Վարդապետության սերտում. Մոսիա 2.17

«Ձեր Աստծո ծառայության մեջ»

«Մոսիա 2.1–18» դասում սովորեցիք, որ «երբ դուք ձեր մերձավորների ծառայության մեջ եք, դուք սոսկ ձեր Աստծո ծառայության մեջ եք» (Մոսիա 2.17): Այս դասը կօգնի ձեզ մտապահել Մոսիա 2.17 բաժնի վարդապետության սերտման հատվածի հղումն ու սուրբ գրության հիմնական արտահայտությունը, բացատրել վարդապետությունը և իրատեսական իրավիճակներում կիրառել հոգևոր գիտելիքներ ձեռք բերելու սկզբունքները:

Բացատրեք և մտապահեք

Կարդացեք Մոսիա 2.17 հատվածը և Նոր Կտակարանի վարդապետության սերտման Մատթեոս 22.36–39 հատվածները և գտեք նմանություններ:

• Ի՞նչ նմանություններ եք տեսնում Մատթեոս 22.36–39 և Մոսիա 2.17 հատվածների միջև:

• Ինչպե՞ս կբացատրեիք ծառայության վարդապետությունը՝ օգտագործելով այս հատվածները:

Մի քանի րոպե հատկացրեք Մոսիա 2.17 սուրբ գրության հղումը և հիմնական արտահայտությունը մտապահելու համար: Դրանք գրեք թղթի վրա․ «Երբ դուք ձեր մերձավորների ծառայության մեջ եք, դուք սոսկ ձեր Աստծո ծառայության մեջ եք» (Մոսիա 2.17): Մի քանի րոպե անընդհատ կրկնեք սուրբ գրության հիմնական արտահայտությունը և հղումը:

Օրվա մնացած մասում թղթի այդ կտորը ձեզ մոտ ունեցեք: Երբ օրվա ընթացքում շոշափեք թուղթը կամ հիշեք, որ այն ձեզ մոտ է, փորձեք մտքում կրկնել սուրբ գրության հիմնական արտահայտությունը և հղումը: Քնելուց առաջ փորձեք հիշելով կրկնել դրանք:

Գործնական կիրառում

Վարդապետության սերտման հիմնական փաստաթղթում (2022) կարդացեք հոգևոր գիտելիքներ ձեռք բերելու սկզբունքները: Յուրաքանչյուր բաժնից ընտրեք մեկ նախադասություն, որն ըստ ձեզ հատկապես իմաստալի է: Կարող եք նշել այդ նախադասությունները: Վարժությունը կատարելիս այդ նախադասությունները պահեք մտքում:

Ծառայությունն ընդհանուր առմամբ դրական փորձառություն է նրանց համար, ովքեր մասնակցում են, և նրանց համար, ովքեր ստանում են ծառայությունը: Սակայն կան նաև դժվարություններ, որոնք կարող են ծառայության մասը կազմել: Մտածեք վերջերս ձեզ ընձեռված ծառայության հնարավորությունների մասին: Ի՞նչ դժվարություններ ի հայտ եկան ծառայության հետ միասին: Մարդիկ ի՞նչ պատճառներով նախընտրեցին չծառայել:

Գրեք ձեր սեփական սցենարը՝ նկարագրելով ծառայության հետ կապված դժվարությունը: Ահա մի օրինակ. Եկեղեցու ղեկավարները Սոֆիային խնդրեցին ծննդյան նվեր մատուցել Երիտասարդ կանանց իր դասարանի կողմից ոչ այնքան ակտիվ մի աղջկա: Երբ աղջիկը մոտեցավ դռանը, այնքան էլ բարեհամբույր չէր Սոֆիայի նկատմամբ: Զգալով վիրավորանք՝ Սոֆիան հեռացավ՝ ափսոսալով, որ կատարել է ծառայությունը:

Գործեք հավատքով

1. Պատասխանեք հետևյալ հարցերին.

   • Չնայած դժվարություններին՝ ծառայելն ինչո՞ւ է համարվում հավատքով գործելու դրսևորում:

   • Մոսիա 2.17 հատվածում ուսուցանվող վարդապետությունն ինչպե՞ս կարող է այս իրավիճակում գտնվող մարդուն օգնել գործել հավատքով:

Քննեք հասկացություններն ու հարցերը հավերժության հեռանկարով

2. Պատասխանեք հետևյալ հարցերին.

   • Ի՞նչ է փոխվում, երբ սցենարը դիտարկում եք հավերժության հեռանկարով:

   • Մոսիա 2.17 հատվածում ուսուցանվող վարդապետությունն ինչպե՞ս կարող է օգնել այդ անձին իրերը տեսնել հավերժության հեռանկարով:

   • Ըստ ձեզ՝ Փրկիչն ինչպե՞ս կվարվեր նման իրավիճակում:

Ձգտեք մեծացնել հասկացողությունը աստվածայնորեն սահմանված աղբյուրների միջոցով

Գտեք որևէ լրացուցիչ սուրբ գրություն կամ գերագույն համաժողովից մի հայտարարություն, որով կարող եք կիսվել, որպեսզի օգնեք որևէ մեկին ծառայել պատրաստակամորեն: Դրա համար փորձեք Gospel Library հավելվածում փնտրել «ծառայություն» բառը, ապա փնտրեք ցուցադրվող սուրբ գրություններում կամ համաժողովի ելույթներում: Կարող եք «Ծառայություն» բառը փնտրել նաև Թեմատիկ ուղեցույցում կամ Սուրբ գրքերի ուղեցույցում:

3. Գրի առեք ձեր գտած սուրբ գրությունը կամ մեջբերումը և նկարագրեք, թե այն ինչպես կօգնի այդ սցենարի անձին: