« នីហ្វៃទី៣ ៨–១០°៖ ព្រះសូរសៀងរបស់ព្រះអង្គសង្គ្រោះនៅក្នុងភាពងងឹត » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
« នីហ្វៃទី៣ ៨–១០ » ព្រះគម្ពីរមរមនសៀវភៅសិក្សាសម្រាប់គ្រូបង្រៀន
នីហ្វៃទី៣ ៨–១០
ព្រះសូរសៀងរបស់ព្រះអង្គសង្គ្រោះនៅក្នុងភាពងងឹត
ការបំផ្លិចបំផ្លាញដ៏ធំ និងភាពងងឹតយ៉ាងខ្លាំងជាការសម្គាល់អំពីការឆ្កាងរបស់ព្រះអង្គសង្រ្គោះនៅក្នុងទី្វបអាមេរិក ។ ពេលខ្លះនៅក្នុងអំឡុងពេលបីថ្ងៃដែលមានភាពងងឹតញាសពេញ ព្រះយេស៊ូវគ្រីស្ទបានមានបន្ទូលទៅកាន់ប្រជាជន ។ តាំងពីពេលនោះ និងឥឡូវនេះ គ្រោះធម្មជាតិ ការរងទុក្ខវេទនា និងការសាកល្បងនានា អាចជាឱកាសដើម្បីរៀនអំពី និងងាកមករកព្រះយេស៊ូវគ្រីស្ទ ។ មេរៀននេះនឹងកំណត់អំពីបុគ្គលិកលក្ខណៈរបស់ព្រះយេស៊ូវគ្រីស្ទ ដែលអាចជួយអ្នកឲ្យទទួលបាននូវអារម្មណ៍នៃសេចក្តីស្រឡាញ់ និងការទុកចិត្តនៅលើទ្រង់កាន់តែខ្លាំងឡើងថែមទៀត ។
« ព្យុះដ៏ធំមួយ »
សូមគិតអំពីគ្រាមួយដែលបងប្អូនធ្លាប់ជួបប្រទះនឹងព្យុះដ៏ខ្លាំងក្លា ឬគ្រោះមហន្តរាយធម្មជាតិដូចជារញ្ជួយដី ខ្យល់ព្យុះកំបុតត្បូង ឬខ្យល់គួចជាដើម ។ តើបទពិសោធន៍ទាំងអស់នោះមានអ្វីខ្លះ ?
នៅពេលដែលគេយកព្រះយេស៊ូវគ្រីស្ទទៅឆ្កាងនៅក្រុងយេរូសាឡិម នោះមានខ្យល់ព្យុះនិងការរញ្ជួយដីដ៏គួរឲ្យភ័យខ្លាចយ៉ាងខ្លាំងនៅទ្វីបអាមេរិក ដែលបានបណ្តាលឲ្យមានការបំផ្លិចបំផ្លាញយ៉ាងធ្ងន់ធ្ងរ ។ ព្រឹត្តិការណ៍ទាំងនេះបានបំពេញតាមការព្យាកររបស់សាំយូអែល ជាសាសន៍លេមិន អំពីទីសម្គាល់នៃការសុគតរបស់ព្រះអង្គសង្គ្រោះ ( សូមមើល ហេលេមិន ១៤:២០–២៧ ) ។
ដើម្បីស្វែងយល់អំពីសេចក្តីលម្អិតនៃព្រឹត្តិការណ៍ដ៏បំផ្លិចបំផ្លាញទាំងនេះ សូមអាន នីហ្វៃទី៣ ៨: ៥–២២ ។ អ្នកក៏អាចមើលវីដេអូនេះបានផងដែរ « Jesus Christ Appears in the Ancient Americas » ចាប់ពីនាទីទី ០:០០–៣:១៩ ។ វីដេអូនេះមាននៅលើគេហទំព័រ ChurchofJesusChrist.org ។
-
តើអ្នកអាចបានគិត ឬមានអារម្មណ៍បែបណាទៅប្រសិនបើអ្នកបានជួបប្រទះទៅនឹងរឿងរ៉ាងទាំងនេះ ?
នៅក្នុងរយៈពេលប៉ុន្មានឆ្នាំដែលឈានទៅដល់ការបំផ្លិចបំផ្លាញនេះ ពួកសាសន៍នីហ្វៃភាគច្រើនបានងាកចេញពីព្រះអម្ចាស់ ហើយបានបណ្ដេញពួកព្យាការីដែលព្រះបានចាត់ឲ្យទៅបង្រៀនពួកគេផងដែរ ( សូមមើល នីហ្វៃទី៣ ៧: ៧–៨, ១៤, ២១ ) ។
សូមអាន នីហ្វៃទី៣ ៨:២៣–២៥ សូមរកមើលថាតើអ្នកដែលនៅរស់រានមានជីវិតមានប្រត្តិកម្មយ៉ាងណា បន្ទាប់ពីបានជួបប្រទះព្រឹត្តិការណ៍ដ៏បំផ្លិចបំផ្លាញទាំងនេះ ។
-
តើអ្នកនឹងពិពណ៌នាអំពីអារម្មណ៍របស់ពួកគេដោយរបៀបណា ?
សេចក្ដីពិតអំពីព្រះយេស៊ូវគ្រីស្ទ
នៅពេលដែលប្រជាជនកាន់ទុក្ខនៅក្នុងទីងងឹត ពួកគេបានឮព្រះសូរសៀងរបស់ព្រះយេស៊ូវគ្រីស្ទមានព្រះបន្ទូលទៅកាន់ពួកគេ ។ ទ្រង់បានមានព្រះបន្ទូលពីទីក្រុងជាច្រើន ហើយបានពន្យល់ថាទីក្រុង និងប្រជាជនទាំងនោះទទួលរងការបំផ្លាញដោយសារអំពើទុច្ចរិតរបស់ពួកគេ ។ បន្ទាប់មកទ្រង់បានបង្រៀនប្រជាជនទាំងនោះអំពីសារៈសំខាន់នៃសេចក្តីពិតជាច្រើនអំពីព្រះអង្គផ្ទាល់ ។
ដើម្បីជួយអ្នករៀបចំសេចក្ដីពិតទាំងនេះ សូមបង្កើតចំណងជើងមួយនៅក្នុងសៀវភៅកំណត់ហេតុការសិក្សារបស់អ្នកដែលមានចំណងជើងថា ៖ ការសិក្សាអំពីព្រះយេស៊ូវគ្រីស្ទនៅក្នុង នីហ្វៃទី៣ ។ អ្នកប្រហែលជាអាចនឹងចង់ត្រៀមទុកទំព័រជាច្រើននៅក្នុងសៀវភៅកំណត់ហេតុការសិក្សារបស់អ្នក ដើម្បីអ្នកអាចបន្ថែមសេចក្ដីពិតចូលទៅក្នុងបញ្ជីនេះនៅអំឡុងពេលសិក្សារបស់អ្នកអំពីការងារបម្រើរបស់ព្រះអង្គសង្គ្រោះ នៅក្នុងចំណោមពួកសាសន៍នីហ្វៃក្នុងរយៈពេលប៉ុន្មានសប្តាហ៍ខាងមុខនេះ ។
សូមអាន នីហ្វៃទី៣ ៩:១៣–២២ និង ១០:៤–១២ ដោយរកមើលអំពីអ្វីដែលព្រះយេស៊ូវគ្រីស្ទបានបង្រៀនប្រជាជនទាំងនេះអំពីព្រះអង្គទ្រង់ ។ សូមសរសេរសេចក្ដីពិតទាំងនេះនៅក្រោមចំណងជើងមួយនៅក្នុងសៀវភៅកំណត់ហេតុការសិក្សារបស់អ្នក ។
-
សូមសរសេរបញ្ជីមួយអំពីសេចក្ដីពិតដែលអ្នកបានសិក្សាអំពីព្រះយេស៊ូវគ្រីស្ទ នីហ្វៃទី៣ ៩–១០ ។ បន្ទាប់មក សូមឆ្លើយសំណួរខាងក្រោមនេះយ៉ាងហោចណាស់ឲ្យបានពីរ ៖
-
តើព្រះអង្គសង្គ្រោះបានបង្រៀនអ្វីខ្លះអំពីព្រះអង្គផ្ទាល់ ដែលមានសារៈសំខាន់ជាពិសេសចំពោះអ្នក ? ហេតុអ្វី ?
-
តើសេចក្ដីពិតដែលអ្នកបានសិក្សាអំពីព្រះយេស៊ូវគ្រីស្ទ អាចជះឥទ្ធិពលដល់សេចក្ដីស្រឡាញ់របស់អ្នកចំពោះទ្រង់ និងការទុកចិត្តទៅលើទ្រង់ដោយរបៀបណា ?
-
តើអ្នកធ្លាប់ឆ្លងកាត់ស្ថានភាពអ្វីខ្លះ ឬអ្នកប្រហែលជាស្ថិតនៅក្នុងស្ថានភាពទាំងនោះ ដែលការចងចាំអំពីសេចក្ដីពិតមួយ ឬច្រើននៃសេចក្ដីពិតទាំងនេះនឹងមានសារៈសំខាន់ ?