Мормоны Номын семинарын суралцагчийн гарын авлага (2024)

Агуулга
Нүүр хуудас
Мормоны Номын семинарын суралцагчийн гарын авлага-ын оршил
Мормоны Ном—Оршил материал
Мормоны Номын удиртгал хэсгүүд
1 Нифай 1–5
1 Нифай 6–10
1 Нифай 11–15
1 Нифай 16–22
2 Нифай 1–2
2 Нифай 3–5
2 Нифай 6–10
2 Нифай 11–19
2 Нифай 20–25
2 Нифай 26–30
2 Нифай 31–33
Иаков 1–4
Иаков 5–7
Инос–Мормоны үгс
Moзая 1–3
Moзая 4–6
Moзая 7–10
Moзая 11–17
Moзая 18–24
Moзая 25–28
Мозая 29–Алма 4
Алма 5–7
Алма 8–12
Алма 13–16
Алма 17–22
Алма 23–29
Алма 30–31
Алма 32–35
Алма 36–38
Алма 39–42
Алма 43–52
Алма 53–63
Хиламан 1–6
Хиламан 7–12
Хиламан 13–16
3 Нифай 1–7
3 Нифай 8–11
3 Нифай 12–16
3 Нифай 17–19
3 Нифай 20–26
3 Нифай 27–4 Нифай 1
Moрмон 1–6
Moрмон 7–9
Ифер 1–5
Ифер 6–11
Ифер 12–15
Moронай 1–6
Moронай 7–9
Моронай 10

3 Нифай 12:1–16: “Та нар адислагдах болно”

“3 Нифай 12:1-16: ‘Та нар адислагдах болно,’” Мормоны Номын багшийн гарын авлага (2024)

“3 Нифай 12:1-16,” Мормоны Номын багшийн гарын авлага

3 Нифай 12:1-16

“Та нар адислагдах болно”

Тэнгэрлэг Эцэг, Есүс Христ хоёр биднийг адислахыг хүсдэг. Бид тэдний зөвлөгөөг дагаснаар тэдний цаг хугацааны дагуу, тэдний замаар адислалуудыг хүлээн авах болно гэдэгт итгэлтэй байж болно. Есүс нифайчуудад зааж байхдаа бидний хүлээн авч болох олон адислалыг тунхагласан. Энэ хичээл таныг Аврагчийн зөвлөгөөг дагахыг хичээх үед түүний хэлсэн адислалуудыг хүлээн авахад бэлтгэхэд тусална.

Адислагдсан

Дэлхийн сэтгүүлд гарсан “Оны хамгийн азтай таван хүн” гэсэн гарчигтай нийтлэлийг төсөөл.

Хүмүүсийг сонгох шалгуурын хувьд та нийтлэлийг ямар ямар тодорхой адислалыг онцлоосой гэж хүсэж байна вэ?

Одоо Лиахона сэтгүүлийн нийтлэлийг ижил нэртэй байна гэж төсөөл.

Нийтлэлд хэн нэгэнд тохиолдож болох хамгийн агуу ямар адислалын талаар ярихыг та хүлээж байна вэ?
Аврагч болон Түүний Сүм яагаад дэлхийн олон хүний эрэлхийлдэг янз бүрийн адислалаас өөр зүйл дээр хамгийн их үнэ цэнийг өгдөг байхыг бидэнд заадаг гэж та нар бодож байна вэ?

3 Нифай 12–14-д Есүс Христ нифайчуудад Шинэ Гэрээний уулан дээрх номлолтой тун төстэй номлолыг заасан. Ерөнхийлөгч Жозэф Фийлдинг Смит (1876–1972) Уулан дээрх номлолыг “өдийг хүртэл бидний мэдэх, номлогдсон хамгийн агуу [номлол]” (Teachings of Presidents of the Church: Joseph Fielding Smith [2013], 234) хэмээн хэлжээ.

Өнөөдөр та Аврагчийн номлолын Ерөөл гэж нэрлэгддэг хэсгийг судалж байхдаа Тэнгэрлэг Эцэг, Есүс Христ хоёр таныг адислахыг хүсдэг арга замуудыг сурах боломжтой болно. Ерөнхийлөгч Харолд Б.Лий (1899–1973) Аврагчийн ерөөлийг “төгс амьдралын үндсэн хууль” хэмээн хэлээд, “Багш Уулан дээрх номлолдоо өөрийн зан чанарын талаар тодорхой хэмжээний илчлэлт өгсөн. Энэ нь төгс байсан, … ийн үйлдсэнээрээ бидэнд өөрсдийн амьдралын загвар төлөвлөгөөг өгсөн” (Decisions for Successful Living [1973], 56–57) хэмээн тайлбарлажээ. Судалж байхдаа Христийн энэ номлолд санал болгодог адислалууд нь яагаад дэлхийн санал болгож буй ерөөлүүдээс хамаагүй илүү үнэ цэнэтэй байдгийг тунгаан бод.

Америк тивд өгсөн ерөөлүүд

3 Нифай 12:1–12-ыг уншаад, Аврагчийн эдгээр шүлэгт тодорхойлсон “адисласан гэсэн үгийг болон адислалуудыг тэмдэглэж ав. Эдгээр шүлэг дэх “адислагдсан” гэсэн үг нь туйлын азтай эсвэл бурханы таалалд нийцсэн гэсэн утгатай болохыг анхаарна уу.

Эдгээр шүлэгт Аврагчийн тодорхойлсон бүх адислалыг бодож үзвэл энэ нь Түүний болон Түүний Эцэгийн талаар танд юу хэлж байна вэ?

Энэ хэсгээс бидний сурч авах нэгэн үнэн бол Тэнгэрлэг Эцэг, Есүс хоёр биднийг Тэдний зөвлөгөөг дагахыг хичээх үед адислахдаа баяртай байдаг.

3 Нифай 12:1–2-ыг уншаад, бид Түүний болон Түүний Эцэгийн бидэнд санал болгодог адислалуудыг эрэлхийлбэл Аврагч биднээс юу хийгээсэй гэж хүсдэгийг тэмдэглэ.

Зураг

дүрс, тэмдэглэх

 Дараах асуултуудад хариул.

Бурхан яагаад “[Түүний] сонгосон арван хоёрын үгийг сонсдог” хүнийг адисалдаг гэж бодож байна вэ? (3 Нифай 12:1).
Бошиглогч, төлөөлөгчдийн үгийг сонссоны тань төлөө Бурхан таныг эсвэл таны мэддэг хүмүүсийг хэрхэн адисалсан бэ?

Адислалыг эрэлхийлэх

3 Нифай 12:3–12-ыг дахин уншаад, энэ удаа Аврагчийн ямар нөхцөл нь ямар адислалтай холбогдож байгааг олж мэд. Адислалуудыг хэрхэн тэмдэглэснээсээ өөрөөр эдгээр нөхцөлийг тэмдэглэ. Жишээлбэл, тодруулахын оронд дугуйл эсвэл өөр өөр өнгө ашигла.

Эдгээр шүлгээс олж авахыг хүсэж буй нэг адислалыг сонго. Тэрхүү адислалд хүргэх үйлдлийг эсвэл нөхцөл байдлыг анхаарч үз. Судруудын удирдамж, Сайн мэдээний номын сангийн аппликэйшн эсвэл зүүлт тайлбар зэрэг эх сурвалжуудыг ашиглан, эдгээр үйлдэл, нөхцөл байдлыг судал.

Та мөн энэ хичээлийн “Нэмэлт: Илүү дэлгэрэнгүй мэдээлэл авахыг хүсэж байна уу?” хэсэгт байрлах Ерөөлүүдийн хүснэгт-ийг ашиглаж болно.

Таны судалсан, адислалыг хүсдэг хүмүүсээс юу шаардагдах талаар та юу мэдэж авсан бэ?
Аврагч уг үйлдэл, нөхцөл байдлыг хэрхэн харуулсан бэ? Тэр адислалыг хэрхэн эрэлхийлж болохыг ойлгоход Түүний жишээ танд хэрхэн тусалж чадах вэ?

Тэнгэрлэг Эцэг биднийг хайрладаг учраас Тэр биднийг өөрийн цаг хугацаанд Өөрийн замаар адислах болно гэдгийг санаарай. (Сургаал ба Гэрээ 88:64-ийг үзнэ үү.)

Дараах үйл ажиллагааг хийж гүйцэтгэ.

Одоо та хүсэж буй адислалаа тодорхойлж, үүнийг амьдралдаа хэрхэн урьж авчрахыг судалсан тул тэрхүү адислалыг хэрхэн эрэлхийлэх талаар төлөвлөгөө гарга. Дараах асуултууд тустай байж болох юм:

Та тэрхүү адислалыг эрэлхийлэхийн тулд тодорхой юу хийж чадах вэ?
Та хэзээ эхлэхээр төлөвлөж байна вэ?
Замд ямар саад бэрхшээл тулгарч болох вэ? Та тэдгээрийг хэрхэн даван туулах вэ?

Нэмэлт: Илүү дэлгэрэнгүй мэдээлэл авахыг хүсэж байна уу?

Яагаад Бурханы адислал үргэлж бидний хүссэнээр ирдэггүй вэ?

Тэргүүн зөвлөлийн ерөнхийлөгч Даллин Х.Өүкс ийн заасан.

Зураг
Ерөнхийлөгч Даллин Х.Өүкс

Итгэл гэдэг бол Бурханы таалалд найдах, аливаа зүйлийг гүйцэтгэх Түүний арга зам, цаг хугацаанд итгэж найдах гэсэн үг юм.

Үнэхээр бид Их Эзэний хүсэл, Их Эзэний цаг хугацаанд бүрэн найдахгүйгээр Их Эзэнд жинхэнэ итгэлтэй байж чадахгүй. (Dallin H. Oaks, “Timing,” Ensign, Oct. 2003, 12)

Ерөөлийг илүү сайн ойлгоход надад юу тусалж болох вэ?

Ерөөл

Эшлэл	Зан чанар
Эшлэл 3 Нифай 12:3	Зан чанар Сүнсэндээ ядуу. Даруу байх гэдэг нь “Их Эзэнээс хамааралтай гэдгээ талархан хүлээн зөвшөөрч, Түүний дэмжлэг туслалцаа байнга хэрэгтэй болохыг ойлгох явдал юм. Даруу байдал гэдэг нь [хэн нэгний] авьяас билэг хийгээд ур чадварыг Бурханаас ирсэн бэлэг гэж ойлгож ухаарах явдал юм” (Итгэлдээ үнэнч байх нь: Судрын заалт [2004], 83).
Эшлэл 3 Нифай 12:4	Зан чанар Гашуудах. Ямар нэг зүйлийн талаар зовж шаналж, үүнийгээ илэрхийлэхийг хэлнэ. Хүн өөрт нь болон бусдад тулгарсан мөнх бус амьдралын сорилтод гашуудаж болно. Хүн мөн нүглийн шаналлаас болж гашуудаж болно.
Эшлэл 3 Нифай 12:5	Зан чанар Номхон дөлгөөн. “Бурханаас сүрдэн эмээдэг, зөв шударга, даруу төлөв, үг сонсдог, зовлон бэрхшээлтэй тулгарахад тэвчээртэй” байх (Судруудын удирдамж, “Номхон дөлгөөн, номхон дөлгөөн байдал,” scriptures.ChurchofJesusChrist.org).
Эшлэл 3 Нифай 12:6	Зан чанар Зөв шударгын төлөө өлсөж, цангах. Бурханы тааллыг таньж мэдэн, үүний дагуу үйлдэх агуу хүсэлтэй байх.
Эшлэл 3 Нифай 12:7	Зан чанар Өршөөнгүй. “Бусдын дутагдлыг мэдэж байсан ч энэрэнгүй, хүндэтгэлтэй, уучлахад бэлэн, зөөлөн бөгөөд тэвчээртэй” байх (Итгэлдээ үнэнч байх нь, 103).
Эшлэл 3 Нифай 12:8	Зан чанар Зүрхэндээ цэвэр ариун. “Их Эзэнийг хайрладаг, Түүнийг дагаж, зарлигуудыг нь сахихыг эрэлхийлдэг, журамт амьдралаар амьдрахыг хичээн, эцсээ хүртэл үнэнч хэвээр үлддэг хүмүүсийн нэг байхыг хэлнэ. Зүрхэндээ цэвэр ариун хүмүүс нь ёс суртахуунгүй хүсэл, үйлдлээс өөрсдийгөө хол байлгахын тулд бодол санаагаа хянадаг хүмүүс юм” (Sheldon F. Child, “Words of Jesus: Chastity,” Ensign эсвэл Liahona, Jan. 2003, 44).
Эшлэл 3 Нифай 12:9	Зан чанар Амар тайвныг тогтоогч. “Хүмүүс ялгаатай талыг нь олж хараад байдаг бол нийтлэг зүйлийг нь олоход тэдэнд туслах” (Хэнри Б.Айринг, “Санваарт суралцах нь,” 2011 оны 4-р сарын Ерөнхий чуулган).
Эшлэл 3 Нифай 12:10-12	Зан чанар Христийн нэрийн төлөө хавчигдах Үүнийхээ төлөө доромжлуулж, доог тохуу болсон ч Есүс Христийг болон Түүний сургаалыг дагаж, хамгаалах хүсэлтэй байх.