախագահ Մ. Ռասսել Բալլարդն ուսուցանել է.

“Lovest Thou Me More Than These?”

President Ballard teaches us how we can show that we love the Savior above all worldly things by believing in Him, serving Him, and serving others.

Երկնային Հայրն այնքան էր սիրում մեզ, որ նախապատրաստեց փրկության իր ծրագիրը, որի առանցքում Փրկիչն էր։ Եվ Հիսուսն այնքան սիրեց մեզ, որ երբ երկնքի մեծ Խորհրդում Երկնային Հայրը հարցրեց. «Ո՞ւմ ուղարկեմ», Հիսուսը, որ Հոր բոլոր ոգեղեն զավակների անդրանիկն էր, պատասխանեց. «Ահա ես, ինձ ուղարկիր» [Աբրահամ 3:27]։ Նա ասաց Հորը․ «Հայր, քո կամքը կատարվի, և փառքը քոնը լինի հավիտյան» [Մովսես 4:2]։ Հիսուսը ցանկություն հայտնեց լինել մեր Փրկիչն ու Քավիչը, որպեսզի մենք կարողանայինք դառնալ Նրանց նման և վերադառնալ Նրանց ներկայություն։ (Մ․ Ռասսել Բալլարդ, «Սիրո՞ւմ ես ինձ դորանցից ավելի», Լիահոնա, նոյեմբեր 2021 թ., 52)։

Ինչո՞ւ ենք մենք կյանքում դժվարություններ ունենում։

Առաջին Նախագահությունից նախագահ Դալլին Հ. Օուքսն ասել է.

Opposition in All Things

Elder Oaks teaches how various forms of opposition in mortality help to further our growth.

Բոլորս հանդիպում ենք տարբեր տեսակի հակադրությունների, որոնք փորձում են մեզ։ Այդ փորձություններից մի քանիսը մեղք գործելու գայթակղություններ են։ Մի քանիսն էլ կյանքի դժվարություններ են, որոնք կապված չեն անձնական մեղքի հետ։ Մի քանիսը շատ մեծ են։ Մյուսները՝ փոքր։ Մի քանիսը շարունակական են, մյուսները պարզապես դրվագներ են։ Մեզանից ոչ ոք բացառություն չէ։ Հակադրությունը մեզ թույլ է տալիս աճել և դառնալ այն, ինչ մեր Երկնային Հայրն է ցանկանում, որ մենք դառնանք (Դալլին Հ. Օուքս, «Հակադրություն բոլոր բաներում»», Լիահոնա, մայիս 2016թ., 115–16)։

Ինչպե՞ս կարող է Երկնային Հոր ծրագրի իմացությունն օգնել ինձ

«Փրկության ծրագիր. մենք դեռ մի ընտանիք ենք» (4:46) տեսանյութը ցույց է տալիս, թե փրկության ծրագրի իմացությունն ինչպես օգնեց մի երիտասարդ տղայի դիմակայել ընտանիքի մի քանի անդամների կորստյան կործանարար դժվարությանը։

Plan of Salvation - We’re Still a Family

A young man shares how the plan of salvation has helped him to see the blessings that can come through trials.

Ո՞րն է կյանքի նպատակը և իմաստը

Առաջին Նախագահությունից նախագահ Դալլին Հ. Օուքսը բացատրել է.

Մեծ ծրագիրը

Նախագահ Օուքսը ուսուցանում է Երկնային Հոր ծրագրի սկզբունքային տարրեր, այդ թվում չորս հավաստիացումներ, որ ծրագիրը մեզ օգնում է մահկանացու կյանքի ընթացքում։

Վերականգնման հայտնություններից մեկը համարվող այդ ծրագիրը, որը սուրբ գրություններում հիշատակվում է որպես «երջանկության մեծ ծրագիր», «փրկագնման ծրագիր» և «փրկության ծրագիր» (Ալմա 42.8, 11, 5), սկսվել է Երկնային խորհրդում։ Որպես հոգիներ՝ մենք ցանկություն ունեինք հասնել հավերժական կյանքին, որը վայելում էին մեր երկնային ծնողները։ Այդ ժամանակ մենք առաջադիմել էինք այնքան, որքան հնարավոր էր՝ առանց ֆիզիկական մարմնում մահկանացու փորձի։ Այդ փորձը ապահովելու համար Հայր Աստված ծրագրեց ստեղծել այս երկիրը։ Ծրագրված մահկանացու կյանքում մենք մեղքից կեղտոտվելու էինք, քանի որ անցնելու էինք հակադրության միջով, որն անհրաժեշտ էր մեր հոգևոր աճի համար։ Մենք նաև ենթակա էինք լինելու ֆիզիկական մահվան։ Մահից և մեղքից մեզ վերականգնելու համար Երկնային Հոր ծրագիրը Փրկիչ էր նախատեսում։ Նրա հարությունը բոլորին կփրկագներ մահից, իսկ Նրա քավիչ զոհաբերությունը կվճարեր այն գինը, որն անհրաժեշտ կլիներ, որ բոլորը մեղքից մաքրվեին նախանշված պայմաններով, որը կնպաստեր մեր աճին։ Հիսուս Քրիստոսի Քավությունը առանցքային դեր ունի Հոր ծրագրում (Դալլին Հ․ Օուքս, «Մեծ ծրագիրը», Լիահոնա, մայիս 2020թ., 93)։

Երկնային Հոր ծրագրի ընդհանուր ներկայացման համար կարող եք դիտել «Ո՞րն է կյանքի նպատակը և իմաստը» (7:43) և «Մեր հավերժական կյանքը» (3:46) տեսանյութերը, որոնք հասանելի են համապատասխանաբար Youtube-ում և ChurchofJesusChrist.org կայքում։

What Is the Purpose and Meaning of Life? | Now You Know

God has a plan for us. It's called the plan of salvation, and it contains the answers to life's questions. Jesus Christ is the central figure in God's plan.

Our Eternal Life

We are eternal beings. We lived as spirits before we were born and we will continue to live after we die.