Мозая 5:6–15

“Христийн нэрийг өөрсөд дээрээ авагтун”

Есүс Христ

Нэр гайхалтай утгатай байж болно. Христийн нэрийг өөрсөд дээрээ авагтун гэдэг нь ямар утгатай вэ? Moзая 5-д хаан Бенжамин хүмүүстээ нэр өгөхөөр цуглуулах үедээ хэлсэн үгний төгсгөлийг агуулдаг ( Moзая 1:11-ийг үзнэ үү). Энэ хичээл Есүс Христийн нэрийг өөрсөд дээрээ авахын ач холбогдлыг ойлгоход танд тусална.

Шинэ нэр

Туслах, асрах хүнгүй өнчин нэгэнд эцэст нь тэднийг үрчилж авахыг санал болгож, хайраар дүүрэн, тогтвортой гэр бүлтэй болсон гэж төсөөлөөд үз дээ.

• Өнчин хүүхэд үрчлэгдэж, шинэ гэр бүлийнхээ нэрийг авахыг хүсэх ямар шалтгаан байж болох вэ?

• Өнчин хүүхдэд төрсөн эцэг эхийнх нь өгч чадахгүй ямар адислалыг шинэ ээж, аав нь өгч болох вэ?

• Өнчин хүүхэд шинэ гэр бүлийнхээ талаар юу мэдэрч болох вэ?

Хаан Бенжамин хүмүүстээ хандан хэлсэн агуу үгэндээ “Би та нарыг Христийн нэрийг өөр дээрээ авч” (Moзая 5:8), “Христийн хүүхдүүд” (Moзая 5:7) гэж нэрлэгдээсэй хэмээн хүсэж байна гэж хэлсэн. Хаан Бенжамины хүмүүсийн зарим нь нифайчуудын, үлдсэн нь Мюлекийн үр удам байв. Хаан Бенжамин бүх хүнийг нэг гэр бүл шиг нэг нэрийн дор нэгдээсэй гэж хүссэн.

Та өнөөдөр судруудыг судлахдаа дээрх нөхцөл байдалд байгаа өнчин хүүхдийн оронд өөрийгөө тавьж, Их Эзэн шинэ эцэг эх шиг байж болох арга замуудыг тунгаан бод.

Хаан Бенжамины юу заасныг ойлгоход тань туслах дараах хүснэгтийг судлах тэмдэглэлдээ хуулж ав.

Аврагчийн нэрийг өөрсөд дээрээ авах адислал	Аврагчийн нэрийг хэрхэн өөр дээрээ авах вэ?

Moзая 5:1–5-д хүмүүс Их Эзэний Сүнс өөрсдөд нь “хүчирхэг өөрчлөлт” хийснийг мөн тэд “Түүний хүслийг биелүүлэхийн тулд … Бурхантай гэрээнд ороход бэлэн” (Moзая 5:2, 5) байгаагаа гэрчилсэн гэдгийг санаарай.

Мозая 5:6–10-ыг уншаад, хүснэгтийнхээ хоёр баганын доор бичиж болох үг, хэллэгийг хайж ол. Бурханы баруун мутар нь тааламжтай байдлыг, зүүн мутар нь тааламжгүй байдлыг бэлгэддэг гэдгийг ойлгуулах нь тустай байж болох юм.

дүрс, тэмдэглэх

1. Дараах асуултуудад хариул.

• Зөвхөн Аврагч л өгч чадах ямар адислалыг та амьдралдаа хүсдэг вэ? (Энэ асуултад хариулахын тулд хаан Бенжамины хэлсэн үгээс тодорхойлсон хэллэгүүдийг ашиглах талаар бодож үз.) Та яагаад эдгээр адислалыг хүсдэг вэ?

• Аврагч бидэнд хэрхэн хайртай эцэг эх шиг байж чадах вэ?

• Хаан Бенжамины хэлснээр хүмүүс нь хэрхэн Христийн хүүхдүүд болж, Есүс Христийн нэрийг өөрсөд дээрээ авсан бэ?

Бид хэрхэн Христийн нэрийг өөрсөд дээрээ авах вэ?

Хаан Бенжаминаас бидний сурч болох нэг үнэн бол бид ариун гэрээнүүдийг хийж, сахиснаараа Христийн хүүхдүүд болж, Түүний нэрийг өөрсөд дээрээ авдаг гэдэг үнэн юм.

Тэргүүн зөвлөлийн ерөнхийлөгч Даллин Х.Өүксийн дараах мэдэгдлийг уншаад, бид Аврагчийн нэрийг өөрсөд дээрээ хэрхэн хүлээн авдаг талаар тодруул.

Ерөнхийлөгч Даллин Х.Өүкс

Дараах судрын хэв маягийн дагуу баптисм хүртсэн хүмүүс Сүмийн өмнө “Тэд бүх нүглээ үнэхээр наманчилж, Есүс Христэд эцсээ хүртэл үйлчлэхээр шийдэж, түүний нэрийг өөрсөд дээрээ авах хүсэлтэй байгаагаа” гэрчилдэг. (С&Г 20:37; мөн 2 Ниф. 31:13; Моро. 6:3-ыг үзнэ үү.) Бид ариун ёслолоос хүртэхдээ энэ гэрээг болон баптисм хүртэхдээ хийсэн бусад бүх гэрээгээ шинэчилдэг. (Dallin H. Oaks, “Taking upon Us the Name of Jesus Christ,” Ensign, May 1985, 80)

• Гэрээ хийж, сахих нь таныг Аврагчид хэрхэн илүү ойртуулдаг вэ?

Есүс Христийн нэрийг авах тухай ойлголтоо үргэлжлүүлэн гүнзгийрүүлэхэд тань туслах Moзая 5:11–13, 15-ыг уншаад, Есүс Христийн нэрийг өөртөө авах талаарх хаан Бенжамины өгсөн нэмэлт зөвлөгөөг хайж ол.

  ChurchofJesusChrist.org 

Амьдралдаа харсан, Христийн нэрийг өөрсөд дээрээ авсан хүмүүсийн жишээг бодож үз.

• Тэд Түүний нэрийг өөрсөд дээрээ авсан гэдгээ харуулахын тулд юу хийдэг вэ?

• Үүнийг илүү сайн хийхэд ариун ёслол ямар үүрэг гүйцэтгэж болох вэ?

Есүс Христийн нэр

2. Их Эзэний нэрийг зүрх сэтгэлдээ хэр сайн хүлээн авснаа үнэлэхийн тулд дор хаяж нэг асуултад хариул.

• Христийн нэрийг өөр дээрээ авсан гэдгээ харуулах ямар ямар арга зам байна вэ?

• Христийн нэрийг өөр дээрээ авснаар ямар ямар адислал ирсэн бэ?

Өнөөдөр судалж байхдаа Ариун Сүнснээс хүлээн авсан бодол, сэтгэгдлээ бодож үз. Христийн нэрийг өөртөө бүрэн дүүрэн авахын тулд юу хийж чадахаа бод.

Нэмэлт: Илүү ихийг судлахыг хүсэж байна уу?

Есүс Христийн нэрийг өөрсөд дээрээ авах гэдэг нь юу гэсэн үг вэ?

Тэргүүн зөвлөлийн ерөнхийлөгч Даллин Х.Өүкс “Taking upon Us the Name of Jesus Christ (Есүс Христийн нэрийг өөрсөд дээрээ авагтун)” (Ensign, 1985 оны 5-р сар, 80–83) гэх үгэндээ Христийн нэрийг өөрсөд дээрээ авах гэдгийн өөр утгыг тайлбарласан.

Түүний нэрийг авах нь бидэнд хэрхэн нөлөөлөх ёстой вэ?

Тэргүүн зөвлөлийн ерөнхийлөгч Хэнри Б.Айринг бид Аврагчийн нэрийг өөрсөд дээрээ авсан гэдгээ харуулахын тулд хийж болох зарим зүйлийг хуваалцсан.

Ерөнхийлөгч Хэнри Б.Айринг

Бид Түүний нэрийг өөрсөд дээрээ авах амлалтыг өгдөг. Энэ нь бид өөрсдийгөө Түүний хүмүүс гэдгээр харах ёстой гэсэн үг. Бид амьдралдаа Түүнийг нэгдүгээрт тавих болно. Бид өөрсдийн хүслийг эсвэл дэлхийн бидэнд санал болгодог хүслийг хүсэхийн оронд Түүний хүсдэг зүйлийг хүсэх болно. (Henry B. Eyring, “That We May Be One,” Ensign, May 1998, 67)

Есүс Христийн нэрийг өөрсөд дээрээ авах хүсэлтэй байна гэдэг нь юу гэсэн үг вэ?

Тэргүүн зөвлөлийн ерөнхийлөгч Хэнри Б.Айринг ийн заасан.

Ерөнхийлөгч Хэнри Б.Айринг

Есүс Христийн нэрийг сайн дураараа өөрсөд дээрээ авах хүсэлтэй байна гэдэг нь юу гэсэн үг болохыг би гайхдаг байсан.

Ерөнхийлөгч Даллин Х.Өүксийн тайлбарласнаар “Бид ариун ёслолоос хүртэхдээ Есүс Христийн нэрийг өөрсөд дээрээ авна гэдгээ биш, харин үүнийг хийхэд бэлэн гэдгээ гэрчилдэг. (С&Г 20:77-г үзнэ үү.) Би ийнхүү зөвхөн бэлэн байгаагаа гэрчилдэг нь тэрхүү ариун нандин нэрийг өөрсөд дээрээ бүрэн утгаар нь хүлээн авахаасаа өмнө, ямар нэгэн өөр зүйл болох ёстой болохыг харуулж байгаа юм” [Dallin H. Oaks, “Taking upon Us the Name of Jesus Christ,” Ensign, May 1985, 81].].

Аврагчийн нэрийг “өөрсөд дээрээ [авахад] бэлэн” гэдэг мэдэгдэл нь хэдийгээр бид анх Түүний нэрийг баптисм хүртэхдээ өөрсөд дээрээ авдаг ч энэ нь баптисм хүртсэнээр дуусгавар болдоггүй гэдгийг харуулдаг. Бид амьдралынхаа туршид, тухайлбал ариун ёслолын ширээний өмнө гэрээгээ шинэчлэхдээ мөн Их Эзэний ариун сүмд гэрээнүүд байгуулахдаа Түүний нэрийг авахын тулд үргэлжлүүлэн хөдөлмөрлөх ёстой. (Хэнри Б.Айринг, “Хичээ, хичээ, хичээ,” 2018 оны 10-р сарын Ерөнхий чуулган, 89)