Семинар
Мозая 9–10: “Их Эзэний хүчинд”

“Moзая 9–10: “Их Эзэний хүчинд,’” Мормоны Номын багшийн гарын авлага (2024)

“Мозая 9–10,” Мормоны Номын багшийн гарын авлага

Moзая 9–10

“Их Эзэний хүчинд”

Зураг
Залбирч буй өсвөр насны хүүхэд

Хүссэн зүйлдээ их төвлөрснөөр гарч болзошгүй үр дагаврыг тооцолгүйгээр шийдвэр гаргах боломжтой юу? Зениф Нифайн нутагт эргэн ирж, тэндхийн хотуудыг дахин босгоход маш их анхаарал хандуулж байсан тул өөрийн шийдвэрээс үүдэн гарч болох сөрөг үр дагавруудын заримыг анхаарч үзэхээ больсон байв. Зарим сөрөг үр дагаврыг мэдэрснийхээ дараа Зениф мөн түүний хүмүүс итгэлээр Их Эзэн рүү эргэсэн. Энэ хичээл та залбирч, итгэлээр урагшлах үедээ хэрхэн Их Эзэнээс хүч чадлыг хүлээн авч болохыг ойлгоход тань тусална.

Нар хиртэлт

  • Нар нь сарнаас 400 дахин том тул дараах зурагт үзүүлсэн шиг сар хиртэх буюу нарны гэрэл, дулааныг хэрхэн хаах вэ?

Зураг
нар хиртэлт

Сар дэлхийтэй нарнаас хамаагүй ойрхон байдаг тул хэмжээ нь нартай төстэй мэт харагдах ба гэрлийг нь хаадаг. Эрхий хуруун чинээ жижиг зүйлийг ч гэсэн нүд рүүгээ ойртуулбал нарыг харах өнцгийг хааж болно.

Арван хоёр төлөөлөгчийн чуулгын ахлагч Гари Э.Стивэнсон нар хиртэлт нь бидний оюун санааны амьдралын зүйрлэл байж болох талаар ярьсан. “Оюун санааны хиртэлт” (15:12) ChurchofJesusChrist.org1:01-ээс 3:53 хүртэл үз эсвэл дараах мэдэгдлийг унш.

Зураг
Ахлагч Гари Э.Стивэнсон

Өчүүхэн жижиг сар асар том нарыг халхалж, гэрлийг болон дулаан илчийг бөхөөдөгтэй адил Есүс Христийн гэрлийн болон Түүний сайн мэдээний ач холбогдол, гэрэл гэгээ, дулаан илчийг харанхуйлан халхлахуйц харанхуй ойртон ирэхийг өдөр тутам тулгардаг өчүүхэн жаахан, түвэг удсан саад тотгорт зөвшөөрөх үед сүнслэг хиртэлт болж болно. (Гари Э.Стивэнсон, “Сүнслэг хиртэлт,” 2017 оны 10-р сарын Ерөнхий чуулган, 34)

  • Есүс Христийн тухай мөн Түүний сайн мэдээний талаарх бидний анхаарлыг бүрхэг болгож болох зарим жижиг зүйл юу вэ?

  • Эдгээр жижиг зүйлд хэтэрхий их анхаарал хандуулснаар ямар саад бэрхшээл, сөрөг үр дагавар гарч болох вэ?

Анхаарлаа хандуулснаар Есүс Христийн тухай болон Түүний сайн мэдээний талаарх таны харааг бүдгэрүүлж болзошгүй зүйлийн талаар бод. Суралцах явцдаа “оюун санааны хиртэлт”-ээс зайлсхийхийн тулд Их Эзэнд анхаарлаа төвлөрүүлэхэд тань туслах үнэнүүдийг хайж ол.

Зенифийн хэт их хичээл зүтгэл

Өмнөх хичээл дээр та Зениф хэсэг хүмүүсийг Зарахемла нутгаас Нифайн нутаг руу буцаан авчирсан гэдгийг мэдэж авсан.

Зураг
Нифайчуудын газар нутгийг эргүүлэн авахын тулд хийсэн Нифайн аяллын зураг

Зениф энэ газар нутгийг өвлөн авах маш их хүсэл эрмэлзэлтэй байсан ч түүний анхаарал өөрт нь болон хүмүүст нь асуудал үүсгэсэн.

Moзая 9:1–3, 6, 10–15-ыг уншаад (Moзая 7:21-ийг мөн үзнэ үү), Зениф ба түүний хүмүүсийн анхаарал хэрхэн сөрөг үр дагаварт хүргэснийг олж мэд. Хэт их хичээмтгий гэдэг нь ямар нэг зүйлийг хийж гүйцээх эсвэл олж авахыг хэтэрхий их хүсэх гэсэн үг юм.

  • Хэт хичээнгүй байх, Их Эзэнийг санахдаа удаан байхын үр дагавар юу байсан бэ?

Бидний сурч мэдэх нэг үнэн бол Их Эзэнийг санахдаа хэт хичээнгүй мөн удаан байх нь сөрөг үр дагаварт хүргэж болзошгүй юм.

  • Өнөөдөр бид хэт хичээнгүй мөн Их Эзэнийг санахдаа удаан байж болох ямар арга замууд байна вэ?

  • Бидэнд тулгарч болох сөрөг үр дагавар юу вэ?

Их Эзэн рүү эргэх

Леменчүүдийн хаан тэднийг боолчлолд оруулах төлөвлөгөөгөө хэрэгжүүлэхийг эрэлхийлэхээс өмнө Зениф ба түүний хүмүүс олон жилийн турш амар амгалан амьдарч байсан. Зениф ба түүний хүмүүс леменчүүд өөрсдийг нь байлдан дагуулахаар ирэхэд Их Эзэнд хэрхэн хандсаныг харахын тулд дараах хэсгүүдийг унш.

  • Хүмүүс Их Эзэнд найдахын тулд юу хийсэн бэ? Үр дүн нь ямар байсан бэ?

  • Бид энэ үйл явдлаас ямар үнэнийг мэдэж авч болох вэ?

Бид энэ түүхээс Хэрэв бид залбирч, итгэлээр урагшилбал Их Эзэний хүчээр сорилт бэрхшээлээ даван туулж чадна гэсэн үнэнийг мэдэж авч болно.

  • Залбирч, итгэлээр урагш тэмүүлэх замаар Тэнгэрлэг Эцэг, Есүс Христ хоёрт итгэх итгэлийг танд өгдөг юуг та аль хэдийн мэддэг болсон бэ?

  • Тэнгэрлэг Эцэг, Есүс Христ хоёр биднийг алдаа гаргасан ч бэрхшээлийг даван туулахад туслах болно гэдгийг мэдэх нь танд ямар санагдаж байна вэ?

  • Таны амьдралд болон бусдын амьдралд эсвэл сударт энэ үнэнийг харуулсан ямар жишээ байна вэ?

  ChurchofJesusChrist.orgЭнэ зарчмыг жишээ болгон харуулсан Аврагчийн тухай Лук 22:39–45 дээрээс унш.

Үнэн бодит амьдралд хэрэгжих нь

Залуу эмэгтэй гэрчлэлдээ эргэлзэж байна гэж төсөөлөөд үз. Тэрээр амьдралаа эргэн харахад сайн дүн авч, ирээдүйдээ бэлдэхэд маш их анхаарал хандуулж, гэрчлэлээ зохих ёсоор нь анхаараагүй гэдгээ ухаарсан бөгөөд одоо тэрээр Сүм үнэн эсэхэд үнэхээр эргэлзэж байна.

  1. Moзая 9–10-аас юу сурч мэдсэнээ мөн өөрийн хувийн туршлагыг ашиглан, дараах асуултад хариул. Мөн таны хариулт таны амьдралд хэрхэн хэрэгжиж байгаа талаар тунгаан бод.

  • Тэр хэрхэн “Их Эзэнд хүчтэйгээр гуйн залбирах вэ” (Moзая 9:17)? Та ийм төрлийн залбирлыг хэрхэн тайлбарлах вэ?

  • Тэр хэрхэн Их Эзэнд итгэж, Их Эзэнд хүчтэйгээр гуйн залбирсны дараа Есүс Христэд итгэх итгэлээр урагшилж чадах вэ?

  • Та энэ залуу эмэгтэйд өөр юу хийхийг зөвлөж болох вэ? Яагаад?

Хэвлэх