ព្រះគម្ពីរមរមន សៀវភៅសិក្សាសម្រាប់សិស្សថ្នាក់សិក្ខាសាលា ( ឆ្នាំ ២០២៤ )

មាតិកា
ទំព័រចំណងជើង
សេចក្តីផ្តើមនៃ ព្រះគម្ពីរមរមន សៀវភៅសិក្សាសម្រាប់សិស្សថ្នាក់សិក្ខាសាលា
ព្រះគម្ពីរមរមន—ឯកសារណែនាំ
ទំព័របុព្វកថានៃព្រះគម្ពីរមរមន
នីហ្វៃទី ១ ១–៥
នីហ្វៃទី១ ៦–១០
នីហ្វៃទី ១ ១១–១៥
នីហ្វៃទី ១ ១៦–២២
នីហ្វៃទី ២ ១–២
នីហ្វៃទី ២ ៣–៥
នីហ្វៃទី ២ ៦–១០
នីហ្វៃទី ២ ១១–១៩
នីហ្វៃទី ២ ២០–២៥
នីហ្វៃទី ២ ២៦–៣០
នីហ្វៃទី ២ ៣១–៣៣
យ៉ាកុប ១–៤
យ៉ាកុប ៥–៧
អេណុស–ពាក្យសម្ដីនៃមរមន
ម៉ូសាយ ១–៣
ម៉ូសាយ ៤–៦
ម៉ូសាយ ៧–១០
ម៉ូសាយ ១១–១៧
ម៉ូសាយ ១៨–២៤
ម៉ូសាយ ២៥–២៨
ម៉ូសាយ ២៩–អាលម៉ា ៤
អាលម៉ា ៥–៧
អាលម៉ា ៨–១២
អាលម៉ា ១៣–១៦
អាលម៉ា ១៧–២២
អាលម៉ា ២៣–២៩
អាលម៉ា ៣០–៣១
អាលម៉ា ៣២–៣៥
អាលម៉ា ៣៦–៣៨
អាលម៉ា ៣៩–៤២
អាលម៉ា ៤៣–៥២
អាលម៉ា ៥៣–៦៣
ហេលេមិន ១–៦
ហេលេមិន ៧–១២
ហេលេមិន ១៣–១៦
នីហ្វៃទី៣ ១–៧
នីហ្វៃទី ៣ ៨–១១
នីហ្វៃទី ៣ ១២–១៦
នីហ្វៃទី ៣ ១៧–១៩
នីហ្វៃទី ៣ ២០–២៦
នីហ្វៃទី ៣ ២៧–នីហ្វៃទី ៤ ១
មរមន ១–៦
មរមន ៧–៩
អេធើរ ១–៥
អេធើរ ៦–១១
អេធើរ ១២–១៥
មរ៉ូណៃ ១–៦
មរ៉ូណៃ ៧–៩
មរ៉ូណៃ ១០

វាយតម្លៃការសិក្សារបស់អ្នក ទី៧ ៖ អាលម៉ា ៥៣–នីហ្វៃទី៣ ៧

« វាយតម្លៃការសិក្សារបស់អ្នក ទី៧ ៖អាលម៉ា ៥៣–នីហ្វៃទី៣ ៧ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )

« វាយតម្លៃការសិក្សារបស់អ្នក ទី៧ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន

វាយតម្លៃការសិក្សារបស់អ្នក ទី៧

យុវជនកំពុងសញ្ជឹងគិតនៅពេលដែលកំពុងសិក្សាព្រះគម្ពីរ

ការសញ្ជឹងគិត និងវាយតម្លៃទៅលើការរៀនសូត្ររខាងវិញ្ញាណរបស់អ្នក អាចជួយអ្នកឲ្យខិតទៅកាន់តែជិតព្រះអង្គសង្គ្រោះ ។ មេរៀននេះអាចជួយអ្នកឲ្យចងចាំ និងវាយតម្លៃអំពីបទពិសោធន៍របស់អ្នកជាមួយ អាលម៉ា ៥៣–នីហ្វៃទី៣ ៧ ដែលបានជួយអ្នកឲ្យរីកចម្រើនខាងវិញ្ញាណ ។

សារៈសំខាន់នៃការចងចាំ

ប្រធាន ស្ពែនស៊ើរ ដបុលយូ ឃឹមបឹល បានបង្រៀនថា ពាក្យដ៏សំខាន់បំផុតនៅក្នុងវចនានុក្រមអាចជាពាក្យ ចងចាំ ។ ( សូមមើល « Circles of Exaltation » [address to Church Educational System religious educators ថ្ងៃទី ២៨ ខែ មិថុនា ឆ្នាំ ១៩៦៨ ] ទំព័រ ៥ ) ។

តើមូលហេតុអ្វីបានជាអ្នកគិតថា ប្រធាន ឃឹមបឹល បាននិយាយអ្វីដែលលោកបានធ្វើអំពីពាក្យ ចងចាំ ?
តើមេរៀនអ្វីខ្លះដែលអ្នកបានរៀនមកពី អាលម៉ា ៥៣–នីហ្វៃទី៣ ៧ ដែលនឹងមានសារៈសំខាន់សម្រាប់អ្នកនៅក្នុងការចងចាំ ? ហេតុអ្វី ?

អ្នកអាចនឹងចងចាំថា ហេលេមិន បានលើកទឹកចិត្តឲ្យកូនប្រុសរបស់លោក នីហ្វៃ និង លីហៃ ឲ្យចងចាំមេរៀនសំខាន់ៗនិងមនុស្សមួយចំនួន ( សូមមើល ហេលេមិន ៥:៤–១៤ ) ។ ដូចគ្នានេះដែរ មេរៀននេះមានគោលបំណងដើម្បីជួយដល់អ្នកឲ្យចងចាំអំពីសេចក្តីពិត ដែលអ្នកបានរៀននិងការប្តេជ្ញាចិត្ត ដែលអ្នកបានធ្វើនៅក្នុងរយៈពេលប៉ុន្មានសប្តាហ៍ចុងក្រោយនេះ ។

ពន្យល់អំពីតួនាទីរបស់ពួកព្យាការី

សូមស្រមៃថា អ្នកមានអារម្មណ៍បំផុសគំនិត ដើម្បីអញ្ជើញមិត្តម្នាក់ឲ្យមើលសន្និសីទទូទៅជាមួយអ្នក ។ នៅពេលអ្នករៀបចំខ្លួនប្រកបដោយការអធិស្ឋាន ដើម្បីធ្វើតាមការបំផុសគំនិតនេះ អ្នកសម្រេចចិត្តពន្យល់ដល់មិត្តរបស់អ្នកថាតើអ្វីទៅជាព្យាការី និងមូលហេតុដែលអ្នករំភើបក្នុងការស្តាប់លោក ។ អ្នកចងចាំថាអ្នកបានរៀនសូត្រអំពីព្យាការីដ៏អស្ចារ្យមួយចំនួន នៅក្នុងព្រះគម្ពីរមរមនដែលអាចជួយដល់អ្នក នៅក្នុងការពន្យល់អំពីតួនាទីរបស់ព្យាការីទៅដល់មិត្តរបស់អ្នកបាន ។

នីហ្វៃកំពុងអធិស្ឋាននៅលើប៉មមួយក្នុងសួនច្បាររបស់លោក

សាំយូអែល ដែលជាសាសន៍លេមិនកំពុងបង្រៀននៅលើកំផែង

សូមជ្រើសរើសដំណើររឿងរបស់នីហ្វៃ ( ហេលេមិន ៧–១១ ) ឬសាំយូអែលជាសាសន៍លេមិន( ហេលេមិន ១៣–១៥ ) ។ ពិនិត្យមើលដំណើររឿងរបស់ពួកគេនៅក្នុងជំពូក ដែលទាក់ទងដោយមើលខគម្ពីរទាំងនោះត្រួសៗ ហើយមើលចំណងជើងជំពូកឬកំណត់ចំណាំ ដែលអ្នកប្រហែលជាបានធ្វើនៅក្នុងសៀវភៅកំណត់ហេតុការសិក្សារបស់អ្នក ។

វាយតម្លៃអាកប្បកិរិយា និងបំណងប្រាថ្នារបស់អ្នក

នៅពេលអ្នកក្រឡេកមើលដ្យាក្រាមនេះ អ្នកអាចនឹកចងចាំនូវភស្តុតាងអំពីវដ្តនៃការឆ្មើងឆ្មៃនៅទូទាំង ហេលេមិន ១–១៦ និង នីហ្វៃទី៣ ១–៧ ។ អ្នកក៏អាចស្គាល់ឧទាហរណ៍ ដែលអ្នកបានឃើញនៅក្នុងជីវិតផ្ទាល់ខ្លួនរបស់អ្នក ឬនៅក្នុងពិភពលោកជុំវិញអ្នកផងដែរ ។

នៅពេលដែលអ្នកបានសិក្សា ហេលេមិន ១១–១២ អ្នកប្រហែលជាបានវាយតម្លៃការខិតខំរបស់អ្នកក្នុងការបន្ទាបខ្លួន ។ អ្នកក៏ប្រហែលជាបានកត់ត្រាការប្តេជ្ញាចិត្ត នៅក្នុងសៀវភៅកំណត់ហេតុការសិក្សារបស់អ្នក ដើម្បីបង្កើនការបន្ទាបខ្លួននិងយកឈ្នះលើភាពអំនួត ។ ពិនិត្យឡើងវិញនូវអ្វីដែលអ្នកបានសរសេរ ហើយសញ្ជឹងគិតអំពីរបៀបដែលអ្នកបានធ្វើជាមួយនឹងការប្តេជ្ញាចិត្តនោះ ។ សូមសញ្ជឹងគិតអំពីសំណួរខាងក្រោម ហើយកត់ត្រាចម្លើយរបស់អ្នកនៅក្នុងសៀវភៅកំណត់ហេតុរបស់អ្នក ។

តើអ្នកបានធ្វើអ្វីខ្លះនៅក្នុងរយៈពេលប៉ុន្មានសប្តាហ៍ចុងក្រោយនេះ ដើម្បីចងចាំដល់ព្រះអម្ចាស់ និងអ្វីទាំងអស់ដែលទ្រង់បានធ្វើសម្រាប់អ្នក ? តើអ្នកមានអារម្មណ៍យ៉ាងណាក្នុងការចងចាំ ថាព្រះអម្ចាស់បានជួយដល់អ្នកឲ្យរក្សាការបន្ទាបខ្លួន ?
តើមានការផ្លាស់ប្ដូរណាមួយដែលអ្នកចង់ធ្វើ ដើម្បីជួយអ្នកក្នុងការចងចាំព្រះអម្ចាស់ជារៀងរាល់ថ្ងៃ ហើយបង្កើនការបន្ទាបខ្លួនដែរឬទេ ?

សូមសញ្ជឹងគិតអំពីផែនការដើម្បីស្ថាបនាមូលដ្ឋានគ្រឹះរបស់អ្នកនៅលើព្រះយេស៊ូវគ្រីស្ទ

នៅក្នុងមេរៀនថ្មីៗនេះ អ្នកបានសិក្សាដំណើររឿងជាច្រើនអំពីបុគ្គល ដែលបានយកឈ្នះនៅលើការវាយប្រហារមកលើជីវិត សាសនា និងទីបន្ទាល់របស់ពួកគេអំពីព្រះយេស៊ូវគ្រីស្ទ ។ នៅខណៈពេលដែលកំពុងសិក្សា អ្នកប្រហែលជាបានធ្វើការប្តេជ្ញាចិត្តខ្លះៗ ដើម្បីជួយអ្នកស្ថាបនាមូលដ្ឋានគ្រឹះដ៏រឹងមាំនៅលើព្រះយេស៊ូវគ្រីស្ទ ដើម្បីទប់ទល់ទៅនឹងការវាយប្រហាររបស់សាតាំង ។

សូមចំណាយពេលពីរបីនាទី ដើម្បីពិនិត្យមើលគណនីមួយ ឬច្រើនដូចខាងក្រោម ៖

លីហុនតៃ និង អាម៉ាលិកាយ ( អាលម៉ា ៤៧:១០–១៨ )

មេទ័ពមរ៉ូណៃសង់បន្ទាយ ( អាលម៉ា ៥០:១–៦ )

ការប្រឹក្សារបស់ហេលេមិន ចំពោះកូនប្រុសរបស់គាត់ ( ហេលេមិន ៥:១២ )

តើមានមេរៀនអ្វីខ្លះដែលយើងអាចរៀនមកពីដំណើររឿងទាំងនេះ ដែលអាចជួយយើងទប់ទល់ទៅនឹងការល្បួងបាន ?

សូមសញ្ជឹងគិតអំពីគោលដៅដែលអ្នកបានធ្វើថ្មីៗនេះ ដើម្បីស្ថាបនាគ្រឹះរបស់អ្នកនៅលើព្រះយេស៊ូវគ្រីស្ទ ។

សូមឆ្លើយសំណួរខាងក្រោមនេះ ៖

តើជោគជ័យអ្វីខ្លះដែលអ្នកបានទទួលបាននៅក្នុងការខិតខំរបស់អ្នក ដើម្បីស្ថាបនាគ្រឹះរបស់អ្នកនៅលើព្រះយេស៊ូវគ្រីស្ទ ?
តើអ្នកបានឃើញឧបសគ្គអ្វីខ្លះនៅក្នុងការស្ថាបនាគ្រឹះដ៏រឹងមាំ ? តើអ្នកបានព្យាយាមយកឈ្នះឧបសគ្គទាំងនោះដោយរបៀបណា ?
តើអ្នកបានទទួលពរជ័យសម្រាប់ការខិតខំព្យាយាមស្ថាបនាគ្រឹះរបស់អ្នកនៅលើព្រះយេស៊ូវគ្រីស្ទដោយរបៀបណា ? តើវាបានធ្វើឲ្យមានភាពខុសប្លែកអ្វីខ្លះសម្រាប់អ្នក ?

សូមអាន ហេលេមិន ៥: ១២ ម្តងទៀត ហើយពិចារណាប្រកបដោយការអធិស្ឋាន ថាតើមានអ្វីខ្លះដែលអ្នកគួរតែចាប់ផ្តើម បញ្ឈប់ ឬបន្តធ្វើដើម្បីស្ថាបនាគ្រឹះដ៏រឹងមាំនៅលើព្រះយេស៊ូវគ្រីស្ទដែរឬទេ ។ ប្រសិនបើអ្នកមានអារម្មណ៍ថាអ្នកត្រូវការកែតម្រូវគោលដៅណាមួយដែលអ្នកបានធ្វើ នោះអ្នកអាចសរសេរវានៅក្នុងសៀវភៅកំណត់ហេតុការសិក្សារបស់អ្នក ឬកន្លែងផ្សេងទៀត ដែលអ្នកអាចសញ្ជឹងគិតជាទៀងទាត់អំពីវាបាន ។