Marrja e Njohurisë Shpirtërore, Pjesa 3

Kërkoni Kuptueshmëri të Mëtejshme nëpërmjet Burimeve të Caktuara në Mënyrë Hyjnore

Njëri prej qëllimeve të zotërimit doktrinor është të të ndihmojë t’i mësosh dhe zbatosh parimet për marrjen e njohurisë shpirtërore. Ky mësim mund të të ndihmojë të kuptosh rëndësinë e kërkimit të së vërtetës nga burimet që Ati Qiellor dhe Jezu Krishti kanë siguruar me dashuri.

Burimet kanë rëndësi

Reflekto për një çast për domethënien e ujit në jetën tënde.

• Kur ka më tepër rëndësi për ty që të kesh ujë?

• Pse burimi i ujit që pi është i rëndësishëm?

Kërkimi i së vërtetës mund të jetë si pirja e ujit: burimi ka rëndësi. Mendo për burimet të cilave u drejtohesh kur ke pyetje ose shqetësime. Sa i sigurt je se këto burime sigurojnë përgjigje të vërteta?

Kërkimi i përgjigjeve nga burimet e besueshme mund të bëjë ndryshimin mes të mësuarit të së vërtetës dhe të qenit i mashtruar nga idetë e rreme. Ne mund të mos ta dallojmë gjithnjë kur burimet përmbajnë keqinformim. Disa burime mund edhe të bëhen me qëllimin për të shkaktuar mosbesim, frikë dhe dyshime. Ati Qiellor dëshiron t’u përgjigjet pyetjeve të tua të sinqerta dhe ka siguruar burime të besueshme për të të udhërrëfyer. Ky mësim ka për qëllim të të ndihmojë të mësosh rreth burimeve të caktuara në mënyrë hyjnore dhe të kërkosh përgjigje nëpërmjet tyre.

Kërkimi i së vërtetës

Në Librin e Mormonit, një burrë i quajtur Sherem u ballafaqua me Jakobin, vëllanë e Nefit, në një tentativë që ta “tundte [Jakobin] nga besimi]” (Jakobi [LiM] 7:5). Sheremi pretendoi se Jakobi po jepte mësim doktrinë të rreme rreth Jezu Krishtit: “Asnjë njeri nuk i di këto gjëra; pasi ai nuk mund të tregojë për gjërat që do të vijnë” (Jakobi [LiM] 7:7). Jakobi u përgjigj duke deklaruar se si e dinte të vërtetën rreth Shpëtimtarit të ardhshëm.

Lexo te Jakobi [LiM] 7:8–12, duke kërkuar burime që e ndihmuan Jakobin të mësonte rreth Jezu Krishtit.

• Si mendon, pse Jakobi besonte që këto burime jepnin të vërtetën?

Lexoji paragrafët 1, 11–12 në pjesën “Marrja e Njohurisë Shpirtërore” te Dokumenti Bazë i Zotërimit Doktrinor (2018) duke kërkuar informacion rreth burimeve të njohurisë. Merre parasysh t’i shenjosh fjalët dhe frazat që janë domethënëse për ty.

1. Përgjigju për pyetjet vijuese në ditarin tënd të studimit:

• Çfarë të bëri përshtypje në këta paragrafë?

• Si mund të bëjnë ndryshim tek informacioni që gjen, burimet që përdor ti?

• Si e tregojnë burimet e caktuara në mënyrë hyjnore dashurinë e Atit Qiellor dhe të Jezu Krishtit për ne?

Përdorimi i burimeve të caktuara në mënyrë hyjnore.

Manual i Mësuesit për Librin e Mormonit(2024)—“Marrja e Njohurisë Shpirtërore, Pjesa 3”

Një mësim i mëparshëm paraqiti Adrin, i cili bëri pyetjen: “Nëse vërtet ka një Perëndi të dashur, përse Ai duhet t’i lejojë njerëzit që të vuajnë? Për të praktikuar kërkimin e së vërtetës nga burimet e caktuara në mënyrë hyjnore, shpenzo disa minuta për të përfunduar së paku dy nga veprimtaritë vijuese. Shënoje atë që mëson në ditarin tënd të studimit.

1. Prindërit dhe udhëheqësit e Kishës: Dërgoja pyetjen e Adrit një prindi ose udhëheqësi të Kishës me mesazh në celular dhe shpjegoji që po e diskuton pyetjen në seminar dhe dëshiron të dish se ç’mendon ai ose ajo rreth saj.

2. Lutja: Në një lutje të heshtur personale, kërkoji Zotit udhërrëfim dhe frymëzim nga Fryma e Shenjtë për këtë pyetje. Shënoji mendimet dhe ndjenjat që të vijnë.

3. Shkrimet e shenjta: Gjej shkrime të shenjta që mund ta ndihmojnë Adrin. Për shembull, mund të lexosh rreth popullit të Almës në Librin e Mormonit që përjetoi vuajtjen e robërisë fizike (shih te Mosia 23:21–23; 24:8–15).

4. Profetët e Zotit: Gjej një thënie profetike që mund ta ndihmojë Adrin. Për shembull, lexoje thënien vijuese nga Plaku Jozef B. Uirthlin (1917–2008), i Kuorumit të Dymbëdhjetë Apostujve:

   

   “Të mësosh të durosh periudhat e zhgënjimit, vuajtjes dhe hidhërimit është pjesë e punës sonë stërvitore. Këto përvoja, ndërsa janë shpesh të vështira të durohen në atë kohë, janë pikërisht lloji i përvojave që zgjerojnë kuptimin tonë, ndërtojnë karakterin tonë dhe rritin dhembshurinë tonë për të tjerët.

   Për shkak se Jezu Krishti vuajti së tepërmi, Ai i kupton vuajtjet tona. Ai e kupton brengën tonë. Ne përjetojmë gjëra të vështira në mënyrë që edhe ne të mund të kemi një dhembshuri dhe mirëkuptim më të madh për të tjerët.” (Jozef B. Uirthlin, “Le të Ndodhë Ç’të Ndodhë, Duaje Atë,” Liahona, nëntor 2008, f. 27)

2. Përgjigju për pyetjet vijuese:

• Çfarë të mësuan këto burime që do të doje t’ia tregoje Adrit?

• Çfarë ke mësuar që do të sjellë ndryshim te mënyra se si kërkon përgjigje për pyetjet e vështira?

© 2023 by Intellectual Reserve, Inc. All rights reserved.

Pyetjet e shpirtit

Plaku Dejvid A. Bednar, i Kuorumit të Dymbëdhjetë Apostujve, u është referuar pyetjeve dhe shqetësimeve të vështira të jetës si “pyetje të shpirtit” (shih “Po Të Më Kishit Njohur”, Liahona, nëntor 2016, f. 103). Në ditarin tënd të studimit, rendit disa “pyetje të shpirtit”. Këto mund të jenë pyetje që ke ti ose pyetje që mund të kenë miqtë e tu ose pjesëtarë të familjes sate.

Zgjidh një pyetje për të cilën të nevojitet ndihma e Atit Qiellor për ta kuptuar. Shpenzo ca kohë për të kërkuar kuptueshmëri të mëtejshme nga burimet e caktuara në mënyrë hyjnore. Ftoje Frymën e Shenjtë të të udhërrëfejë dhe shënoje në ditarin tënd të studimit të kuptuarit që merr.

Për të filluar mund të kërkosh në ChurchofJesusChrist.org, në programin Gospel Library [Biblioteka e Ungjillit] ose në numrat e konferencave të revistave të Kishës për të gjetur thënie nga udhëheqësit e Kishës që trajtojnë pyetjen tënde. Udhëzuesi për Shkrimet e Shenjta dhe treguesi i kombinimit tresh mundet gjithashtu të përcaktojnë shkrime të shenjta të dobishme.

Mbaje mend, kërkimi i përgjigjeve për pyetjet shpirtërore do kohë. Ndërsa e ndjek modelin e Zotit për marrjen e njohurisë shpirtërore, Fryma e Shenjtë mund të të mësojë “rresht pas rreshti, … pak këtu dhe pak atje” (2 Nefi 28:30). Kërko mundësi për t’ua treguar atë që po mëson, pjesëtarëve të familjes ose udhëheqësve të Kishës.

Fakultative: Dëshiron të Mësosh më Shumë?

Si mund të marr udhërrëfim në kërkimin tim për të vërtetën?

Presidenti Henri B. Ajring, i Presidencës së Parë, dha mësim:

“Ashtu sikurse Fryma e Shenjtë na forcon kundër ligësisë, Ai gjithashtu na jep fuqinë për ta dalluar të vërtetën nga gënjeshtra. E vërteta që ka më shumë rëndësi vërtetohet vetëm me anë të zbulesës nga Perëndia. Arsyeja jonë njerëzore dhe përdorimi i ndjenjave tona fizike nuk do të jenë të mjaftueshme. Ne jetojmë në një kohë kur edhe njerëzit më të urtë do ta kenë të vështirë për ta dalluar të vërtetën nga mashtrimi me zgjuarsi. …

Të vërtetat që shenjojnë udhën për t’u kthyer te Perëndia vërtetohen nga Fryma e Shenjtë.” (Henri B. Ajring, “Fryma e Shenjtë si Shoqëruesi Juaj”, Liahona, nëntor 2015, f. 104–105)

In Search of Truth

President Dallin H. Oaks of the First Presidency taught that we should be cautious and choose correct sources in our search for truth. When we seek the truth about religion, we should use spiritual methods appropriate for that search.

Presidenti Dallin H. Ouks, i Presidencës së Parë, dha mësim se duhet të jemi të kujdesshëm dhe të zgjedhim burimet e sakta në kërkimin tonë për të vërtetën. Kur kërkojmë të vërtetën rreth fesë, ne duhet të përdorim metoda shpirtërore të përshtatshme për atë kërkim.

Si mund të bekojë fusha të tjera të jetës sime përdorimi i burimeve të caktuara në mënyrë hyjnore?

Presidenti Rasëll M. Nelson dha mësim:

“Në kundërshtim me dyshimet e disave, ka njëmend diçka të tillë si e drejta dhe e gabuara. Ka njëmend të vërtetë absolute – e vërteta e përjetshme. Një nga plagët e ditëve tona është se shumë pak njerëz e dinë se ku të drejtohen për të vërtetën [shih te Doktrina e Besëlidhje 123:12]. …

Doktrina e kulluar e Krishtit është e fuqishme. Ajo e ndryshon jetën e kujtdo që e kupton atë dhe kërkon ta zbatojë në jetën e vet. Doktrina e Krishtit na ndihmon ta gjejmë dhe të qëndrojmë në shtegun e besëlidhjeve. Qëndrimi në atë shteg të ngushtë, por të përcaktuar mirë, do të na kualifikojë më në fund për të marrë gjithçka që ka Perëndia [shih tek Ethëri 4:14; Doktrina e Besëlidhje 78:17–18; 84:38]. Asgjë nuk mund të vlejë më shumë sesa gjithçka që ka Ati ynë! (Rasëll M. Nelson, “E Vërtetë e Kulluar, Doktrinë e Kulluar dhe Zbulesë e Kulluar”, Liahona, nëntor 2021, f. 6)