1 Нифай 13:20–42

Тодорхой хийгээд эрхэм үнэнүүд

Аврагчийн сайн мэдээний Сэргээлт нь маш олон талаараа адислал юм. Нэг адислал нь Библиэс алдагдсан олон тодорхой хийгээд эрхэм үнэнийг илчилж байгаа явдал юм. Нифай Сэргээлтийн үйл явдлууд тохиохоос өмнө үүнийг харж, цэдгүүд нь Сэргээлтэд чухал үүрэг гүйцэтгэх ёстойг ухаарчээ. Энэ хичээл нь Мормоны Ном болон бусад илчлэгдсэн судрууд Аврагчийн сайн мэдээний энгийн бөгөөд эрхэм үнэнийг сэргээхэд хэрхэн тусалдгийг ойлгоход тань тусална.

Аюулгүйн байдал шалгах

Дугуй бол энгийн, үр ашигтай тээврийн хэрэгсэл юм. Дугуй унах нь тааламжтай, ашигтай туршлага байж чадна. Дугуйг аюулгүй, үр ашигтай ашиглахад зайлшгүй шаардагдах зүйлс нь юу юу вэ? Таны унадаг дугуйн зайлшгүй эд ангийг хэн нэгэн салгаад хаячихсан гэж төсөөлөөд үз.

• Тэр хүний танд хандах хандлага ямар байж болох вэ?

• Хэрэв та дутуу эд ангитай унадаг дугуйг унахаар оролдвол юу болох вэ?

• Унадаг дугуйгаа засуулахын тулд та хэнд хандах вэ?

Үүний адил Сатан Есүс Христийн сайн мэдээний чухал хэсгийг устгаж, өөрчилснөөр Бурханы хүүхдүүдэд хор хөнөөл учруулж, төөрөгдүүлэхийг оролдсон юм. 1 Нифай 13-ыг судалж байхдаа, Сатаны саадыг даван туулахад маань бидэнд туслахаар Аврагч юу хийснийг олж унш.

Энд бүдрэгсэд олон байна

Харийнхны амласан газар луу авчирсан ном зэрэг хожмын өдрүүдийн чухал үйл явдлуудыг Нифай үзэгдэлдээ харсан. 1 Нифай 13:20–25-аас үүнд юу агуулж байсныг унш.

• Та уншаад, юу олж мэдсэн бэ?

20-р шүлэг-т Нифайн харсан ном нь Ариун Библи болохыг тэмдэглэн бичиж болно. Судлах тэмдэглэл хөтлөх нь тэдгээрийг өөрийн болгоход тусалж, судрын хичээлийн үр дүнг сайжруулна. Жишээлбэл: Судар дээрээ тэмдэглэл хөтөлснөөр дараа нь сүнслэг ойлголтуудыг санахад тань тусалдаг буюу хэрэгцээтэй үед танд болон бусдад адислал болоход тусална.

• Библийг хэрхэн дүрсэлсэн талаар та юу анзаарсан бэ?

1 Нифай 13:26–29-ийг уншин, Библи “Хурганы төлөөлөгчид”-өөс гарсны дараа түүнд юу тохиолдсоныг олж мэд.

• Библид юу тохиолдсон бэ?

• Библиэс тодорхой бөгөөд эрхэм үнэнүүдийг хассан нь хүмүүсийг сүнслэг байдлын хувьд бүдрэхэд хэрхэн хүргэж болох вэ?

• Эдгээр шүлэг унадаг дугуйн жишээтэй юугаараа төстэй байна вэ?

“Хурганы бэлэг ба хүч””

Нифай тодорхой бөгөөд эрхэм үнэнүүд Библиэс өөрчлөгдөж, хасагдсаныг гэрчилснийхээ дараа Их Эзэн Өөрийн ивээлээр дэлхийг төөрөгдүүлэх буюу харанхуй байлгахыг зөвшөөрөхгүй болохыг мэдсэн (1 Нифай 13:30–34-ийг үзнэ үү). Нифай сайн мэдээ “Хурганы бэлэг ба хүчээр” (1 Нифай 13:35) дамжин бүрэн дүүрэн сэргээгдэхийг харсан.

Аврагч үүнийг хэрхэн хийснийг мэдэхийн тулд 1 Нифай 13:35–39-ийг уншиж, дараах хэллэгийг тэмдэглэн авч, тэдгээрийн утгыг судар дээрээ эсвэл судлах тэмдэглэлдээ тэмдэглэж болно.

Судрын үг, эшлэлүүд	Тайлал
Судрын үг, эшлэлүүд 1 Нифай 13:35 “эдгээр зүйл”	Тайлал Мормоны Ном
Судрын үг, эшлэлүүд 1 Нифай 13:39 “бусад ном”	Тайлал Мормоны Ном, Сургаал ба Гэрээ, Агуу Үнэт Сувд, Иосеф Смитийн Библийн орчуулга зэрэг багтана
Судрын үг, эшлэлүүд 1 Нифай 13:39 “Бошиглогчдын мөн Хурганы арван хоёр төлөөлөгчийн цэдгүүд”	Тайлал Ариун Библи

1 Нифай 13:40–41-ийг уншаад, Сэргээлтийн судрууд бүх хүнд юуг мэдүүлэх тухай тайлбарыг олж мэд.

• Та юу олж мэдсэн бэ?

Дараах үнэнийг судар дээрээ эсвэл судлах тэмдэглэлдээ бичиж болно: Мормоны Ном болон бусад хожмын үеийн судар нь Есүс Христийг гэрчилж, Түүний үүрдийн сайн мэдээний бүрэн байдлыг тогтоодог тодорхой бөгөөд эрхэм үнэнүүдийг сэргээсэн.

• Аврагчийн сайн мэдээг ямар учраас тодорхой болоод эрхэм үнэт гэж тодорхойлсон гэж та бодож байна вэ?

• Тодорхой бөгөөд эрхэм үнэнийг сэргээхэд Их Эзэний үүргийн талаар та юу мэдэж авсан бэ?

• Хожмын үеийн сударт таны хувьд тодорхой бөгөөд эрхэм үнэт үнэн эсвэл сургаал гэж юу вэ?

• Энэ үнэн танд Есүс Христэд илүү ойртоход тань хэрхэн тусалсан бэ?

Тодорхой бөгөөд эрхэм үнэнүүдийг сэргээсэн нь

Сэргээгдсэн тодорхой бөгөөд эрхэм үнэнүүдийн зарим жишээг доор харуулав. Та судлахыг хүсэж буй дор хаяж хоёр сэдэв сонго. Эхлээд хаалт доторх Библийн эшлэлийг уншаад, шүлэг эсвэл шүлгүүдэд агуулагдсан бүхэн энэ сэдвээр хэн ч мэддэг зүйл гэж төсөөлж үз. Танд ямар асуулт төрөх вэ? Дараа нь, Мормоны Ном, Сургаал ба Гэрээ, Агуу Үнэт Сувд зэрэг судрын эшлэл нэмж унш. Сонгосон сэдвээсээ олж мэдсэн тодорхой бөгөөд эрхэм үнэнүүдээ тэмдэглэ.

1. Сонгосон сэдвээсээ олж мэдсэн тодорхой бөгөөд эрхэм үнэнүүдээ тэмдэглэ. Тэнгэрлэг Эцэг, Есүс Христ хоёр эдгээр тодорхой бөгөөд эрхэм үнэт үнэнийг сэргээсэнд яагаад талархаж байгаагаа хариултдаа тусга.

Бурхан Тэргүүтэн (Матай 3:16–17)

• Иосеф Смит—Түүх 1:17

• Сургаал ба Гэрээ 130:22–23

Есүс Христийн Цагаатгал (Лук 22:41–44)

• Aлмa 7:11–13

• Сургаал ба Гэрээ 19:16–19

Мөнх бус байдлын өмнөх амьдрал (Иеремиа 1:5)

• Aбрахам 3:22–25

• Сургаал ба Гэрээ 138:55–56

Ариун ёслол (Матай 26:26–28)

• Моронай 4:1–3; 5:1–2

• Сургаал ба Гэрээ 59:8–12

Есүс Христийн сайн мэдээ (Марк 1:14–15)

• 3 Нифай 11:31–35; 27:13–21

• Итгэлийн Тунхаг 1:4

• Сонгосон сэдвийнхээ талаар та юу сурч мэдэж авсан бэ?

• Энэ үнэн танд Есүс Христэд талархан, илүү сайн дагахад тань хэрхэн тусалж чадах вэ?

• Тэнгэрлэг Эцэг Есүс Христ хоёр нэмэлт судрыг авчирч, тодорхой бөгөөд эрхэм үнэнийг сэргээсэнд та яагаад талархаж байна вэ?

Нэмэлт: Илүү ихийг судлахыг хүсэж байна уу?

Мормоны Ном Есүс Христэд илүү ойртоход бидэнд хэрхэн тусалдаг вэ?

 

Bishop Caussé – Plain and Precious Truths (for Youth)

The central message of the Book of Mormon is to restore the true knowledge of the essential role of Jesus Christ in the salvation and exaltation of mankind.

1 Нифай 13:20–29. Мормоны Ном ба хожмын үеийн судрууд яагаад чухал вэ?

Иосеф Смит “хүмүүний авралтай холбоотой олон чухал асуудал Библийг эмхэтгэхээс өмнө авагдсан буюу алга болсон нь тодорхой байлаа” хэмээн заажээ (Сүмийн Ерөнхийлөгчдийн сургаалаас: Иосеф Смит [2007], 245). Тэрээр мөн хэлэхдээ “Анхны зохиогчдын гараас ирсэн үед Библийг хүмүүс хэрхэн ойлгож уншдаг байсныг төсөөлж байна. “Мэдлэггүй орчуулагчид, хайнга бичээчид, эсвээс зальтай, завхарсан санваартнууд олон алдаа гаргажээ” гэж хэлжээ (Сургаал: Иосеф Смит,, 233).

Арван хоёр төлөөлөгчийн чуулгын ахлагч Жэффри Р.Холланд ийн заасан.

Библиэс алга болсон элементүүд нь “тодорхой хийгээд хамгийн эрхэм” байсан. Энэ нь “бүх хүмүүнд ойлгоход хялбар” илэрхий, тод байсан бөгөөд аврах ач холбогдол, мөнхийн утга учраараа Бурханы хүүхдүүдэд эрхэм үнэт, цэвэр ариун, өгүүлшгүй үнэ цэнтэй байсан юм. (Jeffrey R. Holland, Christ and the New Covenant: The Messianic Message of the Book of Mormon [1997], 5)

Библийг Мормоны Ном болон бусад хожмын үеийн судрын хамт судлах ёстой юу?

Арван хоёр төлөөлөгчийн чуулгын ерөнхийлөгч М.Рассэлл Баллард ийн тунхагласан.

Есүс Христийн Хожмын Үеийн Гэгээнтнүүдийн Сүмийн гишүүд “бичвэр бүр Бурханы амьсгалснаар бөгөөд тустай”(2 Тимот 3:16) гэдэгт итгэдэг. Бид Библийг болон бусад судрыг хайрладаг. Энэ нь Библи бол Бурханы илчлэгдсэн үгс болох тухай бидний итгэлийг үл мэдэх зарим хүний гайхширлыг төрүүлдэг байж магадгүй юм. Энэ бол бидний итгэлийн баганын нэг, Аврагчийн болон Түүнийг шүтэн биширч, дагадаг хүмүүсийн амьдралд Христийн тасралтгүй үзүүлэх нөлөөний хүчирхэг гэрч юм. Бид Библийг, үүний сургаалыг уншиж, судлах тусам Есүс Христийн сэргээгдсэн сайн мэдээний сургаалын үндэс суурийг илүү тодорхой хардаг. …

Ялангуяа залуус та бүхэн Ариун Библийг үл тоомсорлон ач холбогдлыг нь бууруулж болохгүй. Энэ бол Их Эзэний ариун нандин цэдэг юм. (M. Russell Ballard, “The Miracle of the Holy Bible,” Liahona, May 2007, 81–82)