ព្រះគម្ពីរមរមន សៀវភៅសិក្សាសម្រាប់សិស្សថ្នាក់សិក្ខាសាលា ( ឆ្នាំ ២០២៤ )

មាតិកា
ទំព័រចំណងជើង
សេចក្តីផ្តើមនៃ ព្រះគម្ពីរមរមន សៀវភៅសិក្សាសម្រាប់សិស្សថ្នាក់សិក្ខាសាលា
ព្រះគម្ពីរមរមន—ឯកសារណែនាំ
ទំព័របុព្វកថានៃព្រះគម្ពីរមរមន
នីហ្វៃទី ១ ១–៥
នីហ្វៃទី១ ៦–១០
នីហ្វៃទី ១ ១១–១៥
នីហ្វៃទី ១ ១៦–២២
នីហ្វៃទី ២ ១–២
នីហ្វៃទី ២ ៣–៥
នីហ្វៃទី ២ ៦–១០
នីហ្វៃទី ២ ១១–១៩
នីហ្វៃទី ២ ២០–២៥
នីហ្វៃទី ២ ២៦–៣០
នីហ្វៃទី ២ ៣១–៣៣
យ៉ាកុប ១–៤
យ៉ាកុប ៥–៧
អេណុស–ពាក្យសម្ដីនៃមរមន
ម៉ូសាយ ១–៣
ម៉ូសាយ ៤–៦
ម៉ូសាយ ៧–១០
ម៉ូសាយ ១១–១៧
ម៉ូសាយ ១៨–២៤
ម៉ូសាយ ២៥–២៨
ម៉ូសាយ ២៩–អាលម៉ា ៤
អាលម៉ា ៥–៧
អាលម៉ា ៨–១២
អាលម៉ា ១៣–១៦
អាលម៉ា ១៧–២២
អាលម៉ា ២៣–២៩
អាលម៉ា ៣០–៣១
អាលម៉ា ៣២–៣៥
អាលម៉ា ៣៦–៣៨
អាលម៉ា ៣៩–៤២
អាលម៉ា ៤៣–៥២
អាលម៉ា ៥៣–៦៣
ហេលេមិន ១–៦
ហេលេមិន ៧–១២
ហេលេមិន ១៣–១៦
នីហ្វៃទី៣ ១–៧
នីហ្វៃទី ៣ ៨–១១
នីហ្វៃទី ៣ ១២–១៦
នីហ្វៃទី ៣ ១៧–១៩
នីហ្វៃទី ៣ ២០–២៦
នីហ្វៃទី ៣ ២៧–នីហ្វៃទី ៤ ១
មរមន ១–៦
មរមន ៧–៩
អេធើរ ១–៥
អេធើរ ៦–១១
អេធើរ ១២–១៥
មរ៉ូណៃ ១–៦
មរ៉ូណៃ ៧–៩
មរ៉ូណៃ ១០

នីហ្វៃទី២ ២១–២៤ ៖ សហស្សវត្សរ៍

« នីហ្វៃទី២ ២១–២៤ ៖ សហស្សវត្សរ៍ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )

« នីហ្វៃទី២ ២១–២៤ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន

នីហ្វៃទី២ ២១–២៤

សហស្សវត្សរ៍

សូមស្រមៃមើលថាតើជីវិតនឹងទៅជាយ៉ាងណា ប្រសិនបើពិភពលោកគ្មានអំពើអាក្រក់ ។ ថ្ងៃណាមួយពិភពលោកនឹងទៅជាបែបនេះ ។ វានឹងកើតឡើងក្នុងអំឡុងការសោយរាជ្យនាពេលសហស្សវត្សរ៍របស់ព្រះយេស៊ូវគ្រីស្ទ ។ ព្យាការីជាច្រើនរូប រួមទាំងនីហ្វៃ និងអេសាយ បានព្យាករណ៍អំពីភាពសុខសាន្តរយៈពេល ១០០០ ឆ្នាំដែលហៅថាសហស្សវត្សរ៍ ។ មេរៀននេះអាចជួយអ្នកឲ្យយល់ និងរៀបចំសម្រាប់ការសោយរាជ្យមួយពាន់ឆ្នាំរបស់ព្រះអង្គសង្គ្រោះ ។

អនាគត

តើព្រឹត្តិការណ៍សំខាន់ៗអ្វីខ្លះនាពេលអនាគតដែលអ្នកទន្ទឹងរង់ចាំ ? ហេតុអ្វី ?
តើអ្នកមានអារម្មណ៍យ៉ាងណាពេលអ្នកគិតអំពីព្រឹត្តិការណ៍ទាំងនេះ ?
តើអ្នកកំពុងធ្វើអ្វីដើម្បីរៀបចំ ?

សហស្សវត្សរ៍

ព្រឹត្តិការណ៍ដ៏សំខាន់មួយនាពេលអនាគតគឺសហស្សវត្សរ៍ ។

តើអ្នកដឹងអ្វីខ្លះអំពីសហស្សវត្សរ៍ ? តើអ្នកមានសំណួរអ្វីខ្លះអំពីវា ?

អ្នកប្រហែលជាចង់សរសេរសំណួរដែលអ្នកមាន ហើយទុកកន្លែងទំនេរដើម្បីកត់ចំណាំ ។ នៅពេលអ្នកសិក្សាថ្ងៃនេះ សូមរកមើលចម្លើយចំពោះសំណួររបស់អ្នក ។

ព្យាការីនីហ្វៃបានសរសេរអំពីថ្ងៃចុងក្រោយ ហើយរួមបញ្ចូលការព្យាករណ៍ជាច្រើនរបស់អេសាយអំពីថ្ងៃចុងក្រោយ ។ អេសាយបានព្យាករណ៍ពីការបំផ្លិចបំផ្លាញនៃស្រុកអាសសើរ និងបាប៊ីឡូន ថាជាប្រភេទនៃការបំផ្លិចបំផ្លាញនៅការយាងមកជាលើកទីពីរ ( សូមមើល នីហ្វៃទី២ ២០; ២៣ ) ។ លោកក៏បានព្យាករណ៍អំពីការស្ដារឡើងវិញនៃដំណឹងល្អមុនការសោយរាជ្យនាពេលសហស្សវត្សរ៍របស់ព្រះយេស៊ូវគ្រីស្ទផងដែរ ។ ការព្យាករណ៍របស់លោកពោរពេញទៅដោយនិមិត្តរូប និងការប្រៀបធៀបយ៉ាងប៉ិនប្រសប់ដែលបន្ថែមភាពស៊ីជម្រៅដល់ការយល់ដឹងរបស់យើងអំពីសហស្សវត្សរ៍ ។

សូមអានការព្យាករណ៍ខាងក្រោមពីនីហ្វៃ និងអេសាយ ហើយរកមើលការពិពណ៌នាអំពីសហស្សវត្សរ៍ ។

អ្នកប្រហែលជាចង់គូររូបភាពអំពីការពិពណ៌នាមួយចំនួន ។

សូមឆ្លើយសំណួរខាងក្រោមនេះ ៖
- ចេញពីការពិពណ៌នាទាំងនេះ តើអ្នកគិតថាជីវិតរបស់អ្នកនឹងខុសគ្នាយ៉ាងណានៅក្នុងសហស្សវត្សរ៍ ?
- តើមានការពិពណ៌នាអ្វីខ្លះអំពីព្រះអង្គសង្គ្រោះដែលអ្នកបានរកឃើញ ? តើការពិពណ៌នាទាំងនេះបង្រៀនអ្នកអ្វីខ្លះអំពីទ្រង់ ?

សេចក្តីពិតមួយដែលយើងរៀនពីព្រះគម្ពីរទាំងនេះគឺថា ព្រះយេស៊ូវគ្រីស្ទនឹងសោយរាជ្យនៅលើផែនដីដោយសេចក្ដីសុចរិត និងភាពសុខសាន្តក្នុងអំឡុងសហសវត្សរ៍ ។

សូមស្រមៃមើលនៅក្នុងចិត្តរបស់អ្នកថា តើវាទៅជាយ៉ាងណាក្នុងការរស់នៅកំឡុងសហស្សវត្សរ៍—នៅពេលព្រះអង្គសង្គ្រោះសោយរាជ្យក្នុងភាពសុចរិត និងភាពសុខសាន្ត ។ សូមសញ្ជឹងគិតអំពីរបៀបដែលភាពសុខសាន្តរបស់ព្រះអង្គសង្គ្រោះអាចប្រទានពរដល់ជីវិតរបស់អ្នក ។

ប្រធាន ដាលីន អេក អូក ក្នុងគណៈប្រធានទីមួយបានពិពណ៌នាអំពីពរជ័យមួយទៀតនៃសហស្សវត្សរ៍ ៖

ភាពនៅលីវ ភាពគ្មានកូន សេចក្ដីស្លាប់ និងការលែងលះគ្នារារាំងដល់គំនិតនានា ហើយពន្យារពេលនៃការបំពេញពរជ័យដែលបានសន្យា ។ … ព្រះអម្ចាស់បានសន្យាថា នៅឯភាពអស់កល្បជានិច្ច នឹងគ្មានពរជ័យណាមួយត្រូវបានបដិសេធចំពោះបុត្រាបុត្រីរបស់ទ្រង់ដែលបានគោរពតាមបទបញ្ញត្តិ ដែលស្មោះត្រង់ចំពោះសេចក្ដីសញ្ញារបស់ពួកគេ និងចង់បានអ្វីដែលត្រឹមត្រូវឡើយ ។

ការខ្វះខាតដ៏សំខាន់បំផុតជាច្រើននៃជីវិតរមែងស្លាប់ នឹងត្រូវបានកំណត់ត្រឹមត្រូវនៅក្នុងសហស្សវត្សរ៍ ដែលជាពេលវេលាសម្រាប់ការបំពេញនូវអ្វីដែលមិនពេញលេញ នៅក្នុងផែនការនៃសុភមង្គលដ៏អស្ចារ្យសម្រាប់បុត្រាបុត្រីទាំងអស់របស់ព្រះវរបិតាយើងដែលស័ក្តិសម ។ យើងដឹងថាការណ៍នោះនឹងក្លាយជាការពិតចំពោះពិធីបរិសុទ្ធនៃព្រះវិហារបរិសុទ្ធ ។ ខ្ញុំជឿថា វាក៏នឹងក្លាយជាការពិតចំពោះទំនាក់ទំនងគ្រួសារ និងបទពិសោធន៍នានាផងដែរ ។ ( ប្រធាន ដាល្លិន អេក អូក « The Great Plan of Happiness » Ensign ខែ វិច្ឆិកា ឆ្នាំ ១៩៩៣ ទំព័រ ៧៥ )

សូមឆ្លើយសំណួរពីរ ឬច្រើនខាងក្រោមនេះ ៖
- តើសេចក្តីថ្លែងការណ៍នេះបង្រៀនអ្នកអ្វីខ្លះអំពីព្រះវរបិតាសួគ៌ និងព្រះយេស៊ូវគ្រីស្ទ ?
- តើពរជ័យមួយណានៃសហស្សវត្សរ៍ដែលអ្នកប្រាថ្នាចង់បានបំផុត ? ហេតុអ្វី ?
- ក្នុងអំឡុងពេលមេរៀន តើអ្នកបានរកឃើញចម្លើយអ្វីខ្លះចំពោះសំណួររបស់អ្នកអំពីសហស្សវត្សរ៍ ?

សម្រាប់ជំនួយបន្ថែមក្នុងការឆ្លើយសំណួររបស់អ្នក សូមមើល « សហស្សវត្សរ៍ » នៅក្នុង សេចក្ដីណែនាំដល់បទគម្ពីរទាំងឡាយ ឬ ប្រធានបទនៃដំណឹងល្អ ។

ការរៀបចំសម្រាប់សហស្សវត្សរ៍

នៅឆ្នាំ ២០២០ ការជួសជុលកែលម្អបានចាប់ផ្តើមធ្វើឡើងនៅព្រះវិហារបរិសុទ្ធ សលត៍ លេក ។ អែលឌើរ ហ្គែរី អ៊ី ស្ទីវ៉ែនសុន ក្នុងកូរ៉ុមនៃពួកសាវកដប់ពីរនាក់បានថ្លែងអំពីការជួសជុលកែលម្អទាំងនេះ ។ សូមរកមើលពីរបៀបដែលលោកបានប្រៀបធៀបការជួលជុលទាំងនេះទៅនឹងជីវិតរបស់យើងផ្ទាល់ ។ សូមមើលវីដេអូ « A Good Foundation against the Time to Come » អាចរកបាននៅ ChurchofJesusChrist.orgចាប់ពីនាទីទី ១៤:៥១ ដល់នាទីទី ១៥:២៦ ឬអានសេចក្តីថ្លែងការណ៍ខាងក្រោម ។

2:3

វាគឺជាសេចក្តីសង្ឃឹមដ៏ស្មោះសររបស់ថ្នាក់ដឹកនាំសាសនាចក្រថា ការជួសជុលថ្មីដ៏សំខាន់ចំពោះព្រះវិហារបរិសុទ្ធ សលត៍ លេក នឹងចូលរួមចំណែកក្នុងការបំពេញតាមបំណងប្រាថ្នារបស់ ព្រិកហាំ យ៉ង់ ដែលចង់មើលឃើញ « ព្រះវិហារបរិសុទ្ធបានសង់ឡើង ដែលវាអាចគង់វង្សនៅរាប់ពាន់ឆ្នាំ » ។ នាពេលអនាគត សូមយើងអនុញ្ញាតឲ្យ ការកែលម្អទាំងនេះដែលយើងបានធ្វើចំពោះព្រះវិហារបរិសុទ្ធ សលត៍ លេក នឹងលើកទឹកចិត្ត ហើយបំផុសគំនិតយើង ជាបុគ្គលម្នាក់ៗ និងក្រុមគ្រួសារ ថាយើង—ជានិមិត្តរូប—នឹង « ត្រូវបានសង់ឡើងតាមរបៀបដែលអាចគង់វង្សនៅរាប់ពាន់ឆ្នាំ » ។ ( ហ្គែរី អ៊ី ស្ទីវ៉ែនសុន « A Good Foundation against the Time to Come » Liahona ខែ ឧសភា ឆ្នាំ ២០២០ ទំព័រ ៥១–៥២ )

តើអ្នកគិតថាវាមានន័យយ៉ាងណាក្នុងការ « ត្រូវបានសង់ឡើងតាមរបៀបដែលអាចគង់វង្សនៅរាប់ពាន់ឆ្នាំ » ?

សូមឆ្លើយសំណួរខាងក្រោមនេះ ៖
- ពេលអ្នកគិតអំពីការសោយរាជ្យនាពេលសហស្សវត្សរ៍របស់ព្រះអង្គសង្គ្រោះ តើអ្នកមានអារម្មណ៍យ៉ាងណា ?
- តើអ្នកអាចធ្វើអ្វីបានឥឡូវនេះ ដើម្បីរៀបចំខ្លួនសម្រាប់សហស្សវត្សរ៍ ?
- តើអ្នកអាចប្រឈមមុខនឹងបញ្ហាអ្វីខ្លះនៅពេលអ្នកធ្វើការរៀបចំទាំងនេះ ?

ជម្រើស ៖ តើចង់រៀនសូត្របន្ថែមទៀតដែរឬទេ ?

តើមានតែសមាជិកនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយប៉ុណ្ណោះនឹងមាននៅលើផែនដីក្នុងអំឡុងសហសវត្សរ៍ឬ ?

ប្រធាន យ៉ូសែប ហ្វិលឌីង ស្ម៊ីធ ( ឆ្នាំ ១៨៧៨–១៩៧២ ) បានបង្រៀន ៖

សមាជិកខ្លះនៃសាសនាចក្រមានគំនិតខុសឆ្គងមួយថា នៅពេលដែលសហស្សវត្សរ៍មកដល់ មនុស្សទាំងអស់នឹងត្រូវបោកបក់ចេញពីផែនដី លើកលែងតែសមាជិកដ៏សុចរិតនៃសាសនាចក្រប៉ុណ្ណោះ ។ នោះមិនមែនដូច្នោះទេ ។ នឹងមានមនុស្សរាប់លាននាក់ … គ្រប់វណ្ណៈ និងគ្រប់ជំនឿទាំងអស់ នៅតែត្រូវបានអនុញ្ញាតឲ្យបន្តនៅលើផែនដីនេះ ប៉ុន្តែពួកគេនឹងក្លាយជាអ្នកដែលបានរស់នៅក្នុងជីវិតស្អាតស្អំ អ្នកដែលរួចផុតពីអំពើអាក្រក់ និងអំពើពុករលួយ ។ …

យ៉ាងណាក៏ដោយ នៅទីបំផុត ចំណេះដឹងអំពីព្រះអម្ចាស់នឹងគ្របដណ្ដប់លើផែនដី ដូចជាទឹកសមុទ្រ ។ ប៉ុន្តែនឹងមានតម្រូវការសម្រាប់ការផ្សាយដំណឹងល្អ បន្ទាប់ពីសហស្សវត្សរ៍កើតឡើង រហូតដល់មនុស្សទាំងអស់បានប្រែចិត្ត ឬស្លាប់ ។ ( យ៉ូសែប ហ្វិលឌីង ស្ម៊ីធ គោលលទ្ធិនៃសេចក្ដីសង្គ្រោះ ១:៨៦–៨៧ )

អត្ថបទ « Who Will Be on the Earth during the Millennium, and What Will They Be Doing ? » ( New Era ខែ មិថុនា ឆ្នាំ ២០១៤ ទំព័រ ៤១ ) អាចជួយឆ្លើយសំណួរផ្សេងទៀតដែលអ្នកមានអំពីសហស្សវត្សរ៍ ។

តើជីវិតនឹងទៅជាយ៉ាងណាក្នុងសហស្សវត្សរ៍ ?

ប្រធាន ព្រិកហាំ យ៉ង់ ( ឆ្នាំ ១៨០១–១៨៧៧ ) បានបង្រៀន ៖

សហស្សវត្សរ៍មាននៅក្នុងនេះ—គ្រប់ដួងចិត្តនៅក្នុងសាសនាចក្រ និងនគររបស់ព្រះត្រូវបានរួបរួមតែមួយ នគរបានកើនឡើងដើម្បីយកឈ្នះលើអ្វីៗទាំងអស់ដែលប្រឆាំងនឹងសេដ្ឋកិច្ចនៃស្ថានសួគ៌ ហើយសាតាំងត្រូវបានចងជាប់ ហើយមានត្រានៅលើវា ។ អ្វីៗទាំងអស់នឹងបានដូចជាឥឡូវនេះ យើងនឹងស៊ីផឹក និងស្លៀកពាក់ ។ …

នៅក្នុងសហស្សវត្សរ៍ នៅពេលដែលនគររបស់ព្រះត្រូវបានបង្កើតឡើងនៅលើផែនដីដោយអំណាច សិរីរុងរឿង និងភាពឥតខ្ចោះ ហើយរាជ្យនៃអំពើទុច្ចរិតដែលបានគ្រប់គ្រងជាយូរមកហើយនោះត្រូវបានបង្ក្រាប នោះពួកបរិសុទ្ធនៃព្រះនឹងមានឯកសិទ្ធិក្នុងការសាងសង់ព្រះវិហារបរិសុទ្ធរបស់ពួកគេ និងចូលទៅក្នុងព្រះវិហារទាំងនោះ ក្លាយជាសសរនៅក្នុងព្រះវិហារបរិសុទ្ធនៃព្រះ [ សូមមើល វិវរណៈ ៣:១២ ] ហើយពួកគេនឹងធ្វើការជំនួសអ្នកស្លាប់ ។ បន្ទាប់មក យើងនឹងឃើញមិត្តភក្តិរបស់យើងឡើងមក ហើយប្រហែលជាអ្នកខ្លះជាអ្នកដែលយើងធ្លាប់ស្គាល់នៅទីនេះ ។ … ហើយយើងនឹងមានវិវរណៈដើម្បីស្គាល់បុព្វការីជនរបស់យើងត្រឡប់ទៅកាន់លោកឪពុកអ័ដាម និងអ្នកម្តាយអេវ៉ា ហើយយើងនឹងចូលទៅក្នុងព្រះវិហារបរិសុទ្ធនៃព្រះ ហើយធ្វើការជំនួសពួកលោក ។ បន្ទាប់មក [ កុមារ ] នឹងត្រូវបានផ្សារភ្ជាប់ជាមួយ [ ឪពុកម្តាយ ] រហូតដល់ខ្សែច្រវាក់ត្រូវបានត្រឡប់ទៅអ័ដាមវិញយ៉ាងល្អឥតខ្ចោះ ដូច្នេះនឹងមានខ្សែច្រវាក់បព្វជិតភាពដ៏ល្អឥតខ្ចោះពីអ័ដាមទៅកាន់កន្លែងដែលត្រូវបានបញ្ចប់ ។

នេះនឹងជាកិច្ចការរបស់ពួកបរិសុទ្ធថ្ងៃចុងក្រោយក្នុងសហស្សវត្សរ៍ ។ ( ការបង្រៀនរបស់ប្រធានសាសនាចក្រ ៖ ព្រិកហាំ យ៉ង់ [ ឆ្នាំ ២០០៧ ] ទំព័រ ៣៣៣–៣៣៤ )

តើសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយនឹងមាននៅក្នុងសហស្សវត្សរ៍ឬទេ ?

ប្រធាន រ័សុល អិម ណិលសុន បានប្រកាស ៖

សាសនាចក្រនេះនឹងមិនត្រូវបានផ្លាស់ចេញពីកន្លែងរបស់ខ្លួនឡើយ សូម្បីតែឆ្លងកាត់សហស្សវត្សរ៍ក៏ដោយ ។ ( រ័សុល អិម ណិលសុន « How Firm Our Foundation » Liahona ខែ ឧសភា ២០០២ ទំព័រ ៧៦ )

នីហ្វៃទី២ ២២:២៦ ។ តើសាតាំងគ្មានអំណាចដោយរបៀបណា ?

ប្រធាន ស្ពែនស៊ើរ ដបុលយូ ឃឹមបឹល ( ឆ្នាំ ១៨៩៥–១៩៨៥ ) បានបង្រៀន ៖

នៅពេលសាតាំងត្រូវបានចងនៅក្នុងផ្ទះតែមួយ—នៅពេលសាតាំងត្រូវបានចងនៅក្នុងជីវិតតែមួយ—សហសវត្សរ៍បានចាប់ផ្ដើមរួចហើយនៅក្នុងផ្ទះនោះ នៅក្នុងជីវិតនោះ ។ ( ការបង្រៀនរបស់ ស្ពែនស៊ើរ ដបុលយូ ឃឹមបឹល បានកែសម្រួល អេដវ៉ដ អិល. ឃឹមបឹល [ ១៩៨២ ] ទំព័រ ១៧២ )