“Төгс эзэмших сургаал: Aлма 7:11–13—‘Мөн тэрээр бүх төрлийн өвчин мөн зүдгүүрүүд мөн уруу таталтуудыг тэвчих болно,’” Мормоны Номын багшийн гарын авлага (2024)
“Төгс эзэмших сургаал: Aлма 7:11–13,” Мормоны Номын багшийн гарын авлага
Төгс эзэмших сургаал: Алма 7:11–13
“Мөн тэрээр бүх төрлийн өвчин мөн зүдгүүрүүд мөн уруу таталтуудыг тэвчих болно”
Алма 7:1–13-ыг судалж байхдаа та Аврагч “махбодийн дагуу өөрийн хүмүүсийг хэрхэн халамжлахыг мэддэг” (Aлма 7:12) тул Өөрийн Цагаатгалын хэсэг болгож зовж шаналсан талаар мэдэж авсан. Энэ хичээл танд төгс эзэмших сургаалын эшлэл, Aлма 7:11–13-ын түлхүүр үг хэллэгийг цээжилж, сургаалын энэ хэсэгт заасан зүйлийг тайлбарлаж, сүнслэг мэдлэг олж авах зарчмуудыг бодит нөхцөл байдал дээр хэрэгжүүлэхэд тусална.
Цээжлэх ба тайлбарлах
Алма 7:11–13-ын түлхүүр үг хэллэг бол “Мөн тэрээр бүх төрлийн өвчин мөн зүдгүүрүүд мөн уруу таталтуудыг тэвчих болно” гэсэн хэллэг юм. Хэрэв та энэ хэллэгийг тэмдэглээгүй бол судар дээрээ тэмдэглээрэй.
Дараах үйл ажиллагаа нь эшлэл, судрын гол өгүүлбэрийг цээжлэхэд тань тусалж магадгүй. Санаж байгаа эшлэл, түлхүүр үг хэллэгээ аль болох олныг бич. Анхныхаа оролдлогоор хийж чадахгүй байвал эшлэл, үг хэллэгийг дахин уншаад бичиж үз. Бүгдийг нь цээжээр бичиж чаддаг болтлоо дахин уншиж бич.
Өмнөх хичээл дээр та Алма 7:11–13-аас Есүс Христ биднийг нүгэл ба үхлээс аварч, мөнх бус байдлын сорилт бэрхшээлийг даван туулахад туслахын тулд зовж шаналсан гэх үнэнийг мэдэж авсан.
Нэг найз тань өөрт нь тохиолдож буй хэцүү зүйлийн талаар мессеж бичсэн гэж бодъё. Та Aлма 7:11–13 дээрх үнэн найзад тань туслах ч хэрэв та зөвхөн судрын эшлэлийг явуулбал тэд уншихгүй байх гэж бодсон.
-
Дараах асуултад хариул.
-
Та Aлма 7:11–13-ыг найзынхаа хэцүү үед тусалж болох ямар арга замаар дүгнэх вэ?
Дадлага хийх үйл ажиллагаа
Төгс эзэмших сургаалыг судлах үндсэн материал (2022)-ын “Сүнслэг мэдлэг олж авах нь” хэсгийн сүнслэг мэдлэг олж авах зарчмыг ол. Эдгээр зарчмыг судлах тэмдэглэлдээ гарчиг болгон бичээд, дараа нь хичээл дээр тэдгээрийн талаарх асуултуудад хариулахын тулд хооронд нь зай үлдээ.
Aлма 7:11–13-т заасан сүнслэг мэдлэг олж авах зарчмууд болон сургаал нь дараах тохиолдолд хэрхэн тусалж болохыг авч үзье.
Хэдэн жилийн өмнө эцэг эх нь салснаас хойш амьдрал нь улам бүр хэцүү болж байгааг Петр мэдэрчээ. Түүнд сургуульдаа сурахад хэцүү байсан бөгөөд зарим найз нь түүнтэй өмнөх шигээ хандахгүй байх шиг санагджээ. Петр ч мөн сүмд явахаа, судраа уншиж, Бурханд залбирахаа больжээ. Нэг өдөр Петр нэг найздаа асуудлаа ярьжээ. Тэрээр “Би бүх зүйл дээрдэхийг хүсэж байгаа ч хаашаа хандахаа мэдэхгүй байна. Би маш их ганцаардаж, гацчихсан юм шиг мэдрэгдэж байна” гэв.
Та өөрийгөө Петрийн ярьж байгаа найз мөн тэрээр танаас хүнд хэцүү байдлаасаа хэрхэн гарах талаар зөвлөгөө хүссэн гэж төсөөлөөд үз дээ. Алма 7:11–13 дээрх сургаал ба сүнслэг мэдлэг олж авах зарчмыг ашиглан, Петрийн асуудалд тусал.
Итгэлээр үйлд
2022 оны Төгс эзэмших сургаалыг судлах үндсэн материал-ын “Сүнслэг мэдлэг олж авах нь” хэсгийн 5–12-р догол мөр-ийг унш. Хэрэгтэй гэж үзсэн зүйлээ тэмдэглээрэй.
-
Дараах асуултуудын дор хаяж нэгд нь хариул.
-
Есүс Христийн тухай мөн Түүний Цагаатгалын талаар Петрт итгэлээр үйлдэхэд нь тусалж болох юуг та зааж чадах вэ?
-
Петр Есүс Христийн өгөх тусламжийг хүлээн авахын тулд юу хийж болох вэ?
Утга санаа, асуултыг мөнхийн талаас нь шинжлэн судлах нь
Төгс эзэмших сургаалыг судлах үндсэн материалын “Сүнслэг мэдлэг олж авах нь” хэсгийн 8-р догол мөр-ийг унш. Хэрэгтэй гэсэн зүйлээ тэмдэглэж ав
-
Дараах асуултуудын дор хаяж нэгд нь хариул.
-
Тэнгэрлэг Эцэг Петрийг өөрийнхөө нөхцөл байдлын талаар бодоосой гэж хүсдэгийг та юу гэж бодож байна вэ?
-
Петр өөрийнхөө нөхцөл байдлыг мөнхийн талаас нь харах нь яагаад тустай гэж та нар бодож байна вэ?
Тэнгэрээс томилогдсон эх сурвалжаар дамжуулан илүү их ойлголт олж авахаар эрэлхийлэх
Төгс эзэмших сургаалыг судлах үндсэн баримт бичиг-ийн “Сүнслэг мэдлэг олж авах нь” хэсгийн 11–12 дахь догол мөр-ийг уншаад, Петрт тусалж болох сургаалыг олж мэд.
-
Энэ хэсэгт дор хаяж хоёр асуултад хариул.
-
Петрт хэрэгтэй тусламжийг өгч чадах ямар төрлийн тэнгэрлэг эх сурвалж руу та түүнийг чиглүүлж чадах вэ?
Энэ нөхцөл байдалд тусалж болох тэнгэрлэгээр томилогдсон нэг чухал эх сурвалж бол Алма 7:11–13 юм. Эдгээр шүлгийг дахин уншаад, Петрт тустай байж болох сургаалыг олж мэд.
-
Та Петр эдгээр шүлгээс юу ойлгож, мэдрээсэй гэж хүсэж байна вэ?
-
Тэнгэрлэг Эцэг Петрийг юу мэдээсэй гэж хүсэж болох талаар заадаг өөр судрын хэсгүүдийн талаар бодож олж чадах уу?