Մորմոնի Գրքի ներածական էջեր

Ջոզեֆ Սմիթի վկայությունը Մորմոնի Գրքի մասին

«Թարգմանված … Աստծո պարգևով ու զորությամբ»

© 1998 Դեյվիդ Լինդսլի

Ինչպե՞ս է ստեղծվել Մորմոնի Գիրքը: Ջոզեֆ Սմիթն ինչպե՞ս թարգմանեց այն անհայտ լեզվից անգլերեն: Այս դասը կարող է օգնել ձեզ ավելի լավ հասկանալ և բացատրել, թե Մորմոնի Գիրքը ինչպես ստեղծվեց «Աստծո պարգևով ու զորությամբ» (Վարդապետություն և Ուխտեր 135.3)։

Մորմոնի Գրքի ստեղծումը

1. Ուսումնասիրեք ստորև ներկայացվող նկարները, որոնցում պատկերված են Մորմոնի Գրքի ստեղծման ժամանակ տեղի ունեցած իրադարձություններ: Դրանք դասավորեք ճիշտ ժամանակագրական կարգով՝ ըստ իրադարձությունների հաջորդականության: Նկարներին նայելիս պատկերացրեք, թե Ջոզեֆ Սմիթն ինչ զգացողություն կունենար այս իրադարձություններից յուրաքանչյուրի վերաբերյալ:

   Ճիշտ պատասխաններն այս դասի վերջում են:

   • Ա.

     

   • Բ.

     

   • Գ.

     

   • Դ.

     

   • Ե.

     

«Աստծո պարգևով ու զորությամբ»

Մտածեք ձեր ճանաչած որևէ մարդու մասին, որը կարող էր օգուտ քաղել՝ ավելին իմանալով Մորմոնի Գրքի ստեղծման մասին: Այդ անձը կարող է լինել մեկը, ով Եկեղեցու անդամ չէ, կամ գուցե Եկեղեցու անդամ է, որը մաքառում է իր հավատքի հետ: Ձեր օրագրում համառոտ նկարագրեք նրա հանգամանքները և սահմանեք, թե Մորմոնի Գրքի ստեղծման մասին ավելին իմանալով՝ նա ինչ օգուտներ կքաղեր:

Ուսանելու ընթացքում ապացույց փնտրեք այն ճշմարտության համար, որ Ջոզեֆ Սմիթը Մորմոնի Գիրքը ստեղծեց Աստծո պարգևով ու զորությամբ (տես Մորմոնի Գրքի տիտղոսաթերթը և Վարդապետություն և Ուխտեր 135.3):

Ջոզեֆ Սմիթն իր փորձառության մասին գրել է Մորմոնի Գրքի ստեղծման ընթացքում:

Ընթերցեք «Մարգարե Ջոզեֆ Սմիթի վկայությունը» Մորմոնի Գրքի ներածական էջերում: Նշեք այն մտքերը կամ մանրամասները, որոնցով գուցե ցանկանայիք կիսվել այն մարդու հետ, որի մասին մտածել էիք ավելի վաղ: Եթե ունեք հասանելիություն սուրբ գրությունների էլկետրոնային տարբերակին, գուցե ցանկանաք ունկնդրել տեքստը և հետևել ձեր սուրբ գրություններին:

• Ի՞նչ պնդումներ եք գտել, որոնք ցույց են տալիս, որ Մորմոնի Գիրքը ստեղծվել է Աստծո պարգևով ու զորությամբ:

• Ձեր կարծիքով, Մորմոնի Գրքի թարգմանության համար ինչո՞ւ էր ընտրվել Ջոզեֆ Սմիթը, այլ ոչ թե այդ ժամանակաշրջանի որևէ ականավոր գիտնական:

• Ի՞նչ իմացաք Մորմոնի Գրքի ստեղծման մասին, որով կկիսվեիք ձեր ընտրած մարդու հետ:

Պատմական մանրամասներ

Ստանալով թիթեղները՝ Ջոզեֆ Սմիթը թարգմանեց Մորմոնի Գիրքը Աստծո պարգևով ու զորությամբ: «Ջոզեֆը երբեմն թարգմանում էր՝ նայելով մեկնիչների միջով [Ուրիմը և Թումիմը] և անգլերենով ընթերցելով թիթեղների վրա գրված նշանները: Հաճախ նա պարզում էր, որ տեսանողի մեկ քարով կարդալն ավելի հարմար է: Նա տեսանողի քարը տեղադրում էր իր գլխարկի մեջ, դեմքը դնում էր գլխարկի մեջ՝ լույսը փակելու համար, և նայում էր քարին։ Քարի լույսը շողում էր մթության մեջ՝ բացահայտելով այն բառերը, որոնք Ջոզեֆը թելադրում էր» (Սրբեր. Հիսուս Քրիստոսի Եկեղեցու պատմությունը վերջին օրերին, հատոր 1, Ճշմարտության դրոշը, 1815–1846 [2018], 61): Տեսանողի քարի և Մորմոնի Գրքի թարգմանության մասին ավելին իմանալու համար տես Ավետարանական թեմաներ «Մորմոնի Գրքի թարգմանությունը»:

Հնարավորության դեպքում դիտեք «Ներդաշնակության օրեր» տեսանյութը 5:44-9:24, որը կարելի է գտնել ChurchofJesusChrist.org կայքում:

Days of Harmony

Կարդացեք Առաջին Նախագահությունից նախագահ Դալլին Հ․ Օուքսի խոսքերը: Կարող եք դիտել նաև «Հակադրություն բոլոր բաներում» տեսանյութը 8:18-9:24 ChurchofJesusChrist.org կայքում:

Opposition in All Things

Մորմոնի Գրքի թարգմանությունն ավարտելուց հետո Ջոզեֆ Սմիթը պետք է տպագրիչ գտներ գիրքը հրատարակելու համար: Դա հեշտ չէր: Ձեռագրի ծավալի, տպագրության ծախսերի և հազարավոր օրինակներ կազմելու բարդությունը վախեցնող էին: Ջոզեֆը նախ դիմեց Ի. Բ. Գրանդինին՝ Պալմիրայից մի տպագրիչի, որը մերժեց նրան: Ապա գտավ ևս մեկ տպագրիչի Պալմիրայում, որը նույնպես մերժեց նրան: Նա գնաց Ռոչեստեր՝ 25 մղոն (40 կմ) հեռու և դիմեց արևմտյան Նյու Յորքի ամենահեղինակավոր տպագրիչին, որը նույնպես մերժեց նրան: Ռոչեստերի մեկ այլ տպագրիչ պատրաստ էր տպագրել, սակայն հանգամանքների բերումով այդ տարբերակն անընդունելի դարձավ:

Անցել էին շաբաթներ, և Ջոզեֆը պետք է որ տարակուսած լիներ աստվածային հանձնառության կատարման դեմ ծառացած հակադրությունից: Տերը չհեշտացրեց նրա գործը, բայց հնարավոր դարձրեց այն: Ջոզեֆի հինգերորդ փորձը, երբ նա երկրորդ անգամ դիմեց Պալմիրայի տպագրիչ Գրանդինին, հաջողությամբ ավարտվեց (Դալլին Հ․ Օուքս, «Հակադրություն բոլոր բաներում», Լիահոնա, մայիս 2016թ., 116)

2. Պատասխանեք հետևյալ հարցերին.

   • Այս պատմական մանրամասներն ինչպե՞ս են ազդում Մորմոնի Գրքի վերաբերյալ ձեր անձնական զգացողությունների վրա:

   • Ի՞նչ է ուսուցանում ձեզ Մորմոնի Գրքի ստեղծումը Երկնային Հոր և Հիսուս Քրիստոսի մասին:

Բացատրեք, թե ինչպես ստեղծվեց Մորմոնի Գիրքը

3. Կատարեք հետևյալը․

   Մտածեք ձեր ընտրած մարդու մասին, որը կարող էր օգուտ քաղել Մորմոնի Գրքի ստեղծման մասին ավելին իմանալով: Նրա համար կազմեք համառոտ ամփոփագիր: Ներառեք մանրամասներ, որոնք կարող են օգնել պատասխանել նրա հավանական հարցերին: Պատմեք, թե այս իրադարձություններն ի՞նչ են ուսուցանում Երկնային Հոր և Հիսուս Քրիստոսի մասին։ Կարող եք ներառել Մորմոնի Գրքի մասին ձեր անձնական վկայությունը, և թե ինչպես է այն թարգմանվել Աստծո պարգևով ու զորությամբ:

Սկզբում ներկայացված նկարների ճիշտ հերթականությունն է՝ Դ, Գ, Բ, Ա, Ե:

Ընտրովի. ցանկանո՞ւմ եք ավելին իմանալ

Ջոզեֆ Սմիթն ինչպե՞ս թարգմանեց Մորմոնի Գիրքը:

Տասներկու Առաքյալների Քվորումից երեց Ուլիսես Սոարեսն ուսուցանել է.

Մորմոնի Գրքի ի հայտ գալը

Մորմոնի Գրքի թարգմանության գործընթացը նույնպես հրաշք էր: Այս հնագույն սուրբ հիշատակարանը «չի թարգմանվել» այն ավանդական եղանակով, որով գիտնականները կթարգմանեին հնագույն տեքստերը՝ սովորելով որևէ հնագույն լեզու: Մենք գործընթացին պետք է նայենք ավելի շուտ որպես «հայտնություն», որի ժամանակ Տիրոջ կողմից տրամադրվել են ֆիզիկական գործիքներ, և չդիտարկենք այն որպես լեզուների իմացություն ունեցող մարդու «թարգմանություն»: Ջոզեֆ Սմիթը հայտարարել է, որ Աստծո զորությամբ ինքը «թարգմանեց Մորմոնի Գիրքը [հիերոգլիֆներից], որոնց մասին գիտելիքը կորսված էր աշխարհում, և այդ հրաշալի գործում [ինքը]՝ չկրթված մի պատանի, նոր հայտնությամբ միայնակ դեմ առ դեմ կանգնեց աշխարհի իմաստությանը և տասնութ դարերի բազմապատիկ արհամարհանքին»: Տիրոջ օգնությունը թիթեղների կամ, այսպես ասած, հայտնության թարգմանության հարցում ակնհայտ է նաև այն դեպքում, երբ հաշվի ենք առնում այն անհավատալի կարճ ժամանակը, որի ընթացքում Ջոզեֆ Սմիթը թարգմանեց դրանք: (Ուլիսես Սոարես, «Մորմոնի Գրքի ստեղծումը», Լիահոնա, մայիս 2020թ., 33):

«Մորմոնի Գրքի թարգմանությունը» ավետարանական թեման լրացուցիչ տեղեկություններ է տալիս.

Ջոզեֆի կինը՝ Էմման, բացատրել է, որ ինքը «հաճախ էր օրեր շարունակ գրում» Փենսիլվանիա նահանգի Հարմոնի քաղաքի իրենց տան փոքր սեղանի մոտ նստած: Նա նկարագրում էր Ջոզեֆին այսպես. «նստած և դեմքն իր գլխարկի մեջ խորասուզած, որի մեջ քարն էր, ու ժամեր շարունակ թելադրում էր՝ մեր միջև ոչինչ չունենալով»: Ըստ Էմմայի՝ թիթեղները «հաճախ փոքր վուշե կտորի մեջ փաթաթված մնում էին սեղանին՝ առանց թաքցնելու փորձի»: Երբ հարցնում էին, թե արդյոք Ջոզեֆն Աստվածաշնչից կամ իր պատրաստած որևէ ձեռագրից է թելադրել, Էմման կտրականապես ժխտում էր այդ հնարավորությունները. «նա ո՛չ ձեռագիր, ո՛չ էլ գիրք ուներ, որից կկարդար»: Էմման իր որդի Ջոզեֆ Սմիթ Երրորդին պատմել է. «Մորմոնի Գիրքն աստվածային վավերականություն ունի, ես դրանում փոքրագույն կասկած անգամ չունեմ: Ես համոզված եմ, որ ոչ մի մարդ չէր կարող թելադրել ձեռագրերի գրվածքները, եթե ոգեշնչված չլիներ, քանզի, երբ ես ծառայում էի որպես քո հոր դպիր, նա թելադրում էր ինձ ժամերով, և երբ ճաշելուց կամ ընդմիջումներից հետո վերադառնում էր, նա միանգամից սկսում էր այնտեղից, որտեղ կանգ էր առել՝ անգամ չտեսնելով ձեռագիր էջերը, կամ չլսելով ոչ մի հատվածի ընթերցում»: (Ավետարանական թեմաներ, «Մորմոնի Գրքի թարգմանությունը», topics.ChurchofJesusChrist.org):

Այս զարմանահրաշ գործընթացի մասին ավելին իմանալու համար դիտեք «Տեսանողի քարը» տեսանյութը (3:47), որը կարելի է գտնել ChurchofJesusChrist.org կայքում:

Seer Stone

Ինչպե՞ս է Մորմոնի Գիրքը թարգմանվել տարբեր լեզուներով

Մորմոնի Գրքի՝ տարբեր լեզուներով թարգմանության մասին ավելին իմանալու համար կարդացեք «Մորմոնի Գրքի թարգմանությունը» հոդվածը (history.ChurchofJesusChrist.org):