2 Նեփի 1

Գտնել ավետարանի սկզբունքները

Պատկերացրեք, թե ինչ կզգայիք, եթե ձեր համակրած անձն իր կյանքի ավարտին մոտ լիներ և մի վերջին խորհուրդ կամ պատգամ տար ձեզ: Լեքին գիտեր, որ ինքը շուտով մահանալու է, ուստի նա խոսեց իր զավակների հետ, որպեսզի ոգեշնչի նրանց պահել Աստծո պատվիրանները: Նրա ուսուցանած ճշմարտությունները կարող են ոգեշնչման և առաջնորդության աղբյուր լինել ձեզ համար: Այս դասը կարող է օգնել ձեզ սովորել հայտնաբերել սկզբունքները, որոնք կիրառվելու դեպքում կարող են առաջնորդել ձեզ՝ ստանալու Աստծո օգությունը ձեր կյանքում:

Ինչ փնտրել

Ուսումնասիրեք ստորև ներկայացված նկարը և հաջորդ մեկ րոպեի ընթացքում փորձեք տեսնել, թե քանի թաքնված առարկա կարող եք գտնել:

• Ո՞ր առարկաները հեշտությամբ գտաք: Որո՞նք գտնելու համար ավելի շատ ջանք պահանջվեց:

• Ինչպե՞ս փոխվեց թաքնված առարկաները գտնելու ձեր ունակությունը, երբ չգիտեիք ինչ փնտրել:

• Ինչո՞վ է այս վարժությունը նման սուրբ գրությունների ուսումնասիրությանը:

Սուրբ գրությունների հետ կապված ձեր փորձառությունը կընդլայնեք, եթե ուսումնասիրության ժամանակ փնտրեք սկզբունքները:

Տասներկու Առաքյալների Քվորումից երեց Դեյվիդ Ա. Բեդնարը բացատրել է, թե ինչ է սկզբունքը.

Ավետարանի սկզբունքը վարդապետորեն հիմնավորված ուղեցույց է՝ ազատ կամքի արդար կիրառման համար։ Սկզբունքները սերում են ավետարանական ավելի խոր ճշմարտություններից և տալիս են ուղղորդում ու չափանիշներ, երբ մենք առաջ ենք մղվում ուխտի ճանապարհին (Դեյվիդ Ա. Բեդնար, «Իմ ավետարանի սկզբունքները», Լիահոնա, մայիս 2021թ., 123):

1 Նեփի գրքում ձեր կողմից նախկինում ուսումնասիրված սկզբունքների որոշ օրինակներ են. եթե պահենք մեր ուխտերը, զինված կլինենք արդարությամբ և Աստծո զորության մեծ փառքով (տես 1 Նեփի 14.14) և երբ մենք սուրբ գրությունները համադրում ենք մեզ հետ, մենք սովորում և օգուտ ենք քաղում դրանցից (տես 1 Նեփի 19.23):

• Ինչպե՞ս համառոտ կբացատրեք, թե ի՞նչ է սկզբունքը։

• Որո՞նք են այն մի քանի պատճառները, որոնց համար սկզբունքներ հայտնաբերելը կարող է օգտակար լինել մեր կյանքում:

Ինչպես գտնել սկզբունքները

• Ի՞նչ եք արել անցյալում, որն օգնել է ձեզ գտնել սկզբունքները սուրբ գրություններում:

• Ի՞նչն է դժվարություն եղել ձեզ համար, երբ փորձել եք գտնել սկզբունքները:

Սուրբ գրություններում սկզբունքները գտնելու արդյունավետ եղանակ է կարդալը և կարևոր բառեր, արտահայտություններ կամ գաղափարներ փնտրելը: Հետևյալ հարցերը կարող են օգնել դա անելու ընթացքում․

• Ո՞ր բառերը կամ արտահայտություններն էին կրկնվում կամ կարևոր թվում:

• Այդ հատվածներում ի՞նչ նախազգուշացումներ կամ խոստումներ էին ներառված:

• Ո՞րն է հիմնական գաղափարը կամ կետը, որը հեղինակը փորձել էր փոխանցել:

• Սուրբ Հոգին ի՞նչն ընդգծեց ձեզ համար:

Այդ բառերով, արտահայտություններով կամ գաղափարներով շարադրեք մի ճշմարտություն, որը կարող է օգնել ձեզ ձեր կյանքում: Շարադրելուց հետո, տվեք ձեզ հետևյալ հարցերը.

• Արդյո՞ք այս սկզբունքը ճի՞շտ է բոլոր իրավիճակների, ժամանակների և մշակույթների համար: Եթե ոչ, ո՞ր համապատասխանեցումներն այն կդարձնեին ճիշտ:

• Արդյո՞ք այս սկզբունքն ինձ և այլոց ավելի կմոտեցնի Երկնային Հորը և Հիսուս Քրիստոսին:

2 Նեփի 1 գլուխը պարունակում է Լեքիի վերջին խորհուրդներից մի քանիսը, որոնք նա տվեց իր զավակներին նախքան մահանալը: Նա հիշեցրեց նրանց Աստծո բարության մասին և մի քանի սկզբունք ուսուցանեց, որոնք նա հույս ուներ, որ կառաջնորդեն իր զավակներին կյանքի ընթացքում:

Կարդացեք 2 Նեփի 1.1–4 հատվածները՝ փնտրելով ճիշտ սկզբունքներ: Կարող եք օգտագործել վերևում կետանշաններով ներկայացված հարցերը:

• Ի՞նչ գտաք:

Հետևյալը Լեքիի ուսուցանած սկզբունքի օրինակ է՝ մենք կարող ենք պաշտպանվել Տիրոջով՝ հետևելով Նրա նախազգուշացումներին (տես 2 Նեփի 1.3–4):

Ճշմարտությունը բացահայտելուց հետո օգտակար կլինի խորհել, թե այն ինչ է նշանակում, և ինչպես կարող է օգնել ձեզ ձեր կյանքում:

Հետևյալ հարցերից մի քանիսը կարող են օգտակար լինել.

• Ինչպե՞ս է Տերը պաշտպանել ձեզ կամ ձեզ ծանոթ մարդկանց Իր նախազգուշացումներին հետևելու արդյունքում:

• Ի՞նչ են ուսուցանում ձեզ Նրա նախազգուշացումներն Իր մասին, և ի՞նչ է զգում Նա ձեր հանդեպ:

Խորհեք, թե Տերն ինչ ձևերով կարող է նախազգուշացնել ձեզ այսօր, և ինչպես կարող եք արձագանքել:

Զարգացրեք սկզբունքներ գտնելու ունակությունը

Զարգացրեք սուրբ գրություններում սկզբունքներ գտնելու ունակությունը՝ հետևելով այդ գործընթացներին ստորև ներկայացվող վարժություններում:

Կարդացեք իր զավակներին տված Լեքիի վերջին խորհրդի հետևյալ հատվածներից առնվազն երկուսը: Այդ հատվածները կարող եք դիտել նաև «Լեքին ուսուցանում է իր ընտանիքին» տեսանյութում 0:393:35, որը հասանելի է ChurchofJesusChrist.org կայքում: Ճիշտ սկզբունքները գտնելու համար օգտվեք «Ինչպես գտնել սկզբունքները» գործընթացից:

Lehi Teaches His Family | 2 Nephi 1:4–29

2 Nephi 1:4–29 | Lehi, a Book of Mormon prophet, teaches his family about keeping the commandments of God. Those who keep the commandments will be blessed.

• 2 Նեփի 1.13–15, 23

• 2 Նեփի 1.16–20

• 2 Նեփի 1.24–29

1. Կատարեք հետևյալը․

   2 Նեփի 1 հատվածից ընտրեք մի ճշմարտություն, որն ըստ ձեզ, ամենաօգտակարը կլիներ ձեզ համար և ձեր օրագրերում գրեք հետևյալը.

   1. Ձեր գտած սկզբունքը և այն հատվածը կամ հատվածները, որոնք գտել եք այդ սկզբունքում

   2. Բացատրություն, թե ըստ ձեզ, այդ սկզբունքն ինչ է նշանակում

   3. Եղանակները, որոնցով ճշմարտությունը ձեր կարծիքով կարող է առաջանորդել ձեզ և կարևոր օրհնություններ բերել ձեր կյանք

   4. Այդ սկզբունքից ի՞նչ եք իմանում Երկնային Հոր և Հիսուս Քրիստոսի մասին

Մտածեք, թե ինչ արեցիք 2 Նեփի 1 գլխի սկզբունքները գտնելու և հասկանալու համար:

• Ինչպե՞ս կարող է ձեզ օգնել սուրբ գրությունների ուսումնասիրության ժամանակ շարունակաբար սկզբունքներ փնտրելը:

• Ինչպես կարող է այն ազդել Հիսուս Քրիստոսի հետ ձեր հարաբերության և Նրան նմանվելու ձեր ցանկության վրա:

Ընտրովի․ ցանկանո՞ւմ եք ավելին իմանալ

2 Նեփի 1.13, 23: Ի՞նչ են «շղթաները», որոնց անդրադառնում է Լեքին:

Դիտեք «Թոթափեք շղթաները, որոնցով դուք կապված եք» տեսանյութը 1:18-3:31 և «Բոլոր մարդիկ ամենուր» տեսանյութը 3:47-4:58՝ տեսնելու, թե Տասներկու Առաքյալների Քվորումից երեց Մերվին Ջ. Էշթոնը (1915–94) և Առաջին Նախագահությունից նախագահ Դալլին Հ. Օուքսն ինչպես են բացատրում այս հարցի պատասխանները:

“Shake Off the Chains with Which Ye Are Bound”

Elder Marvin J. Ashton delivers a message titled "Shake Off the Chains with Which Ye Are Bound."

All Men Everywhere

Again and again the Book of Mormon teaches that the gospel of Jesus Christ is universal in its promise and effect.

2 Նեփի 1.9, 20: Ի՞նչ է նշանակում «բարգավաճել»:

«Բարգավաճել երկրում» և «կտրվել [Տիրոջ] ներկայությունից» արտահայտությունները ներկայացվում են որպես հակադրություն: Դա ցույց է տալիս, որ երկրում բարգավաճելը խստորեն կապված է Տիրոջ ներկայությունը մեզ հետ ունենալու հետ:

Առաջին նախագահությունից նախագահ Դիտեր Ֆ. Ուխդորֆը նկարագրում է այն բարգավաճումը, որը գալիս է մեր կողմից պատվիրանները պահելու արդյունքում.

Տան կարոտը

Նախագահ Ուխդորֆն ուսուցանում է, որ դեպի Աստված դառնալը մեր կյանքը ավելի լավը կդարձնի և կօգնի մեզ ուրիշների կյանքը ևս ավելի լավը դարձնել։

Փրկչին հետևելը չի հեռացնի ձեր բոլոր փորձությունները: Սակայն, այն կհեռացնի խոչընդոտները, որոնք խանգարում են, որ դուք ստանաք այն օգնությունը, որ Երկնային Հայրը ցանկանում է տալ ձեզ։ Աստված ձեզ հետ կլինի։ Նա կուղղորդի ձեր քայլերը։ Նա կքայլի ձեզ հետ և մեծ կարիքի դեպքում իր ձեռքերի վրա կտանի ձեզ։ (Դիտեր Ֆ. Ուխդորֆ, «Տան կարոտը», Լիահոնա, նոյեմբեր 2017թ., 22):