Հակոբ 1

Համոզել ուրիշներին գալ դեպի Քրիստոս

Մահից առաջ Նեփին իր կրտսեր եղբայր Հակոբին հանձնեց թիթեղները պահպանելու և դրանց վրա «ամենաարժեքավորը» գրելու պատասխանատվությունը (Հակոբ 1.2): Հակոբն իր ուղերձով մարդկանց մատնանշում էր Հիսուս Քրիստոսին՝ օգնելով նրանց խուսափել անհավատության և մեղքի հետևանքներից: Այս դասը կօգնի ձեզ բացահայտել այն ուղիները, որոնք մարդկանց կօգնեն գալ դեպի Հիսուս Քրիստոսը:

Խոսել ընկերոջ հետ

• Ուրիշների հետ Հիսուս Քրիստոսի մասին խոսելը ե՞րբ կարող է վախեցնող թվալ: Ի՞նչը կարող է օգնել մեզ հաղթահարել մեր վախերը:

• Ձեր ծանոթներից ո՞վ է ուրիշների հետ Հիսուս Քրիստոսի ավետարանի մասին կիսվելու լավ օրինակ հանդիսանում:

Ջունիոր անունով մի երիտասարդ ավետարանով կիսվելու հիանալի օրինակ է: Նա միակ երիտասարդն էր, որ հաճախում էր ԱՄՆ-ի Ֆլորիդա նահանգի փոքր ճյուղի եկեղեցին: Նա որոշեց իր ընկերներից մեկի հետ խոսել Հիսուս Քրիստոսի ավետարանի մասին և նրան եկեղեցի հրավիրել: Կարող եք դիտել «Հրավիրել բոլորին գալ դեպի Քրիստոս. կիսվել ավետարանով» տեսանյութը (4:30) (հասանելի է այստեղ՝ ChurchofJesusChrist.org), և գտնել մեկ կամ երկու բան, որ կարող եք սովորել Ջունիորից ու նրա ճյուղի այլ մարդկանցից:

Ուրիշների օրինակը մեզ կարող է օգնել և գաղափարներ տալ, թե ինչպես ուրիշներին առաջարկենք գալ դեպի Քրիստոս: Այսօր սովորելիս մտածեք, թե ինչու կցանկանայիք օգնել ուրիշներին գալ դեպի Փրկիչը, և ինչ սովորական ու բնական եղանակներով կանեիք դա:

Համոզել ուրիշներին գալ Քրիստոսի մոտ

Մահանալուց առաջ (տես Հակոբ 1.12) Նեփին իր կրտսեր եղբայր Հակոբին փոխանցեց պատասխանատվություն՝ փոքր թիթեղների վրա գրելու այն, ինչ Տերը պատվիրել էր նրան կատարել: Փոքր թիթեղները հոգևոր խոհերի մասին են, իսկ մյուս թիթեղները նվիրված էին ժողովրդի պատմությանը (Հակոբ 1.1–3):

Կարդացեք Հակոբ 1.4–6 հատվածը և գտեք, թե ինչ էր Նեփին խնդրել Հակոբին, որ ներառի թիթեղների գրվածքներում և ուսուցանի մարդկանց:

• Ինչե՞ր գիտեին Նեփին և Հակոբը: Ինչպե՞ս են նրանք իմացել այդ բաների մասին:

Կարդացեք Հակոբ 1.7–8 հատվածը և գտեք, թե ինչ արեց Հակոբը իր հասկացողության շնորհիվ: Կարող եք ձեր սուրբ գրություններում նշել այն արտահայտությունները, որոնք ցույց են տալիս, թե ինչը մղեց Հակոբին գործելու: Ստորև ներկայացվող բացատրությունները կարող են պարզաբանել Հակոբի դրդապատճառը:

«Ըմբռնեք նրա մահը».Հակոբը նեփիացիներին հավանականորեն առաջարկել է մտածել այն մասին, որ Հիսուս Քրիստոսը իրենց համար է մեռնում և քավում է իրենց մեղքերը:

«Կրեք նրա խաչը».այս արտահայտությունը վերաբերում է անաստվածությունից և աշխարհիկ հաճույքներից հրաժարվելու պատվիրանին և Տիրոջ պատվիրանները պահելուն (տես Ջոզեֆ Սմիթի թարգմանությունը, Մատթեոս 16.26 [Մատթեոս 16.24-ում, տողատակի ե գրառում], Ղուկաս 9.23, 2 Նեփի 9.18): Այն նաև նշանակում է, որ Փրկչին հետևելիս մենք կարող ենք ցույց տալ համբերելու և զոհաբերելու մեր պատրաստակամությունը:

Դժվար հասկանալի որոշ լրացուցիչ արտահայտությունների բացատրությունները կարելի է գտնել «Ընտրովի. ցանկանո՞ւմ եք ավելին իմանալ» բաժնում:

• Որո՞նք են ձեզ ոգեշնչում այն պատճառներից, որոնց մասին գրել էր Հակոբը։ Ի՞նչ այլ պատճառներ կարող եք մտածել, որոնցով ուրիշներին կառաջարկեք գալ դեպի Քրիստոս:

• Ի՞նչ կարող ենք սովորել այս հատվածներում նկարագրված Հակոբի օրինակից:

Ճշմարտություններից մեկը, որ կարող ենք սովորել Հակոբի օրինակից, այն է, որ Հիսուս Քրիստոսի և Նրա թագավորության մասին իմանալը կարող է ոգեշնչել մեզ ջանասիրաբար աշխատել, որպեսզի օգնենք ուրիշներին գալ Նրա մոտ:

Խորհեք, թե ինչ գիտեք Հիսուս Քրիստոսի մասին և մտածեք, թե ինչ ճշմարտություններ կցանկանայիք, որ ուրիշներն իմանան Նրա մասին:

1. Կատարեք հետևյալ վարժությունը.

Մի պահ մտածեք, թե ինչ կանեիք, որպեսզի ջանասիրաբար համոզեիք ուրիշներին գալ Քրիստոսի մոտ: Գրեք իրավիճակներ, որոնցում հնարավորություն կունենայիք անելու դա: Յուրաքանչյուր իրավիճակի կողքին գրեք, թե ուրիշներին ինչպես կօգնեիք այդ իրավիճակում ճանաչել և սիրել Հիսուս Քրիստոսին: Կարող եք օգտվել հետևյալ օրինակներից և ավելացնել այլ օրինակներ.

1. Տանը

2. Ընկերոջ հետ

3. Սոցիալական ցանցերում

4. Ձեր կոչման պարտականություններում կամ սպասավորման միջոցով

Կարող եք դիտել հետևյալ տեսանյութերից մեկը կամ երկուսը, որպեսզի գաղափար ունենաք ինչ անել և ինչպես անել պարզ, բնական ճանապարհով:

«2021-ի հեռարձակում. սիրելու, կիսվելու, հրավիրելու սկզբունքները» (54:06), 0:00-ից մինչև 1:35-ը

«Անդամների պատմություններ. պատանիներ և չափահաս երիտասարդներ» (5:08)

«Սպասավորել Փրկչի ձևով» (6:08)

Երբ մտածում եք, թե ինչ ձևեր կան, օգնելու ուրիշներին գալ Հիսուս Քրիստոսի մոտ, կարող եք քաջություն ստանալ սուրբ գրությունների խոստումներից և խորհուրդներից:

Կարդացեք Վարդապետություն և Ուխտեր 15.6, 18.15–16 և բացահայտեք, թե Տերն ինչ է խոստացել նրանց, ովքեր օգնում են ուրիշներին գալ Նրա մոտ:

Կարդացեք Ալմա 31.34–35 և սովորեք Ալմայի օրինակով, որը ցանկացավ օգնել՝ առաջնորդել զորամացիներին դեպի Քրիստոս:

2. Պատասխանեք հետևյալ հարցերին.

Ընտրովի. Ցանկանո՞ւմ եք ավելին իմանալ

Հակոբ 1:7–8: Ի՞նչ են նշանակում Հակոբի խոսքերը:

Օգտակար կլինի հասկանալ Հակոբի օգտագործած հետևյալ եզրույթները:

«Մտնել [Աստծո] հանգիստը».միայն Հիսուս Քրիստոսին հետևելով կարող ենք անհանգստությունից ազատվել և խաղաղություն ու ազատություն վայելել:

«Սադրանք փորձության օրերին».Եգիպտոսից ազատվելուց հետո հին իսրայելացիները բարկացրին Աստծուն: Այսինքն, նրանք ապստամբեցին Նրա դեմ, 40 տարի թափառեցին անապատում և կորցրին մեծ օրհնություններ, այդ թվում՝ Աստծո ներկայության մեջ լինելը (տես Թվոց 14.2–3, 22–23, Եբրայեցիս 3.8–9, Վարդապետություն և ուխտեր 84.23–25):

«Տարեք աշխարհի ծաղրը».Հակոբը հասկացավ, որ հեշտ չէ լինել Հիսուս Քրիստոսի աշակերտը: Մենք հրավիրված ենք հետևելու Փրկչին, նույնիսկ երբ հաճախ դիմադրությունն ուղեկցում է դրան:

Ինչպե՞ս կարող եմ ծառայել ուրիշներին և նրանց Քրիստոսի մոտ առաջնորդել:

Նախագահ Բոննի Հ. Քորդոնը՝ Երիտասարդ կանանց գերագույն նախագահը, բացատրել է.

Երբ ջանում ենք հետևել Փրկչի օրինակին, պետք է նախ ճանաչենք և հաշվենք Նրա գառներին: … Սակայն հաշվելը իրականում թվերի մասին չէ, այլ համոզված լինելու, որ յուրաքանչյուր անձ զգում է Փրկչի սերը մեկի միջոցով, ով ծառայում է հանուն Նրա: Այդպիսով բոլորը կարող են զգալ, որ իրենց սիրելի Երկնային Հայրը ճանաչում է իրենց: …

… Երբ փնտրեք Տիրոջ առաջնորդությունը, թե ինչպես արտահայտեք Նրա սերը և տեսնեք նրանց կարիքները, ում ծառայում եք, ձեր աչքերը կբացվեն (Բոննի Հ. Քորդեն, «Հովիվ դառնալ», Լիահոնա, նոյեմբեր, 2018թ., 75–76):

Տերն ինչպե՞ս կարող է օրհնել ինձ, երբ ուրիշներին օգնեմ գալ Նրա մոտ:

Առաջին Նախագահությունից նախագահ Հենրի Բ. Այրինգն ուսուցանել է.

Ձեր ուժը մի քանի անգամ կբազմապատկվի Տիրոջ կողմից: Նա միայն խնդրում է ներդնել ձեր լավագույն ջանքերը և նվիրվել ամբողջ սրտով: Արեք դա պատրաստակամորեն և հավատքի աղոթքով: Հայրը և Նրա Սիրելի Որդին կուղարկեն Սուրբ Հոգուն՝ որպես ձեր ուղեկից առաջնորդելու ձեզ: Ձեր ջանքերը կբազմապատկվեն այն մարդկանց կյանքում, որոնց ծառայում եք (Հենրի Բ․ Այրինգ, «Համապատասխանեք ձեր կոչմանը», Լիահոնա, նոյեմբեր, 2002թ., 78):

Ինչպե՞ս կարող եմ մեծարել իմ կոչումը:

Առաջին նախագահությունից նախագահ Հենրի Բ․ Այրինգն ուսուցանել է, թե ինչ է անհրաժեշտ մեր կոչումները մեծարելու համար.

Դա կախված կլինի Տիրոջ կամքը ճանաչելու մեր ջանասիրությունից և Նրա ձայնը լսելու մեր ջանքերից, որպեսզի կարողանանք ավելի լավ իմանալ, թե Նա ինչ է ուզում այն մարդու համար, ում մենք ծառայում ենք հանուն Նրա: Այդ մեծարմանը կհասնենք փոքր քայլերի շնորհիվ: Կարող է դանդաղ տրվել, բայց կտրվի (Հենրի Բ․ Այրինգ, «Օրհնեք Նրա անունից», Լիահոնա, մայիս 2021թ., 70):