3 Nefi 12:1–16

“Të Bekuar Jeni Ju”

Ati Qiellor dhe Jezu Krishti dëshirojnë të na bekojnë. Ne mund të jemi të sigurt se, teksa e ndjekim këshillën e Tyre, do t’i marrim bekimet e Tyre në përputhje me kohën e Tyre dhe mënyrën e Tyre. Kur u dha mësim nefitëve, Jezusi shpalli shumë nga bekimet që mund të marrim. Ky mësim mund të të ndihmojë të përgatitesh për të marrë bekimet për të cilat foli Shpëtimtari ndërsa përpiqesh fort ta ndjekësh këshillën e Tij.

Të Bekuar

Imagjino një artikull nga një revistë e botës të titulluar “Pesë Njerëzit më të Bekuar të Vitit”.

• Te cilat bekime specifike do të prisje që të përqendrohej artikulli si kriter për zgjedhjen e njerëzve?

Tani imagjino një artikull të revistës Liahona me të njëjtin titull.

• Për çfarë bekimesh specifike do të prisje që të flitej në artikull si bekimet më të mëdha që mund të ketë dikush?

• Si mendon, pse Shpëtimtari dhe Kisha e Tij na mësojnë t’i vlerësojmë më shumë bekimet e ndryshme sesa kërkojnë shumë njerëz në botë?

Tek 3 Nefi 12–14, Jezu Krishti u dha nefitëve një predikim shumë të ngjashëm me Predikimin e Tij në Mal në Dhiatën e Re. Presidenti Jozef Filding Smith (1876–1972) tha se Predikimi në Mal është predikimi “më [i] shkëlqyer që u predikua ndonjëherë, për aq sa ne dimë” (Mësime të Presidentëve të Kishës: Jozef Filding Smith [2013], f. 239).

Sot, ndërsa studion pjesën e predikimit të Shpëtimtarit që quhet Lumturitë, do të kesh mundësinë për të mësuar mënyra se si Ati Qiellor dhe Jezu Krishti dëshirojnë të të bekojnë. Presidenti Harold B. Li (1899–1973) iu referua Lumturive të Shpëtimtarit si “kushtetuta për një jetë të përkryer” dhe shpjegoi se “në Predikimin e Tij në Mal, Mësuesi na ka dhënë njëfarë zbulese të vetë karakterit të Tij, që ishte i përsosur, … dhe duke e bërë këtë gjë, na ka dhënë një projekt për vetë jetën tonë” (Decisions for Successful Living [1973], f. 56–57). Ndërsa studion, përsiat pse bekimet që Krishti ofron në këtë predikim janë me vlerë shumë më të madhe sesa çdonjëri nga bekimet që bota ka për të ofruar.

Lumturitë në Kontinentin Amerikan

Lexo tek 3 Nefi 12:1–12 dhe shenjo togfjalëshin “të bekuar” dhe çdo bekim që gjen të cilin Shpëtimtari e nënvizon në këto vargje. Vër re se togfjalëshi “të bekuar” në këto vargje do të thotë jashtë mase me fat ose i favorizuar në mënyrë hyjnore.

• Duke i marrë parasysh të gjitha bekimet që Shpëtimtari nënvizoi në këto vargje, çfarë të tregon kjo rreth Tij dhe Atit të Tij?

Një e vërtetë që mund të mësojnë nga ky fragment është se Ati Qiellor dhe Jezusi kënaqen kur na bekojnë ndërsa ne përpiqemi fort ta ndjekim këshillën e Tyre.

Lexo tek 3 Nefi 12:1–2 dhe merr parasysh ta shenjosh atë që Shpëtimtari na kërkon të bëjmë nëse kërkojmë bekimet që Ai dhe Ati i Tij na ofrojnë.

1.  Përgjigju për pyetjet vijuese:

• Si mendon, pse Perëndia i bekon ata që “u[a] v[ënë] veshin fjalëve të [të] dymbëdhjetëve që [Ai ka] zgjedhur”? (3 Nefi 12:1.)

• Si të ka bekuar Perëndia ty ose të tjerë që i njeh ngaqë ua ke vënë veshin fjalëve të profetëve dhe apostujve?

Kërkimi i bekimeve

Lexo tek 3 Nefi 12:3–12 përsëri, këtë herë duke kërkuar se cilat gjendje Shpëtimtari i lidhi me secilin bekim. Merre parasysh t’i shenjosh këto gjendje ndryshe nga mënyra si i shenjove bekimet, të tillë si duke përdorur ngjyra të ndryshme ose duke i rrethuar në vend që t’i theksosh me ngjyrë.

Zgjidh një nga bekimet nga këto vargje që do të të pëlqente të merrje. Vëre re veprimin ose gjendjen që çon në atë bekim. Studioje atë veprim ose gjendje duke përdorur burimet në dispozicion, të tilla si Udhëzuesi për Shkrimet e Shenjta, programin Gospel Library [Biblioteka e Ungjillit] ose poshtëshënimet.

Mund të përdorësh tabelën e Lumturive që gjendet në pjesën “Fakultative: Dëshiron të Mësosh më Shumë?” të këtij mësimi.

• Çfarë mësove rreth asaj që kërkohet prej atyre që dëshirojnë bekimin që studiove?

• Si e ka dëftuar Shpëtimtari atë veprim ose gjendje? Si mund të të ndihmojë shembulli i Tij që ta kuptosh më mirë se si mund ta kërkosh atë bekim?

Mbaj mend se, për shkak se Ati Qiellor na do, Ai do të na bekojë në përputhje me kohën e Tij dhe mënyrën e Tij. (Shih te Doktrina e Besëlidhje 88:64.)

2. Plotësoje veprimtarinë vijuese:

Tani që e ke përcaktuar një bekim që dëshiron dhe studiove mënyrën se si ta ftosh në jetën tënde, bëj një plan për mënyrën se si mund ta kërkosh atë bekim. Pyetjet vijuese mund të jenë të dobishme:

• Çfarë gjërash specifike mund të përpiqesh të bësh për ta kërkuar atë bekim?

• Kur planifikon të fillosh?

• Çfarë pengesash mund të të dalin dhe si do t’i kapërcesh ato?

Fakultative: Dëshiron të Mësosh më Shumë?

Pse bekimet e Perëndisë nuk vijnë gjithmonë në mënyrën që i presim?

Presidenti Dallin H. Ouks, i Presidencës së Parë, dha mësim:

“Besim do të thotë të kesh mirëbesim – mirëbesim në vullnetin e Perëndisë, të kesh besim në mënyrën se si Ai i bën gjërat dhe të besosh në kohën e zgjedhur prej Tij. …

Me të vërtetë, ne nuk mund të kemi besim të vërtetë tek Zoti pa pasur edhe një besim të plotë në vullnetin e Zotit dhe në kohën që Ai zgjedh.” (Dallin H. Ouks, “Koha e Duhur”, Ensign ose Liahona, tetor 2003, f. 12)

Çfarë mund të më ndihmojë që t’i kuptoj më mirë Lumturitë?

Lumturitë

Referenca	Cilësia
Referenca 3 Nefi 12:3	Cilësia Skamësit në shpirt. Të jemi të përulur ose “të prano[jmë] me mirënjohje varësinë [tonë] nga Zoti – të kupto[jmë] se ke[mi] nevojë të vazhdueshme për përkrahjen e Tij. Përulësia është një mënyrë pranimi që talentet dhe zotësitë [tona] janë dhurata nga Perëndia” (Të Vërtetë Ndaj Besimit: Një Referim për Ungjillin [2005], f. 121).
Referenca 3 Nefi 12:4	Cilësia Vajtojmë. Të ndiejmë dhe shprehim pikëllim për diçka. Një person mund të vajtojë për sprovat e vdekshmërisë që përjeton vetë dhe të tjerët. Një person mund të vajtojë edhe për shkak të pikëllimit nga mëkati.
Referenca 3 Nefi 12:5	Cilësia Zemërbutë. Të “k[emi] frikë Perëndinë, [të jemi të] drejtë, [të] përulur, [të mësueshëm] dhe [të] duru[eshëm] në[n] vuajtje” (Udhëzuesi për Shkrimet e Shenjta, “Zemërbutë, Zemërbutësi”, scriptures.ChurchofJesusChrist.org).
Referenca 3 Nefi 12:6	Cilësia Të uritur dhe të etur për drejtësi. Të kemi një dëshirë të madhe për ta ditur dhe bërë vullnetin e Perëndisë.
Referenca 3 Nefi 12:7	Cilësia Të mëshirshëm. Të jemi “[të] dhembshur, [të] respektue[shëm], falës, [të butë] dhe [të] duruar edhe kur jemi [të] vetëdijshëm për [mangësitë] e të tjerëve” (Të Vërtetë Ndaj Besimit, f. 98).
Referenca 3 Nefi 12:8	Cilësia Të kulluar në zemër. Për t’u numëruar mes atyre që “e duan Zotin, që përpiqen ta ndjekin Atë dhe t’i zbatojnë urdhërimet e Tij, që po përpiqen fort të bëjnë jetë të virtytshme dhe të durojnë me besnikëri deri në fund. Të kulluarit në zemër janë ata që i kontrollojnë mendimet e tyre për ta mbajtur veten të lirë nga fantazitë dhe veprimet e pamoralshme” (Sheldon F. Child, “Words of Jesus: Chastity”, Liahona, janar 2003, f. 44).
Referenca 3 Nefi 12:9	Cilësia Paqebërës “Për të ndihmuar njerëzit që të dallojnë të përbashkëtën kur të tjerë shikojnë mospajtime” (Henri B. Ajring, “Të Mësosh në Priftëri”, Liahona, maj 2011, f. 63).
Referenca 3 Nefi 12:10–12	Cilësia Të përndjekur për hir të emrit të Krishtit. Të jemi të gatshëm të bindemi dhe ta mbrojmë Jezu Krishtin dhe mësimet e Tij, edhe kur mund të na tallin apo keqtrajtojnë kur e bëjmë këtë.