1 Nefi 6–7

Përcaktimi i “Gjëra[ve të] Perëndisë”

Po të shkruaje një anal që do të mbahej që brezat e ardhshëm të mësonin prej tij, çfarë mund të përfshije në të? Nefi shprehu dëshirën që shkrimet e tij të ishin të kënaqshme për Perëndinë dhe t’i bindnin të tjerët ta ndiqnin Jezu Krishtin. Ky mësim do të të ndihmojë të kuptosh se si qëllimet e Librit të Mormonit mund të të ndihmojnë gjatë studimit tënd dhe në jetën tënde.

Pse ta studiojmë Librin e Mormonit?

Imagjinoni se si mund të përgjigjeni nëse dikush ju bën pyetjet e mëposhtme:

• “Ka shumë libra rreth fesë dhe të bërit një njeri më i mirë; pse duhet ta lexoj Librin e Mormonit? Çfarë do të bëjë ai për mua? Ku ndryshon ose është ai më i mirë se librat e tjerë?”

Nefi e tregoi synimin, ose qëllimet e tij, për regjistrimin e atyre që shkroi në Librin e Mormonit. Dijenia për këto qëllime mund të na ndihmojë të kuptojmë arsyen përse duhet ta lexojmë librin dhe çfarë mund të bëjë ai për ne.

Lexo te 1 Nefi 6:3–6 dhe merr parasysh të shenjosh fjalët ose frazat që i përcaktojnë qëllimet e Nefit për mbajtjen e analit të tij. Mund të jetë e dobishme të dish se “Perëndia i Abrahamit, … Isakut, dhe … Jakobit” (vargu 4) është një titull për Jezu Krishtin.

1. Përgjigju për pyetjen vijuese:

   • Si do ta shpjegoje arsyen përse Nefi i regjistroi pikërisht ato [gjëra]?

Sipas Nefit, shkrimet e tij kishin për qëllim të na bindnin që të vijmë te Jezu Krishti dhe të përmbanin vetëm gjëra që janë të kënaqshme për Perëndinë.

Ndalo një çast për të menduar rreth përvojës tënde me leximin e Librit të Mormonit deri tani.

• A po të ndihmon Libri i Mormonit që të dish gjëra që janë të kënaqshme për Perëndinë? Nëse po, si?

• A ndien se studimi i Librit të Mormonit po të ndihmon të afrohesh më shumë me Jezu Krishtin dhe të shpëtohesh? Përse po ose përse jo?

• Si mund të jetë një bekim në jetën tënde njohuria për gjërat e Perëndisë dhe afrimi më shumë me Jezu Krishtin?

Ardhja te Jezu Krishti dhe njohuria e gjërave që janë të kënaqshme për Perëndinë

Një aftësi e dobishme e studimit të shkrimeve të shenjta është të kërkosh qëllimet e Nefit ndërsa lexonë Librin e Mormonit. Do të kesh mundësi të praktikohesh për ta bërë këtë ndërsa lexon te 1 Nefi 7.

Ngjarjet që tregoi Nefi te 1 Nefi 7 mund të ndahen në tri pjesë kryesore. Lexo përmbledhjet vijuese për çdo pjesë. Përzgjidh një dhe studioje më tej, duke kërkuar për çdo gjë që e kënaq Perëndinë dhe na ndihmon ne të vijmë te Krishti.

Pjesa 1. 1 Nefi 7:1–5. Nefi dhe vëllezërit e tij u kthyen përsëri në Jerusalem për të bindur familjen e Ishmaelit që t’i bashkohej udhëtimit të tyre për në tokën e premtuar. Kjo e lejoi Nefin dhe vëllezërit e tij të martoheshin dhe të kishin familje.

Ishmael's Household Joins Lehi's Family | 1 Nephi 7

1 Nephi 7 | Ishmael's family joins Lehi's sons. Laman and Lemuel bind Nephi, whose faith saves him. All is forgiven, and the journey continues.

Pjesa 2. 1 Nefi 7:6–18. Lamani dhe Lemueli e lidhën Nefin, duke synuar ta linin të vdiste në vendin e shkretë. Por Nefi ushtroi besim të madh dhe Zoti e çliroi atë mrekullisht.

Ishmael's Household Joins Lehi's Family | 1 Nephi 7

1 Nephi 7 | Ishmael's family joins Lehi's sons. Laman and Lemuel bind Nephi, whose faith saves him. All is forgiven, and the journey continues.

Pjesa 3. 1 Nefi 7:17–22. Nefi i fali sinqerisht vëllezërit e vet për orvatjen e tyre për ta vrarë dhe grupi u kthye te Lehi dhe Saria.

Ishmael's Household Joins Lehi's Family | 1 Nephi 7

1 Nephi 7 | Ishmael's family joins Lehi's sons. Laman and Lemuel bind Nephi, whose faith saves him. All is forgiven, and the journey continues.

2. Shënoje bllokun e shkrimit të shenjtë që zgjodhe të studiosh dhe përgjigju për pyetjet vijuese:

   • Çfarë mësove nga studimi yt që mendon se do ta kënaqte Perëndinë dhe do të të ndihmonte të vije te Krishti?

• Si mund të të ndihmojë ajo që mësove në jetën tënde?

Reflekto për përvojën tënde të studimit sot ndërsa kërkove në mënyrë specifike gjëra që do të të ndihmonin të vije te Jezu Krishti dhe që janë të kënaqshme për Perëndinë.

3. Përgjigju për pyetjen vijuese:

   • Si mund të përmirësohet studimi yt i shkrimeve të shenjta nëse ke vazhdimisht këtë qasje ndaj studimit tënd?

Fakultative: Dëshiron të Mësosh më Shumë?

Çfarë bekimesh mund të vijnë nga studimi me sinqeritet i Librit të Mormonit dhe mbajtja shënim e të vërtetave që përmban ai?

Merr parasysh të shikosh materialin filmik vijues që paraqet rininë nga Europa lindore duke përshkruar përvojat e tyre me leximin e Librit të Mormonit dhe ta mbash shënim atë që mësuan ata.

Book of Mormon: Messages from Heaven

President Monson and President Erying encouraged youth to read the Book of Mormon. Youth from Eastern Europe share what they have learned from reading the Book of Mormon and writing down their impressions.

Përse familja është kaq e rëndësishme për Zotin? Çfarë ndryshimi mund të bëj në familjen time tani?

Shkrimet e shenjta flasin për nevojën që bijtë e Lehit të martoheshin që të mund të bënin fëmijë në tokën e premtuar dhe nëpërmjet profetëve modernë ne mësojmë se familja është qendrore në planin e Zotit që të bëjë të ndodhë fati ynë i përjetshëm. Burimet e mëposhtme mund të të ndihmojnë ta kuptosh më thellë rëndësinë e familjes dhe ndikimin që mund të kenë familjet.

• “Familja: Një Proklamatë drejtuar Botës”, ChurchofJesusChrist.org

• Shining Forth in the Family

  Members around the world testify that youth can have a powerful influence on their families.

Si mund t’i fal të tjerët?

Plaku Xhefri R. Holland, i Kuorumit të Dymbëdhjetë Apostujve, dha mësim sa vijon:

“‘Falni dhe do të jeni të falur’ [Lluka 6:37], dha mësim Krishti në kohën e Dhiatës së Re. Dhe në kohën tonë: ‘Unë, Zoti, do të fal kë do të fal, por nga ju kërkohet t’i falni të gjithë njerëzit’ [Doktrina e Besëlidhje 64:10]. Megjithatë është e rëndësishme për disa prej jush që jetojnë në ankth të vërtetë, që të vëreni atë që Ai nuk tha. Ai nuk tha: ‘Nuk ju lejohet të ndieni dhembje të vërtetë ose brengë të vërtetë nga përvojat shkatërruese që i keni pasur për shkak të një personi tjetër’. As nuk tha: ‘Me qëllim që të falni plotësisht, ju duhet të hyni sërish në një marrëdhënie helmuese ose të ktheheni në një rrethanë keqtrajtuese dhe shkatërruese’. Por pavarësisht nga fyerjet më të tmerrshme që mund të na vijnë, ne mund të ngrihemi mbi dhembjen tonë vetëm kur i vendosim këmbët tona në shtegun e shërimit të vërtetë. Ai shteg është shtegu i faljes nëpër të cilin eci Jezusi i Nazaretit, që i bën thirrje secilit prej nesh: ‘Eja e më ndiq’ [Lluka 18:22].” (Xhefri R. Holland, “Shërbesa e Pajtimit”, Liahona, nëntor 2018, f. 78–79)

Teksa shërbente si anëtar i Të Shtatëdhjetëve, Plaku Leri J. Eko Houk tha fjalët në vijim:

“Vëllezër e motra, a ka njerëz në jetën tonë që na kanë lënduar? A i ushqejmë ato që quhen ndjenja plotësisht të justifikuara mërie dhe zemërimi? A po e lejojmë krenarinë që të na pengojë të falim dhe t’i lëmë gjërat të shkojnë? E ftoj gjithsecilin prej nesh që të falë plotësisht dhe ta lërë shërimin të ndodhë së brendshmi. Por edhe nëse falja nuk vjen sot, dijeni se ashtu siç e dëshirojmë dhe punojmë për të, ajo do të vijë – ashtu siç bëri më në fund për mua pas vdekjes së vëllait tim.” (Leri J. Eko Houk, “Sikundër Krishti ju Fal, ashtu Bëni edhe Ju”, Liahona, maj 2018, f. 16)