Мормоны Номын Төгс эзэмших сургаалын тойм 1

Тэмдэглэж, цээжлэх

Төгс эзэмших сургаалын нэг зорилго бол төгс эзэмших сургаалын судрын эшлэл, түлхүүр үг хэллэгийг цээжлэхэд тань туслах явдал юм. Энэ хичээл нь Мормоны Номын эхний 12 төгс эзэмших сургаалын судрын хэсгүүдийн эшлэл, түлхүүр үг хэллэгийг олж, тэмдэглэж, цээжлэн суралцахад тань туслах зорилготой.

Боломжит суралцах үйл ажиллагаа

Судрын эшлэл, түлхүүр үг хэллэг

• Төгс эзэмших сургаалын судрын хэсгийн эшлэл, түлхүүр үг хэллэгийг мэдэж байх нь яагаад тустай байх вэ?

Эхний 12 төгс эзэмших сургаалын судрын хэсгийн эшлэл, түлхүүр үг хэллэгийг суралцахын тулд дараах хүснэгтийг судлах тэмдэглэлдээ хуул эсвэл мобайл төхөөрөмж дээрээ Doctrinal Mastery аппликэйшныг татаж аваад, доторх цээжлэхэд тань туслах үйл ажиллагаануудыг ашигла.

Эхний 12 Төгс эзэмших сургаалын судрын хэсэг ба түлхүүр үг хэллэг

Судрын эшлэл	Судрын түлхүүр үг хэллэг
Судрын эшлэл 1 Нифай 3:7	Судрын түлхүүр үг хэллэг “Би явж бас Их Эзэний зарлиг болсон тэр зүйлүүдийг биелүүлэх болно.”
Судрын эшлэл 2 Нифай 2:25	Судрын түлхүүр үг хэллэг “Адам хүмүүн байж болохын тулд унасан; мөн тэд баясгалантай байж болохын тул хүмүүн байх бөлгөө.”
Судрын эшлэл 2 Нифай 2:27	Судрын түлхүүр үг хэллэг “Тэд … эрх чөлөө болон мөнх амьдралыг сонгох эсвэл … боолчлол болон үхлийг сонгох эрхтэй.”
Судрын эшлэл 2 Нифай 26:33	Судрын түлхүүр үг хэллэг “Бурханд бүгд адил.”
Судрын эшлэл 2 Нифай 28:30	Судрын түлхүүр үг хэллэг Бурхан “Учир нь болгоогтун, би хүмүүний үрст шат шатаар, дүрэм дүрмээр өгөх болно.”
Судрын эшлэл 2 Нифай 32:3	Судрын түлхүүр үг хэллэг “Христийн үгэн дээр найрла, учир нь болгоогтун, Христийн үгс та нарын хийвэл зохих бүх зүйлийг та нарт хэлэх болно.”
Судрын эшлэл 2 Нифай 32:8–9	Судрын түлхүүр үг хэллэг “Та нар үргэлж залбирах ёстой.”
Судрын эшлэл Moзая 2:17	Судрын түлхүүр үг хэллэг “Та нар бусдадаа үйлчилж байгаа нь та нар зөвхөн Бурхандаа үйлчилж байгаа гэдгээ мэдэж болохын тулд буюу.”
Судрын эшлэл Moзая 2:41	Судрын түлхүүр үг хэллэг “Бурханы зарлигуудыг дагадаг [тэд] … бүх зүйлд адислагдсан болой.”
Судрын эшлэл Moзая 3:19	Судрын түлхүүр үг хэллэг “Эгэл хүмүүнээ орхиж мөн Их Эзэн Христийн цагаатгалаар гэгээнтэн [бол].”
Судрын эшлэл Мозая 4:9	Судрын түлхүүр үг хэллэг “Бурханд итгэ; … Тэр бүх мэргэн ухааныг эзэмшдэг гэдэгт итгэ.”
Судрын эшлэл Мозая 18:8–10	Судрын түлхүүр үг хэллэг “Гэрээ байгуулснаа түүний өмнө гэрчилж, Их Эзэний нэрээр баптисм хүрт.”

Эдгээр 12 төгс эзэмших сургаалын судрын бүх хэсэг, түлхүүр үг хэллэгийг давтан, судар дээрээ тэмдэглэ. Төгс эзэмших сургаалын судрын хэсгүүдийг бусад тэмдэглэлээсээ онцгойлон тэмдэглэж ав.

1. Хамгийн багадаа төгс эзэмших сургаалын судрын хоёр хэсгийг сонгоод, дараахыг гүйцэтгэ.

• Судрын эшлэл, түлхүүр үг хэллэгээс санаж байгаагаа цээжээр бич.

• Эдгээр шүлэг дэх үнэнийг мэдэж байх нь хэрхэн таны амьдралд адислал болж болохыг хуваалц.

Дараагийн хэдэн өдрийн турш хэд хэдэн төгс эзэмших сургаалын судрын хэсгийн эшлэл, түлхүүр үг хэллэгийг цээжлэхээр хичээ. Эдгээр шүлгийг мэдэж байх нь таны амьдралыг ямар арга замаар адисалж болох тухай үргэлжлүүлэн бод.