Սեմինարիա
2 Նեփի 2.17–26. «Անկումից փրկագնված»

«2 Նեփի 2.17–26. «Անկումից փրկագնված» Մորմոնի Գիրքը. Ուսուցչի ձեռնարկ (2024)

«2 Նեփի 2.17–26. «Անկումից փրկագնված» Մորմոնի Գիրքը. Ուսուցչի ձեռնարկ

2 Նեփի 2.17–26

«Անկումից փրկագնված»

Հեռացում Եդեմի պարտեզից

Երբևէ մտածե՞լ եք, թե հազարավոր տարիներ առաջ Ադամի և Եվայի կատարած ընտրություններն ինչպես կարող են դեռևս ազդել ձեզ վրա: Լեքին իր զավակներին ուսուցանեց Ադամի ու Եվայի Անկման հետևանքների և այն մասին, որ Փրկչի օգնությամբ մենք կարող ենք հաղթահարել մահկանացու կյանքի բոլոր դժվարությունները: Այս դասը կօգնի ձեզ ավելի բարձր գնահատել Փրկչին և Նրա Քավությունը, երբ հասկանաք Ադամի ու Եվայի Անկումը:

Հնարավոր ուսումնական վարժություններ

Հասկացողությունը հանգեցնում է գնահատման

Խորհեք հետևյալ հարցերի շուրջ.

  • 1-10-ը սանդղակով (որտեղ 1-ը նշանակում է «բոլորովին», իսկ 10-ը «լիովին») գնահատեք, թե ըստ ձեզ, ինչպես եք հասկանում և գնահատում Փրկիչ Հիսուս Քրիստոսին և Նրա զոհաբերությունը ձեզ համար: Ինչո՞ւ։

  • Եթե որևէ մեկը ձեզ հարցներ, թե ինչ պետք է ինքն անի Հիսուս Քրիստոսի Քավությունը հասկանալու և գնահատելու համար, ի՞նչ կասեիք:

Տասներկու Առաքյալների Քվորումից երեց Ջեֆրի Ռ. Հոլլանդը նշել է Փրկչի Քավությունն ավելի լավ հասկանալու մեկ անհրաժեշտ քայլի մասին: Կարող եք դիտել «Որտեղ հանդիպում են արդարությունը, սերը և ողորմությունը» տեսանյութի 6:51-7:26 հատվածը կամ կարդալ հետևյալ խոսքերը.

17:14

Որտեղ հանդիպում են արդարադատությունը, սերն ու ողորմածությունը

Երեց Ջեֆրի Ռ. Հոլլանդ

Պարզ ճշմարտությունն այն է, որ մենք չենք կարող լիովին հասկանալ Քրիստոսի Քավությունն ու Հարությունը, և մենք պատշաճորեն չենք գնահատի Նրա ծննդյան կամ մահվան եզակի նպատակը … առանց հասկանալու, որ կար իրական Ադամ և Եվա, որոնք վտարվեցին իրական Եդեմից՝ բոլոր հետևանքներով հանդերձ, որ անկումը բերեց իր հետ (Ջեֆրի Ռ. Հոլլանդ, «Որտեղ հանդիպում են արդարադատությունը, սերը և ողորմածությունը», Լիահոնա, մայիս 2015 թ., 105):

Հետևյալ հարցերի մասին մտածելով՝ կօգնեք ձեզ գնահատել, թե ինչ գիտեք Ադամի ու Եվայի Անկման մասին.

  • Ի՞նչ է Ադամի ու Եվայի Անկումը:

  • Ի՞նչ ազդեցություն ունեցավ Անկումն աշխարհի ու ձեզ վրա:

  • Ինչո՞ւ էր Անկումն անհրաժեշտ Երկնային Հոր փրկության ծրագրում:

  • Ինչպե՞ս է Անկումն օգնում ձեզ հասկանալ և գնահատել Հիսուս Քրիստոսին և Նրա զոհաբերությունը ձեզ համար:

Ուսումնասիրելիս փնտրեք այս հարցերի պատասխանները և խորհեք, թե դրանց ըմբռնումն ինչպե՞ս կարող է օգնել ձեզ:

Ադամի ու Եվայի Անկման հետևանքները

Երբ Լեքին պատրաստվում էր մահանալ, նա իր որդի Հակոբի հետ երկար զրուցեց Ադամի ու Եվայի Անկման մասին: Ադամը, Եվան և բոլոր կենդանի էակները երկրի վրա ապրում էին անմահության վիճակում, ենթակա չէին մահվան և վայելում էին Աստծո ներկայությունը: Այդ վիճակում նրանք չէին կարող հիվանդանալ կամ մահանալ, իսկ պարտեզը նրանց սնունդ էր ապահովում, որի համար նրանք ստիպված չէին աշխատել: Նրանք նաև ընտանիք չէին կարող ունենալ: Տերը նրանց նախազգուշացրեց, որ եթե ուտեն չարի ու բարու իմաստության ծառի պտղից, նրանք ինչ-որ պահի կմահանան (տես Մովսես 3.16–17, Աբրահամ 5.12–13): Այդ պտուղն ուտելու Ադամի ու Եվայի որոշումը և դրա հետևանքները նրանց և աշխարհի մյուս մարդկանց համար հայտնի են որպես Անկում:

Կարդացեք 2 Նեփի 2.19–23 և Ալմա 42.6–9 հատվածները և գտեք Անկման հետևանքները: Կարող եք նշել այն, ինչ գտաք:

պատկերակ, գրառում

  1. Ձեր օրագրում լրացրեք հետևյալը․

    Կազմեք Անկման հետևանքների ցանկը:

    Օգտակար կլինի հանձնարարել ուսանողներին աշխատել փոքր խմբերով կամ ամբողջ դասարանով գրել ցանկը գրատախտակին:

  • Ինչպե՞ս ձեզ կզգայիք, եթե լինեիք այդ հետևանքներն անմիջականորեն կրող Ադամն ու Եվան:

  • Ձեր կարծիքով այդ ազդեցություններն ինչպիսին են՝ լավ, վատ, թե՞ երկուսն էլ: Ինչո՞ւ։

Կարդացեք 2 Նեփի 2.24–25 հատվածները և մտածեք, թե ինչպես այդ հատվածներն ամփոփ կներկայացնեիք ձեր բառերով:

պատկերակ, գրառում2 Նեփի 2.25-ը վարդապետության սերտման հատված է: Կարող եք առանձնահատուկ ձևով նշել վարդապետության սերտման հատվածները, որպեսզի հեշտությամբ գտնեք դրանք: Հաջորդ դասին դուք հնարավորություն կունենաք կիրառելու այս հատվածում ուսուցանված վարդապետությունը որևէ հարցի կամ իրավիճակի համար:

Լեքիի ուսուցանած ճշմարտություններից մեկն այն էր, որ Անկումը Երկնային Հոր Երջանկության ծրագրի կարևոր մասն էր:

Երբ կարդաք Տասներկու Առաքյալների Քվորումից երեց Ջեֆրի Ռ. Հոլլանդի այս խոսքերը, մի փոքր մտածեք, թե ինչու էր Անկումը Երկնային Հոր ծրագրի կարևոր մասը.

Երեց Ջեֆրի Ռ. Հոլլանդ

Անկումը Երկնային Հոր աստվածային ծրագրի կարևոր մասն էր: Առանց դրա Ադամն ու Եվան չէին ունենա մահկանացու զավակներ, չէր լինի մարդկային ընտանիք, որը կտեսներ ընդդիմություն և աճ, բարոյական ազատ կամք և հարություն, փրկություն և հավերժական կյանքի ուրախությունը [տես 2 Նեփի 222–27, Մովսես 5.11] (Ջեֆրի Ռ. Հոլլանդ, «Հիսուս Քրիստոսի Քավությունը», Ensign, մարտ 2008, 35):

  • Ինչո՞ւ էր Անկումը Երկնային Հոր ծրագրի կարևոր մասը:

Մենք, միևնույնն է, օգնության կարիք ունենք

Չնայած Անկման հետևանքները մեր Երկնային Հոր ծրագրի մասն են և նախատեսված են օգնելու մեզ առաջ գնալ, մենք չենք կարող առանց աստվածային օգնության իրական ուրախություն զգալ:

Ուշադիր կարդացեք 2 Նեփի 2.26 հատվածը և գտեք, թե ինչպես հնարավոր կլինի հաղթահարել Անկման հետևանքները և ուրախություն զգալ: Ապա կարդացեք Մովսես 510–11 հատվածները՝ նկատելով, թե որ ճշմարտությունները դրդեցին Ադամին ու Եվային ուրախանալ:

  • Ի՞նչ եք սովորել։

  • Ըստ ձեզ՝ ինչո՞ւ Ադամն ու Եվան ուրախացան՝ իմանալով Անկման և Հիսուս Քրիստոսի Քավության մասին:

պատկերակ, գրառում

  1. Կատարեք հետևյալը․

    Պատկերացրեք, որ ընկերոջ հետ քննարկման ընթացքում նկատում եք, որ նա չի գնահատում Փրկչին կամ Նրա Քավությունը:

    • Ադամի և Եվայի Անկման մասին ո՞ր գիտելիքը կարող էր օգնել նրան գնահատել Փրկչին և Նրա Քավությունը: