Ireo pejy fanolorana ny Bokin’i Môrmôna

Ny fijoroan’i Joseph Smith ho vavolombelona momba ny Bokin’i Môrmôna

“Nadika … araka ny fanomezam-pahasoavana sy ny herin’ Andriamanitra”

© 1998 David Lindsley

Ahoana no fomba nahatongavan’ny Bokin’i Môrmôna? Ahoana no fomba nandikan’i Joseph Smith izany avy amina teny tsy fantatra ho amin’ny teny anglisy? Ity lesona ity dia afaka manampy anao hahatakatra kokoa ny fomba nahatongavan’ny Bokin’i Môrmôna “araka ny fanomezam-pahasoavana sy ny herin’ Andriamanitra” (Fotopampianarana sy Fanekempihavanana 135:3).

Ny fahatongavan’ny Bokin’i Môrmôna

1. Avereno jerena ireto sary manaraka izay maneho tranga nandritra ny fahatongavan’ny Bokin’i Môrmôna ireto. Alamino amina filaharana ara-banim-potoana marina nisehoan’ny tranga izy ireo. Rehefa mijery ireo sary ireo ianao, dia alaovy sary an-tsaina ny zavatra mety tsapan’i Joseph Smith tamin’ny tsirairay tamin’ireo fotoana ireo.

   Any amin’ny faran’ity lesona ity no ahitana ireo valiny marina.

   • A.

     

   • B.

     

   • D.

     

   • E.

     

   • F.

     

“Tamin’ny alalan’ny fanomezam-pahasoavana sy ny herin’ Andriamanitra”

Mieritrereta olona iray fantatrao izay mety ho afaka hahazo tombony amin’ny fahalalana misimisy kokoa ny fahatongavan’ny Bokin’i Môrmôna. Mety ho olona iray tsy mpikambana ao amin’ny Fiangonana na angamba mpikambana ao amin’ny Fiangonana izay miady mafy amin’ny finoany. Soraty fohifohy ao amin’ny diary fandalinanao ny toe-java-misy azy ireo ary fantaro hoe nahoana no hahazoan’izy ireo tombony ny fahalalana misimisy kokoa ny fahatongavan’ny Bokin’i Môrmôna.

Rehefa mandalina ianao dia mitadiava porofon’ny fahamarinana hoe namoaka ny Bokin’i Môrmôna araka ny fanomezam-pahasoavana sy ny herin’ Andriamanitra i Joseph Smith (jereo ny pejin-dohatenin’ny Bokin’i Môrmôna sy ny Fotopampianarana sy Fanekempihavanana 135:3).

Nanoratra momba ny zavatra niainany nandritra ny fahatongavan’ny Bokin’i Môrmôna i Joseph Smith.

Vakio ny “Ny fanambaran’ny Mpaminany Joseph Smith” ao amin’ny pejy fanolorana ny Bokin’i Môrmôna. Mariho ny fahatakarana na antsipiriany izay mety hozarainao amin’ny olona vao avy noeritreretinao. Raha afaka miditra amina soratra masina nomerika ianao, dia azonao atao ny mihaino ny lahatsoratra sy manaraka ao amin’ny soratra masinao.

• Inona avy no fanambarana hitanao milaza fa navoaka tamin’ny alalan’ ny fanomezam-pahasoavana sy ny herin’ Andriamanitra ny Bokin’i Môrmôna?

• Nahoana araka ny hevitrao no i Joseph Smith no nofidina handika ny Bokin’i Môrmôna fa tsy olona manam-pahaizana niavaka tamin’io vanim-potoana io?

• Inona no zavatra nianaranao momba ny fahatongavan’ny Bokin’i Môrmôna ka hozarainao amin’ilay olona noeritreretinao?

Antsipiriany ara-tantara

Rehefa avy nandray ireo takelaka i Joseph Smith, dia nandika ny Bokin’i Môrmôna tamin’ny alalan’ny fanomezam-pahasoavana sy ny herin’ Andriamanitra. “Indraindray i Joseph Smith dia nandika tamin’ny alalan’ny fijerena ny mpandika teny [Orima sy Tomima] sy ny famakiana tamin’ny teny anglisy ireo endritsoratra teo amin’ny takelaka. Matetika izy no nahita vato mpahita tokana mba hahamety kokoa izany. Nataony tao anatin’ny satrony ilay vato mpahita, nataony tao amin’ny satroka ny tavany mba hanakanana ny hazavana ary nibanjina ilay vato izy. Ny hazavana avy amin’ilay vato dia namiratra tao amin’ilay haizina, nanambara teny izay notononin’i Joseph Smith” (Saints: The Story of the Church of Jesus Christ in the Latter Days, bok. 1, The Standard of Truth, 1815–1846 [2018], 61). Mba hahalalana misimisy kokoa momba ilay vato mpahita sy ny fandikana ny Bokin’i Môrmôna, dia jereo ny Gospel Topics Essay “Book of Mormon Translation.”

Raha misy dia jereo ny “Days of Harmony” manomboka amin’ny mari-potoana 5:44 hatramin’ny 9:24, izay azo jerena ao amin’ny ChurchofJesusChrist.org.

Days of Harmony

Witness Oliver Cowdery’s experience as Joseph Smith’s scribe during the translation of the Book of Mormon.

Vakio ity fanambarana manaraka nataon’ny Filoha Dallin H. Oaks ao amin’ny Fiadidiana Voalohany ity. Azonao atao ihany koa ny mijery ny horonan-tsary “Opposition in All Things [Fifanoherana amin’ny zava-drehetra]” ao amin’ny ChurchofJesusChrist.org manomboka amin’ny mari-potoana 8:18 hatramin’ny 9:24.

Opposition in All Things

Elder Oaks teaches how various forms of opposition in mortality help to further our growth.

Rehefa nahavita ny fandikana ny Bokin’i Môrmôna i Joseph Smith dia mbola tsy maintsy nitady mpiantoka boky izy. Tsy mora izany. Nampiahiahy ny fahasarotan’io rakitsoratra lava io sy ny vidin’ny fanaovana printy ary ny fanakambanana ireo tahadika an’arivony maro. Nanatona an’i E. B. Grandin, mpanao printy iray tao Palmyra, aloha i Joseph tamin’ny voalohany ary nolaviny. Avy eo izy dia nitady mpanao printy iray hafa tao Palmyra, izay nandà azy ihany koa. Nandeha tany Rochester izy, 40 km miala eo, ka niresaka tamin’ireo mpiantoka boky malaza indrindra tao New York andrefana, izay mbola nandà azy ihany koa. Nisy mpiantoka boky iray hafa vonona tao Rochester saingy noho ny toe-javatra samihafa dia tsy azo natao izany.

Herinandro maro no lasa, ary tsy maintsy efa very hevitra i Joseph Smith amin’ny fanoherana misy amin’ny fanatanterahana ny andraikitra nampanaovin’ Andriamanitra azy. Tsy nataon’ny Tompo ho mora izany, saingy nataony ho azo tanterahina. Ny andrana fahadimy sy ny firesahana faharoa tamin’i Grandin, mpiantoka boky iray tao Palmyra, vao nahomby. (Dallin H. Oaks, “Fifanoherana amin’ny zava-drehetra,” Liahona, mey 2016, 116)

2. Valio ireto fanontaniana manaraka ireto:

   • Ahoana no niantraikàn’ireo antsipiriany ara-tantara ireo tamin’ny fahatsapanao manokana momba ny Bokin’i Môrmôna?

   • Inona no ampianarin’ny fahatongavan’ny Bokin’i Môrmôna momba ny Ray any An-danitra sy i Jesoa Kristy?

Manazava ny fahatongavan’ny Bokin’i Môrmôna

3. Fenoy ity manaraka ity:

   Mieritrereta olona iray vao avy noeritreretinao izay afaka hahazo tombony amin’ny fahalalana misimisy kokoa ny fahatongavan’ny Bokin’i Môrmôna. Manorata famintinana fohy ho azy. Ampidiro ny antsipiriany izay afaka manampy amin’ny famaliana ny fanontaniana mety hananany. Zarao ny zavatra ampianarin’ireo tranga ireo momba ny Ray any An-danitra sy i Jesoa Kristy. Hevero ny hampiditra ny fijoroanao ho vavolombelona manokana momba ny Bokin’i Môrmôna sy ny fomba nandikana izany tamin’ny alalan’ny fanomezam-pahasoavana sy ny herin’ Andriamanitra.

Ny filaharana marin’ny sary eo am-panombohana dia E, D, B, A, F.

Tsy voatery atao: Te hianatra bebe kokoa ve ianao?

Ahoana no nandikan’i Joseph Smith ny Bokin’i Môrmôna?

Ny Loholona Ulisses Soares avy ao amin’ny Kôlejin’ny Apôstôly Roambinifolo dia nampianatra hoe:

Ny Fivoahan’ny Bokin’i Môrmôna

Soritsoritan’ny Loholona Soares ireo fahagagana maro nitranga tamin’ny fivoahan’ny Bokin’i Môrmôna, tafiditra amin’izany ireo fahagagana izay mety hitranga eo amin’ny fiainantsika noho io rakitsoratra masina io.

Fahagagana ihany koa ny fizotran’ny nandikana ny Bokin’i Môrmôna. Io rakitsoratra masina fahiny io dia tsy “nadika” tamin’ny fomba mahazatra fanaon’ireo manam-pahaizana amin’ny alalan’ny fianarana fiteny fahagola. Tokony hojerentsika amin’ny maha “fanambarana” azy ilay dingana, miaraka amin’ny fanampian’ny fitaovana azo tsapain-tanana natolotry ny Tompo, fa tsy toy ny “fandikana” ataon’olona iray manana fahalalana momba ny fiteny. Nambaran’i Joseph Smith fa tamin’ny alalan’ny herin’ Andriamanitra no “nandikany ny Bokin’i Môrmôna avy tamin’ny [tarehintsoratra egyptiana fahagola], izay very teo amin’izao tontolo izao ny fahalalana momba azy, ary nijoro irery tao anatin’izany trangan-javatra mampitolagaga izany [izy], zatovo tsy nanam-pahalalana, mba hiady amin’ny fahendren’ny tany sy ireo tsy fahalalana maro tamin’ny taonjato fahavalo ambin’ny folo, tamin’ny alalan’ny fanambarana iray vaovao.” Miharihary ihany koa ny fanampian’ny Tompo tamin’ny nandikana ireo takelaka, na fanambarana raha izay no hilazana izany, raha jerena ny fotoana fohy dia fohy feno fahagagana izay nandikan’i Joseph Smith an’izany. (Ulisses Soares, “Ny Fivoahan’ny Bokin’i Môrmôna,” Liahona, mey 2020, 33)

Ny Gospel Topics Essay “Book of Mormon Translation” dia manome fahatakarana fanampiny:

Nanazava i Emma vadin’i Joseph fa “nanoratra matetika isan’andro” teo amin’ny latabatra kely iray tao an-tranon’izy ireo tany Harmony, Pennsylvanie izy. Nofariparitany i Joseph “nipetraka ka ny lohany milentika ao amin’ny satrony izay nisy vato ary manonona mandritra ny ora maro nefa tsy misy na inona na inona teo anelanelanay.” Araka ny nolazain’i Emma, ireo takelaka ireo dia “nidaboka matetika teo ambonin’ny latabatra ary tsy nisy fanandramana hanafina, voarakotra lamban-databatra rongony kely.” Rehefa nanontaniana i Emma raha toa ka nanonona avy amin’ny Baiboly na avy amina soratanana nomaniny mialoha i Joseph, dia nolaviny marindrano ireo zavatra azo eritreretina rehetra ireo: “tsy nanana soratanana na boky novakina izy.” Nilaza toy izao tamin’ny zanany lahy, Joseph Smith III, i Emma: “Avy amin’ Andriamanitra ny Bokin’i Môrmôna—tsy misalasala ny amin’izany aho na kely aza. Mino tanteraka aho fa tsy misy olona ho afaka nanonona ny soratra tao amin’ny raki-tsoratra raha tsy notarihin’ny Fanahy izy; satria rehefa niasa ho mpitantsorany aho dia nanonona tamiko nandritra ny ora maro ny rainao; ary rehefa nanohy indray rehefa avy nisakafo na rehefa avy nitsahatra kely, dia tonga dia nanomboka teo amin’izay nijanonany izy, tsy namerina nijery akory izay voasoratra na hoe nangataka ny hamakiana ampahany ho azy.” (Gospel Topics Essays, “Book of Mormon Translation,” topics.ChurchofJesusChrist.org)

Jereo ny “Vato Mpahita” (3:47), izay azo jerena ao amin’ny ChurchofJesusChrist.org, mba hahalalana misimisy kokoa momba io dingana feno fahagagana io.

Seer Stone

God often uses ordinary objects to accomplish extraordinary tasks, even miracles! The power of God was similarly demonstrated with Joseph Smith, who used “seer stones”—stones believed to transmit revelation, to translate the Book of Mormon

Ahoana no nandikana ny Bokin’i Môrmôna tamina fiteny isan-karazany?

Vakio ny lahatsoratra hoe “Translations of the Book of Mormon” (history.ChurchofJesusChrist.org) mba hahalalana misimisy kokoa momba ny fandikana ny Bokin’i Môrmôna tamina tenim-pirenena maro.