Мормоны Номын семинарын суралцагчийн гарын авлага (2024)

Агуулга
Нүүр хуудас
Мормоны Номын семинарын суралцагчийн гарын авлага-ын оршил
Мормоны Ном—Оршил материал
Мормоны Номын удиртгал хэсгүүд
1 Нифай 1–5
1 Нифай 6–10
1 Нифай 11–15
1 Нифай 16–22
2 Нифай 1–2
2 Нифай 3–5
2 Нифай 6–10
2 Нифай 11–19
2 Нифай 20–25
2 Нифай 26–30
2 Нифай 31–33
Иаков 1–4
Иаков 5–7
Инос–Мормоны үгс
Moзая 1–3
Moзая 4–6
Moзая 7–10
Moзая 11–17
Moзая 18–24
Moзая 25–28
Мозая 29–Алма 4
Алма 5–7
Алма 8–12
Алма 13–16
Алма 17–22
Алма 23–29
Алма 30–31
Алма 32–35
Алма 36–38
Алма 39–42
Алма 43–52
Алма 53–63
Хиламан 1–6
Хиламан 7–12
Хиламан 13–16
3 Нифай 1–7
3 Нифай 8–11
3 Нифай 12–16
3 Нифай 17–19
3 Нифай 20–26
3 Нифай 27–4 Нифай 1
Moрмон 1–6
Moрмон 7–9
Ифер 1–5
Ифер 6–11
Ифер 12–15
Moронай 1–6
Moронай 7–9
Моронай 10

3 Нифай 6–7: Бардамнал хагарал, сүйрэл авчирдаг

“3 Нифай 6–7: Бардамнал хагарал, сүйрэл авчирдаг,” Мормоны Номын багшийн гарын авлага (2024)

“3 Нифай 6–7,” Мормоны Номын багшийн гарын авлага

3 Нифай 6–7

Бардамнал хагарал, сүйрэл авчирдаг

өсвөр насны хүү буйдан дээр ууртай сууна

Зарим хүн Бурхантай холбоотой гайхамшигтай үйл явдлыг туулсан ч гэлээ эцэст нь Түүнээс нүүрээ буруулдгийг та анзаарч байсан уу? Бурханыг нифайчуудыг Гадиантоны дээрэмчдээс хамгаалсны дараа тэд гэртээ буцаж ирээд, амьдралаа дахин босгож эхлэв. Бардамнал, хагарлаар дамжуулж Сатан хүмүүсийг Бурханыг эсэргүүцэхэд хүргэв. Засгийн газар нуран унаж, хүмүүс овгуудад хуваагдсан хатуу үр дагаварт хүрчээ. Энэ хичээл танд бардамналын нөлөө, Аврагчийг дагаснаар хэрхэн бардамналыг ялан дийлэх талаар илүү сайн ойлгоход тусална.

Хэн нэгэн … байх нь боломжтой юу:

Баян даруу төлөв?
Ядуу бардам?
Боловсролтой даруу төлөв?
Боловсролгүй бардам?

Өнөө үед зарим хүнийг юу бардам зантай болгоход хүргэж байгаа тухай бод. Бардам зантай байх нь танд, бусдад, нийгэмд хэрхэн нөлөөлдөг вэ? Та судалж байхдаа энэ хичээл таны амьдрал, нөхцөл байдалд хэрхэн хэрэгжихийг тунгаан бод.

Сатаны үргэлжилсэн уруу таталт

Нифайчууд Их Эзэний тусламжтай Гидианхай, Гадиантоны дээрэмчдийг ялсныхаа дараа “бүх ёс бус, мөн нууц, мөн жигшүүрт бүлэглэлүүдэд тийн төгсгөлийн цэг тавьсан билээ” (3 Нифай 5:6). Тэд гэртээ буцаж ирээд, амьдралаа дахин босгож эхлэв. Гэвч Сатан хүмүүсийг өөрийг нь дагахад хууран мэхлэхээр тасралтгүй ажиллав. Богино хугацаанд нифайчууд өөрчлөгдлөө. 3 Нифай 6–7-д Мормон бидэнд Аврагчийг Америк тивд ирэхээс өмнө эцэст нь хүмүүс ихэнх нь сүйрэл дунд үхэхэд хүргэсэн ямар зүйл хийснийг ойлгоход тусалсан (3 Нифай 8-ыг үзнэ үү). Эдгээр сургаал нь мөн яагаад бусад хүн Христийг Өгөөмөр нутаг дахь ариун сүм дээр ирэхэд бэлтгэгдсэн байсныг тайлбарладаг (3 Нифай 11-ийг үзнэ үү).

Дараахтай адил хүснэгтийг зур. Хэсгүүдийг уншаад, хүмүүсийн нөхцөл байдлын талаар сурч мэдсэн зүйлээ нөхөж бич.

26 дахь жил (3 Нифай 6:4–9)	29 дэх жил (3 Нифай 6:10–18)
26 дахь жил (3 Нифай 6:4–9)	29 дэх жил (3 Нифай 6:10–18)

Ийм богино хугацаанд өөрчлөгдөх болсон шалтгаан юу вэ?
Эдгээр жишээнээс бид ямар ямар үнэнийг мэдэж авч болох вэ?

Бид бардам байхдаа Сатанд өөрсдийгөө уруу татах, илүү нүгэл үйлдэхэд удирдах хүчийг өгдөг гэсэн нэг үнэнийг та тодорхойлж болох юм.

Бардам байх гэдэг нь ямар утгатай талаар бод. Ерөнхийлөгч Эзра Тафт Бэнсоны (1899–1994) дараах мэдэгдлээс ойлголт олж мэд.

Зураг
Ерөнхийлөгч Эзра Тафт Бэнсон

Бардамналын гол шинж бол дайсагнал буюу Бурханы эсрэг, элэг нэгтнүүдийнхээ эсрэг дайсагнах явдал юм. Дайсагнал гэдэг нь “хэн нэгнийг үзэн ядах, өширхөх эсвэл эсэргүүцэх” гэсэн утгатай. Энэ бол биднийг ноёрхохын тулд ашиглахыг хүсдэг Сатаны хүч мөн. (Ezra Taft Benson, “Beware of Pride,” Ensign, May 1989, 4)

Яагаад бардам байх нь Сатанд биднийг төөрөлдүүлэх их хүчийг өгдөг гэж та бодож байна вэ?
Энэ нь Тэнгэрлэг Эцэг, Есүс Христ хоёрын биднийг урамшуулан дэмждэг аргаас юугаараа ялгаатай вэ?

Бардамналын нөлөө өнгөрсөнд ба одоо

Хүмүүсийн бардамналаас болж нийгмийн бүх хэсэг нөлөөнд нь автаж эхлэв. 3 Нифай 6:20–30-ийг эсвэл 7:1–14-ийг уншаад, хувь хүн, нийгэмд бардамнал хэрхэн нөлөөлсөн жишээг хайж ол.

Зураг

дүрс, тэмдэглэх

Зураг

дүрс, тэмдэглэх

Дараах асуултуудад хариул:

Та эдгээр шүлгээс бардамналын нөлөөний ямар жишээг олсон бэ?
Өнөө цагт Сатан хүмүүсийг илүү нүгэл үйлдэхэд хүргэхийн тулд бардамналыг ямар арга замаар ашигладаг вэ?

Бардамналыг ялан дийлэх

Өөрийн эсвэл бусдын бардамнал танд хэрхэн нөлөөлдөг, та бардамналыг, үүний нөлөөг хэрхэн ялан дийлэх талаар бод.

Хэдий бардамнал маш их сүйрлийн шалтгаан болсон ч зарим хүн бошиглогчийн үгсийг анхааралтай сонсож, Аврагчийг үргэлжлүүлэн дагав.

3 Нифай 7:15–26-г уншаад, Нифай хүмүүст юу заасан, энэ нь тэдэнд хэрхэн нөлөөлснийг олж мэд. Аврагчийг дурдах бүрд тэмдэглэж авах нь тустай байж болох юм.

Зураг

дүрс, тэмдэглэх

Дараах асуултад хариул:

Та эдгээр шүлгээс Аврагч, Түүний сайн мэдээ хүмүүст бардамнал, алдсыг ялан дийлэхэд хэрхэн тусалсан талаар ямар ямар жишээг олж мэдсэн бэ?

Дараах жишээ нь танд бардамналын нөлөөний талаарх таны мэдлэг, Есүс Христийг дагаснаар хэрхэн бардамналыг ялан дийлэхэд тусалж болохыг харуулахад тусална.

Зураг

залуу эрэгтэй тодорхой бус байдалтай харагдана

Энэ бол Жим. Тэрээр бардамналын асуудалтай гэдгээ өөрөө хараахан мэдээгүй байгаа.

Дараах асуултуудад хариул:

Жимийн амьдралаас түүнийг бардамналын асуудалтай гэх ямар нотолгоог та харж байна вэ?

Асуудлаа анзаарч, амьдралынх нь хамгийн их бухимдуулдаг зүйлс нь түүний бардамналын үр дагавар гэдгийг таньж мэдсэнийхээ дараа тэрээр бардамналаас хэрхэн ангижрах талаар хариулт авахыг хүсэв.

Та Жимд бардамналыг ялан дийлэхэд нь туслахын тулд ямар шийдэл санал болгох вэ?

Нэмэлт: Илүү дэлгэрэнгүй мэдээлэл авахыг хүсэж байна уу?

Өнөө үед бид бардамнал, хагарал бутралыг хэрхэн хардаг вэ?

Арван хоёр төлөөлөгчийн чуулгын ахлагч Квинтин Л.Күк ийн тайлбарлажээ:

Зураг
Ахлагч Квинтин Л.Күк

Өнөө үед нэгдмэл байхыг тушаасан судрын зарлигийг ихээхэн үл тоомсорлож байгаа бөгөөд олон хүний хувьд ихэнхдээ зиндаа, хүйс, арьс өнгө, хөрөнгө чинээн дээр үндэслэсэн жалга довны үзэлд онцгой анхаарал хандуулж байна. Ихэнхэд нь биш ч, олон улс оронд хүмүүс хэрхэн амьдрах тал дээр гүн гүнзгий хуваагдсан байдаг. Их Эзэний Сүмд бидний заах, баримтлах цор ганц соёл бол Есүс Христийн сайн мэдээний соёл юм. Бидний эрэлхийлж буй нэгдмэл байдал бол Аврагчтай болон Түүний сургаалтай нэгдэн нийлэх явдал мөн. …

… Мормоны Ном ямар ч -чууд, чүүд, омог эсвэл анги давхарга гэж байхгүй хэмээн тодорхой заадаг. Бурханы өмнө бид бүгд нэгдмэл бас эрх тэгш байх ёстой. (Квинтин Л.Күк, “Бурхантай уулзахаар бэлтгэ,” 2018 оны 4-р сарын Ерөнхий чуулган, 144)

Бардамналын зарим үзүүлэлт юу вэ?

Арван хоёр төлөөлөгчийн чуулгын ахлагч Гари Э.Стивэнсон ийн хэлсэн:

Зураг
Ахлагч Гари Э.Стивэнсон

Бид бардамнасан үедээ бусдад мөн Их Эзэнд алдар хүндийг өгөхөөс илүү өөртөө авахыг хичээдэг. Бардамнал голдуу өрсөлдөөнд суурилсан байдаг бөгөөд илүү их зүйл олж авахыг эрэлхийлж, өөрсдийгөө бусдаас илүүд тооцдог. Бардамнал ихэвчлэн уур, үзэн ядах сэтгэлийн үр дүн байдаг бөгөөд хүнд атаа хорсол төрүүлж, уучлахаас татгалзахад хүргэдэг. (Гари И.Стивэнсон, “Сүнслэг хиртэлт,” 2017 оны 10-р сарын Ерөнхий чуулган, 36)

Мормоны ном дээрх үйл явдлууд өнөө үетэй хэр хамааралтай байна вэ?

Ерөнхийлөгч Эзра Тафт Бэнсон (1899–1994) Мормоны Номонд гарсан үйл явдлуудыг өнөө үетэй харьцуулан дараахыг хэлсэн:

Зураг
Ерөнхийлөгч Эзра Тафт Бэнсон

Бид Хоёр дахь ирэлтэд бэлтгэх загварыг Мормоны Номоос олдог. Энэ номын ихэнх хэсэг нь Христийг Америк тивд хүрч ирэхээс өмнөх хэдхэн арван жил дээр анхаарал төвлөрүүлсэн байдаг. Бид энэ үеийг анхааралтай судалснаар яагаад зарим хүн Түүнийг ирэхийн өмнө тохиосон аймшигт шүүлтээр устгагдаж мөн юу бусад хүнийг эсэн мэнд Өгөөмөр нутаг дахь ариун сүмд үлдээн, Түүний гар, хөлийн шархны сорвиудад гараа хүргэж үзэхэд хүргэснийг мэдэж болно. (Ezra Taft Benson, “The Book of Mormon—Keystone of Our Religion,” Ensign, Nov. 1986, 6–7)