2 Nefia 5:1-9

Ny fampitandreman’ Andriamanitra

Tsy maintsy nandratra ny fon’i Nefia izany. Satria nokasain’i Lamana sy i Lemoela hovonoina i Nefia, dia nampitandremana haka “ireo izay nino ny fampitandremana sy ny fanambaran’ Andriamanitra” (2 Nefia 5:6) ary handositra any an-tany foana izy. Misy fotoana, mety hasain’ny Tompo mitandrina amina loza ara-batana sy ara-panahy manodidina antsika ihany koa isika. Afaka manampy anao hanaraka ny fampitandremana omen’ Andriamanitra am-pitiavana mba hiarovana anao ity lesona ity.

Ireo asa azo atao ao anatin’ny fianarana

Fampitandremana

• Nahoana no manan-danja ny famantarana mampitandrina toy ireo?

• Inona no antony mety hijeren’ny olona ny famantarana mampitandrina am-pankasitrahana? an-kasosorana?

• Oviana ianao no nankasitraka ny nampitandremana anao?

Rehefa mandalina ianao anio dia eritrereto ny antony andefasan’ Andriamanitra fampitandremana etỳ amintsika. Ezaho tadidina ihany koa ireo fomba samy hafa mety namalianao ny fampitandremana nalefany.

Ny fampitandreman’ Andriamanitra an’i Nefia

Vakio ny 2 Nefia 5:1–9, hitadiavana fampitandremana iray nomen’ Andriamanitra an’i Nefia taorian’ny nahalasanany ho mpitarika ara-panahin’ny fianakaviana taorian’ny nahafatesan’i Lehia. Na azonao atao ny mijery ny horonan-tsary hoe “Nandositra tany an-tany foana ny Nefita” manomboka eo amin’ny kaodim-potoana 0:00–3:21.

The Nephites Flee into the Wilderness | 2 Nephi 4:17–30; 5:2–6

2 Nephi 4:17–30; 5:2–6 | Nephi’s older brothers are angry with him and want to kill him. The Lord warns Nephi and his people to leave. They settle in a new land and call it “Nephi.”

Miezaha mipetraka amin’ny toeran’ny iray amin’ireo zatovo nefita izay nantsoina hanaraka an’i Nefia ny fianakaviany.

• Inona no antony mety ho nahasarotra ny niala?

• Inona no ilaina mba handraisanao fanapahan-kevitra hanaraka an’i Nefia any an-tany foana?

• Araka ny andininy 6, inona no nandrisika an’ireo izay niaraka taminy?

Fahamarinana iray azontsika ianarana avy amin’io fitantarana io ny hoe Afaka mitarika antsika hanalavitra ny loza Andriamanitra raha misafidy ny hino ireo fanambarany isika ary mihaino ireo mpaminaniny.

Azonao atao ny mijery horonan-tsary hoe “Enemy Territory [Ny tanin’ny fahavalo]” (3:38), hita ao amin’ny ChurchofJesusChrist.org, hitadiavana ny fomba ahafahan’ny fampitandreman’ Andriamanitra mitahy ny fiainantsika.

Enemy Territory

President Boyd K. Packer shares an experience in which he was protected during World War II by listening to a prompting from the Spirit and promises youth that they will be protected if they "heed the promptings that come from the Holy Ghost."

1. Ezaho alaina sary an-tsaina ny hoe hanao ahoana ny fahasamihafan’izao tontolo izao (na ny fiainanao manokana) raha tsy nampitandrina antsika mihitsy Andriamanitra. Avy eo dia valio farafahakeliny ny telo amin’ireto fanontaniana manaraka ireto:

   • Nahoana araka ny hevitrao no mila ny fampitandreman’ Andriamanitra isika amin’izao androntsika izao?

   • Inona avy ireo fomba samy hafa ampahafantaran’ Andriamanitra ny fampitandremany amin’ny ankabeazan’ny olona ary momba ny toe-javatra manokana misy azy ireo amin’ny isam-batan’olona?

   • Inona avy no antony mahatonga ny olona iray mety tsy hisafidy ny hanaraka ny fampitandreman’ Andriamanitra, ary ahoana no mety hamalianao ny olona iray izay manome anao ny iray amin’ireny antony ireny?

   • Ahoana no niarovan’ny fanarahana ny fampitandremana avy amin’ Andriamanitra anao na ny olona akaiky anao? Mizarà ohatra manokana raha afaka mieritreritra iray ianao.

Mampitandrina antsika amin’ny alalan’ireo mpaminaniny Andriamanitra

Ny iray amin’ireo fomba ampitandreman’ Andriamanitra antsika am-pitiavana mombana loza dia amin’ny alalan’ireo mpaminaniny velona. Ohatra, ao amin’ny 2 Nefia 5:5–6, maro tamin’ny fianakavian’i Nefia no nihaino ny fampitandremana nomen’ny Tompo azy hiainga ho any an-tany foana. (Jereo ihany koa ny Amosa 3:7.) Isika ihany koa dia mahita fampitandremana ara-paminaniana maro avy amin’ Andriamanitra ho antsika ao amin’ny soratra masiny.

Makà fotoana hikarohana ny soratra masina mba hahitana fampitandremana nomen’ Andriamanitra antsika tamin’ny alalan’ireo mpaminaniny tany amin’ny lasa. (Ny ohatra sasany dia ahitana ny Almà 41:10; Môrônia 10:30, 32; Fotopampianarana sy Fanekempihavanana 63:57–58; 89:1–4.)

2. Valio ny telo amin’ireto fanontaniana manaraka ireto farafahakeliny:

   • Inona no fampitandremana hitanao ka heverinao fa tena ilain’izao tontolo izao indrindra ankehitriny?

   • Inona no heverinao ho vokany raha mankatò na tsy miraharaha ireo fampitandremana ireo?

   • Ahoana no maha-porofon’ny fitiavan’ Andriamanitra ireo fampitandremana ireo?

   • Ahoana no hanampian’ny fankatoavana ny fampitandremana hitanao anao ho tonga tahaka an’i Jesoa Kristy bebe kokoa?

   • Ahoana no ahafahan’ny tsy firaharahaina ny fampitandremany mampanalavitra antsika Aminy?

Ny fampitandreman’ Andriamanitra anao

Ny Filoha Boyd K. Packer (1924–2015) tao amin’ny Kôlejin’ny Apôstôly Roambinifolo dia nampianatra toy izao:

Marina fa tsy maintsy hanao fahadisoana ianareo eo amin’ ny fiainana, kanefa tsy hahavita hadisoana goavana ianareo raha tsy efa nampitandreman’ilay bitsiky ny Fanahy Masina mialoha. Izany fampanantenana izany dia mihatra amin’ireo mpikamban’ny Fiangonana rehetra. (Boyd K. Packer, “Torohevitra ho an’ireo Tanora,” Liahona, nôv. 2011, 18)

Saintsaino ny fomba iharan’ny teny nambaran’ny Filoha Packer sy ny zavatra nianaranao tao amin’ny 2 Nefia 5 amin’ny fiainanao. Avy eo dia raketo an-tsoratra ao anatin’ny diary fandalinanao ny eritreritrao sy ny fahatsapanao. Zavatra vitsivitsy azo heverina ireto manaraka ireto:

• Nampitandrina ahy momba ana zavatra manokana teo amin’ny fiainako tamin’ny alalan’ny eritreritra na fahatsapana avy amin’ny Fanahy ve ny Ray any An-danitra?

• Nisy fampitandremana manokana avy amin’Andriamanitra noraisiko tamin’ny alalana mpitarika ao amin’ny Fiangonana, na ray aman-dreny, na tsodranon’ny fisoronana, na fomba hafa ve? Manahoana aho amin’ny fanarahana izany?

• Inona no zavatra iray heveriko fa tian’ny Ray any An-danitra hataoko amin’ny zavatra nianarako na tsapako androany?

Tsy voatery atao: Te hianatra bebe kokoa ve ianao?

Ahoana no ahafahako mahita toerana azo antoka ara-panahy eo amin’izao tontolo izao ankehitriny?

Nampianatra toy izao ny Filoha Henry B. Eyring ao amin’ny Fiadidiana Voalohany:

Toa tsy manam-pahataperana ny fanirian’ny Mpamonjy hitarika antsika ho any amin’ny toerana azo antoka. Ary tsy misy fiovana ny fomba fanehoany ilay lalana. Miantso amin’ny fomba mihoatra ny iray Izy mba hahatongavan’izany any amin’ireo izay vonona hanaiky izany. Ary tafiditra mandrakariva ao anatin’ireo fomba ireo ny fandefasana hafatra amin’ny alalan’ny vavan’ireo mpaminaniny isaky ny mendrika ny hanana mpaminanin’ Andriamanitra eo anivony ny olona. Omena andraikitra hampitandrina ny olona hatrany ireo mpanompo nahazo alalana ireo amin’ny fanambarana amin’izy ireo ny lalana mankany amin’ny toerana azo antoka. (Henry B. Eyring, “Finding Safety in Counsel,” Ensign, mey 1997, 24)

Ny Filoha Boyd K. Packer (1924–2015) tao amin’ny Kôlejin’ny Apôstôly Roambinifolo dia nampianatra toy izao:

Kanefa amin’ny maha-mpanompon’ny Tompo ahy dia mampanantena aho fa ho voaro sy hanana fitaovam-piarovana amin’ireo fanafihana ataon’ny fahavalo ianareo raha toa ka mihaino ny bitsika izay avy amin’ny Fanahy Masina. (Boyd K. Packer, “Torohevitra ho an’ireo Tanora,” Liahona, nôv. 2011, 18)