Përsëritja 13 e Zotërimit Doktrinor

Gjeje dhe Shënoje Referencën nga Alma 7:11–13 deri te Moroni 10:4–5

Një qëllim i zotërimit doktrinor është të të ndihmojë të vish te Krishti duke e rritur kuptueshmërinë tënde për të vërtetat e ungjillit që gjenden në shkrimet e shenjta. Ky mësim ka për qëllim të të ndihmojë t’i gjesh 12 fragmentet e shkrimeve të shenjta për zotërimin doktrinor në gjysmën e dytë të Librit të Mormonit.

Referencat e shkrimeve të shenjta dhe frazat kyç të shkrimeve të shenjta

Përfytyro sikur një motër ose vëlla më i vogël të sheh duke i shenjuar shkrimet e tua të shenjta ndërsa studion. Pasi sheh faqen me të gjitha shenjimet e tua mbi të, motra ose vëllai yt më i vogël të pyet se përse i shenjon shkrimet e tua të shenjta.

• Si do t’i përgjigjeshe?

Përdore tabelën e mëposhtme për të të ndihmuar t’i gjesh 12 fragmentet e zotërimit doktrinor që gjenden në gjysmën e dytë të Librit të Mormonit. Merre parasysh t’i shenjosh ato në mënyrë të dallueshme që të mund t’i gjesh më lehtë në të ardhmen. Mund të marrësh parasysh gjithashtu t’i shenjosh fjalët në frazat kyç të shkrimit të shenjtë për t’i bërë ato të dallohen.

Zotërimi Doktrinor për Librin e Mormonit: Alma–Moroni

Manual i Mësuesit për Librin e Mormonit (2024)

Referenca e Shkrimit të Shenjtë	Fraza Kyç e Shkrimit të Shenjtë
Referenca e Shkrimit të Shenjtë Alma 7:11–13	Fraza Kyç e Shkrimit të Shenjtë “Dhe ai do të shkojë përpara, duke vuajtur dhimbje dhe hidhërime dhe tundime të çdo lloji.”
Referenca e Shkrimit të Shenjtë Alma 34:9–10	Fraza Kyç e Shkrimit të Shenjtë “Duhet të bëhet një shlyerje, … një flijim i pafundëm dhe i përjetshëm.”
Referenca e Shkrimit të Shenjtë Alma 39:9	Fraza Kyç e Shkrimit të Shenjtë “Mos shko më pas epsheve të syve të tua.”
Referenca e Shkrimit të Shenjtë Alma 41:10	Fraza Kyç e Shkrimit të Shenjtë “Ligësia kurrë nuk ka qenë lumturi.”
Referenca e Shkrimit të Shenjtë Helamani 5:12	Fraza Kyç e Shkrimit të Shenjtë “Është mbi shkëmbin e Shëlbuesit tonë … që ju duhet të ndërtoni themelin tuaj.”
Referenca e Shkrimit të Shenjtë 3 Nephi 11:10–11	Fraza Kyç e Shkrimit të Shenjtë “Unë kam plotësuar vullnetin e Atit në të gjitha gjërat që nga fillimi.”
Referenca e Shkrimit të Shenjtë 3 Nefi 12:48	Fraza Kyç e Shkrimit të Shenjtë “[Ji]ni të përkryer, madje, sikurse jam unë, ose të përkryer si Ati juaj që është në qiell.”
Referenca e Shkrimit të Shenjtë 3 Nefi 27:20	Fraza Kyç e Shkrimit të Shenjtë “Ejani tek unë dhe pagëzohuni … që të shenjtëroheni nëpërmjet marrjes së Frymës së Shenjtë.”
Referenca e Shkrimit të Shenjtë Ethëri 12:6	Fraza Kyç e Shkrimit të Shenjtë “Ju nuk do të merrni asnjë dëshmi, deri pas provës së besimit tuaj.”
Referenca e Shkrimit të Shenjtë Ethëri 12:27	Fraza Kyç e Shkrimit të Shenjtë “Në qoftë se njerëzit vijnë tek unë, … atëherë unë do të bëj që gjërat e dobëta, të bëhen të forta në ta.”
Referenca e Shkrimit të Shenjtë Moroni 7:45–48	Fraza Kyç e Shkrimit të Shenjtë “Dashuria hyjnore është dashuria e pastër e Krishtit.”
Referenca e Shkrimit të Shenjtë Moroni 10:4–5	Fraza Kyç e Shkrimit të Shenjtë “Kërkoni me një zemër të sinqertë, me qëllim të vërtetë duke pasur besim në Krisht … [dhe] nëpërmjet fuqisë së Frymës së Shenjtë, ju mund të dini të vërtetën e të gjitha gjërave.”

© 2023 by Intellectual Reserve, Inc. All rights reserved.

1. Zgjidh tre fragmente të zotërimit doktrinor rreth të cilëve do të doje të mësoje më shumë këtë semestër. Lexoji fragmentet dhe shkruaj sa vijon:

   • Arsyet përse mendon se Shpëtimtari dëshiron që njerëzit sot t’i kuptojnë të vërtetat në këto fragmente

   • Çdo pyetje që ke rreth fjalëve dhe frazave në fragmente

Gjatë ditëve të ardhshme, fillo të mësosh përmendsh disa referenca dhe fraza kyç të shkrimeve të shenjta dhe kërko përgjigje për çdo pyetje që mund të kesh rreth asaj që ato shkrime të mësojnë. Nëse dëshiron, mund të përdorësh programin për telefonat celularë Doctrinal Mastery [Zotërimi Doktrinor] që të të ndihmojë (nëse është në dispozicion).