1 Nefi 8:1–18

Dashuria e Perëndisë Është më e Dëshirueshmja mbi të Gjitha Gjërat

Si do ta përshkruaje dashurinë e Perëndisë? Lehi pati një vegim në të cilin pa një pemë të bukur. Ai hëngri frutin e pemës dhe “ishte më i ëmbël se gjithçka” që kishte shijuar ndonjëherë më parë (1 Nefi 8:11). Kjo pemë dhe fruti i saj përfaqësojnë dashurinë e Perëndisë që shfaqen te lindja, jeta, shërbesa dhe flijimi shlyes i Jezu Krishtit. Kjo dashuri ia “mbushi shpirtin [Lehit] me një gëzim jashtëzakonisht të madh” (1 Nefi 8:12). Ky mësim ka për qëllim të të ndihmojë që ta shtosh dëshirën tënde për të përjetuar dashurinë e Perëndisë dhe Shlyerjen e Jezu Krishtit.

Errësira dhe drita

Disa folës në konferencën e përgjithshme kanë treguar histori përjetimi të një errësire fizike të ndjekur nga një kuptueshmëri e shtuar dhe mirënjohje për dritën. Përpiqu t’i imagjinosh situatat në vijim. Lexoje ose shikoje njërën nga këto histori.

Ecja me biçikletë përmes një tuneli në një shteg prej 24 kilometrash (shih Vern P. Stanfill, “Zgjidhni Dritën”, Liahona, nëntor 2015, f. 55–57).

Choose the Light

A reckless biker finds himself in a battle against time and the elements when he enters a situation he can’t get out of. He discovers his only option is to choose the light.

Dritat e Tempullit të Solt‑Lejkut që nuk ndizeshin natën (shih Sharon Iubank, “Krishti: Drita që Shkëlqen në Errësirë”, Liahona, maj 2019, f. 73–76).

Krishti: Drita që Shkëlqen në Errësirë

Motra Iubank na mëson se nëse e bëjmë Krishtin qendrën e jetës sonë, Ai do të na mbështetë në sprovat tona dhe do të jetë drita jonë në errësirë.

Krishti: Drita që Shkëlqen në Errësirë

Motra Iubank na mëson se nëse e bëjmë Krishtin qendrën e jetës sonë, Ai do të na mbështetë në sprovat tona dhe do të jetë drita jonë në errësirë.

Zbritja me litar në një shpellë të thellë (shih Timothi J. Daiks, “Drita Kapet pas Dritës”, Liahona, maj 2021, f. 112–115).

Light Cleaveth unto Light

Elder Dyches teaches that Jesus Christ is the Light of the World and the source of true happiness and peace.

Lehi lutet për mëshirën e Zotit

Ndërkohë që jetonte në vendin e shkretë, Lehi i tregoi familjes së tij hollësi të një vegimi që kishte parë. Në këtë vegim, ai ishte në “një vend të shkretë, të errët dhe të zymtë” (1 Nefi 8:4).

Lexo te 1 Nefi 8:5–8, duke kërkuar atë që i ndodhi Lehit dhe se si u ndie ai. Mund të jetë e dobishme ta përfytyrosh atë që lexon. Kërko hollësi përshkruese që mund të të ndihmojnë të krijosh një tablo në mendje ose t’i imagjinosh ngjarjet si një film.

• Çfarë lloj mendimesh ose ndjenjash mendon se e bënë Lehin të lutej për mëshirë?

Ndalu një çast për të përsiatur mënyrat e ndryshme në të cilat mund të ndiejmë errësirë në jetën tonë dhe arsyet se pse mund t’i bëjmë thirrje Zotit për mëshirë.

Lexo te 1 Nefi 8:9–12, duke kërkuar mënyrën se si e ndihmoi Zoti Lehin.

Në ditarin tënd të studimit, bëj një vizatim të thjeshtë që përfaqëson pemën që pa Lehi. Vizatoje frutën në pemë dhe emërtoje frutën në bazë të shpjegimeve të Lehit te 1 Nefi 8:10–12. (Për përshkrime shtesë për ta emërtuar frutën e pemës, lexo te 1 Nefi 15:36 dhe Alma 32:42.) Ndërsa vizaton, mendo rreth asaj që mund të përfaqësojnë kjo pemë dhe fruta e saj.

Më vonë, Nefi deshi ta dinte dhe kuptonte personalisht vegimin, përfshirë kuptimin e pemës që kishte parë Lehi. Ndërkohë që përsiaste mbi atë që i qe dhënë mësim, Nefit iu tregua, nga Shpirti, një vegim i Virgjëreshës Marie duke mbajtur Jezusi foshnjë në krahë (shih te 1 Nefi 11:13, 20).

Vështroje figurën vijuese dhe mendo rreth arsyes pse Nefit mund t’i jetë treguar kjo kur Ai donte të dinte kuptimin e pemës.

Lexo te 1 Nefi 11:21–23, duke kërkuar se çfarë tjetër iu tregua Nefit dhe si e ndihmoi kjo atë për të mësuar kuptimin e pemës. Mund ta emërtosh pemën në bazë të asaj që mëson.

• Si mendon që na ndihmon Shpëtimtari ta ndiejmë dashurinë e Perëndisë?

Plaku Dejvid A. Bednar, i Kuorumit të Dymbëdhjetë Apostujve, dha mësim:

“Shfaqja më e madhërishme e dashurisë së Perëndisë për fëmijët e Tij është shërbesa në vdekshmëri, flijimi shlyes dhe Ringjallja e Zotit Jezu Krisht. Fruta në pemë mund të shihet si një simbol për bekimet e Shlyerjes së Shpëtimtarit.” (Dejvid A. Bednar, “Ejani dhe Shikoni”, Liahona, nëntor 2014, f. 109)

• Nga vegimi i Lehit dhe thënia e Plakut Bednar, çfarë të vërtetash mund të përcaktoni rreth dashurisë së Perëndisë?

Të ndiejmë dashurinë e Perëndisë dhe gëzim të madh nëpërmjet Jezu Krishtit

Një e vërtetë që mund të mësojmë, është se dashuria e Perëndisë, e shfaqur nëpërmjet Jezu Krishtit, është më e dëshirueshme se çdo gjë tjetër dhe sjell gëzimin më të shumtë.

Veprimtaritë vijuese mund të të ndihmojnë ta dallosh se si mund ta ndiesh dashurinë e Perëndisë për ty për shkak të Jezu Krishtit. Ndërsa i bën këto veprimtari, përpiqu të përcaktosh bekimet e shumta që vijnë nëpërmjet Jezu Krishtit dhe Shlyerjes së Tij dhe shkruaji ato mbi ose përreth frutës që vizatove.

Veprimtaria 1

Lexo atë që dëshmoi Lehi pasi pa këtë vegim te 1 Nefi 10:5–6. Gjithashtu lexo disa nga shkrimet e shenjta vijuese ose kërko të tjera që ilustrojnë bekimet që mund të marrim nëpërmjet Shlyerjes së Jezu Krishtit: Isaia 53:4–5; Gjoni 1:17; Mosia 4:2–3; Alma 7:11–12; Helamani 5:12.

Veprimtaria 2

Shiko një nga materialet filmike në vijim, që janë në dispozicion te ChurchofJesusChrist.org, duke kërkuar bekimet që vijnë nëpërmjet Jezu Krishtit:

Atonement - Not a One-Time Thing

A young man shares how with the help of his bishop, he is experiencing the blessings of the Atonement of Jesus Christ.

“Për Shkak të Tij” (2:36)

Because of Him—Easter Video

Jesus Christ is our Savior. Because of Him, we can change for the better and live again with God. This Easter season we celebrate His life and Resurrection and invite all to share His miraculous story.

“Peace in Christ” [“Paqe në Krisht”] (4:09)

Peace in Christ

When there’s no peace on earth, there is peace in Christ.

Veprimtaria 3

Përsiat mënyra se si i ke përjetuar bekimet që ofron Jezu Krishti, ose si e ke parë këtë në jetën e njerëzve të tjerë. Kjo mund të përfshijë mënyra se si të bekoi Zoti në kohë errësire.

Çfarë mësove?

Ndalu një çast për të rishikuar bekimet që mund të marrim nëpërmjet Shlyerjes së Jezu Krishtit, të cilat i shkrove në frutën që vizatove. Përsiat pse këto bekime mund “ta bë[jnë] dikë të lumtur” (1 Nefi 8:10), të jenë “më [të ëmbla] se gjithçka” (1 Nefi 8:11) dhe të të mbushin “me një gëzim jashtëzakonisht të madh” (1 Nefi 8:12).

1. Përgjigju për të paktën dy prej pyetjeve vijuese:

• Çfarë mësove rreth dashurisë së Perëndisë për ty?

• Çfarë bekimesh që janë në dispozicion nëpërmjet Jezu Krishtit, dëshiron më së shumti në jetën tënde? Përse?

• Si je bekuar për shkak të dashurisë që Perëndia ka treguar me dërgimin e Birit të Tij, Jezu Krishtit, për të shlyer për ty?

Fakultative: Dëshiron të Mësosh më Shumë?

Çfarë bekimesh mund të marrim nëpërmjet Shlyerjes së Jezu Krishtit?

Shkrimet e shenjta dëshmojnë për bekimet e shumta që Shpëtimtari na ofron nëpërmjet Shlyerjes së Tij. Ne mund të falemi për mëkatet tona dhe zemra jonë të mund të pastrohet (shih te Mosia 4:2–3). Ne mund të pajtohemi me Perëndinë (shih te Jakobi [LiM] 4:11). Ne marrim “hir dhe [të] vërtet[ë]” (Gjoni 1:17). Ne mund ta mposhtim botën dhe të ndiejmë paqe (shih te Gjoni 16:33). Ne mund të marrim ndihmë hyjnore dhe shërim për vuajtjet, dhembjet, hidhërimet dhe sëmundjet tona (shih tek Isaia 53:4–5; Alma 7:11). Ai i njeh dobësitë tona dhe do të na ndihmojë për to (shih tek Alma 7:12). Ai mund të na forcojë kundër tundimit (shih te Doktrina e Besëlidhje 62:1). Ai është një themel i sigurt dhe nëse i ndërtojmë jetët tona mbi Të, nuk do të biem kurrë (shih te Helamani 5:12). I gjithë njerëzimi do të ringjallet së vdekuri (shih te Mosia 16:7–8; Alma 7:12; 1 Korintasve 15:22). Ne mund të bëhemi si Shpëtimtari dhe të trashëgojmë jetën e përjetshme (shih te Moroni 7:48; 2 Nefi 2:27).