« អេធើរ ១២:២៣–២៧ ៖ « ‹ លំដាប់នោះ យើងនឹងធ្វើឲ្យអ្វីដែលទន់ខ្សោយក្លាយទៅជាខ្លាំងពូកែវិញចំពោះពួកគេវិញ › » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
« អេធើរ ១២:២៣–២៧ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន
អេធើរ ១២:២៣–២៧
« លំដាប់នោះ យើងនឹងធ្វើឲ្យអ្វីដែលទន់ខ្សោយក្លាយទៅជាខ្លាំងពូកែវិញចំពោះពួកគេវិញ »
នៅពេលដែលមរ៉ូណៃបានបន្តធ្វើការសង្ខេបគម្ពីរអេធើរ លោកមានការបារម្ភថា ពួកសាសន៍ដទៃនឹងមើលងាយដល់កិច្ចការរបស់លោក ដោយសារលោកមិនពូកែខាងការសរសេរ ។ ព្រះអម្ចាស់បានឆ្លើយតបថា នៅពេលដែលយើងចូលមករកទ្រង់ដោយការបន្ទាបខ្លួន និងមានសេចក្តីជំនឿ នោះទ្រង់អាចធ្វើឲ្យអ្វីដែលទន់ខ្សោយក្លាយទៅជាភាពខ្លាំងពូកែចំពោះយើងវិញ ( សូមមើល អេធើរ ១២:២៧ ) ។ មេរៀននេះមានគោលបំណងជួយអ្នកឲ្យចូលមករកព្រះយេស៊ូវគ្រីស្ទដើម្បីយកឈ្នះលើភាពទន់ខ្សោយតាមរយៈព្រះគុណរបស់ទ្រង់ ។
ភាពទន់ខ្សោយ និងភាពខ្លាំង
-
តើមានរឿងអ្វីខ្លះដែលលើសពីកម្លាំងកាយរបស់អ្នកក្នុងការធ្វើវានៅពេលឥឡូវនេះ ? តើអ្នកត្រូវធ្វើអ្វីខ្លះ ដើម្បីឲ្យមានកម្លាំងគ្រប់គ្រាន់ ដើម្បីសម្រេចបានកិច្ចការនោះ ?
នៅក្នុងជីវិតរមែងស្លាប់នេះ យើងទាំងអស់គ្នាប្រឈមមុខនឹងភាពទន់ខ្សោយ ។ ពេលខ្លះ ការណ៍នេះអាចនាំឲ្យមានការបាក់ទឹកចិត្ត ។ នៅក្នុងមេរៀននេះ អ្នកនឹងរៀនអំពីគំរូមួយ ដែលព្រះអម្ចាស់បានបង្រៀនដល់មរ៉ូណៃ ដែលអាចប្រែក្លាយភាពទន់ខ្សោយឲ្យទៅជាភាពខ្លាំងវិញបាន ។
ការព្រួយបារម្ភរបស់មរ៉ូណៃ
មរ៉ូណៃទទួលបានភារកិច្ចក្នុងការសង្ខេបដំណើររឿងរបស់ពួកសាសន៍យ៉ារេឌ ហើយលោកបានដឹងថា ដំណើររឿងនេះនឹងមានមនុស្សជាច្រើនអាននាពេលអនាគត ។ នៅពេលដែលលោកបានបញ្ចប់កិច្ចការសង្ខេបរបស់លោករួចហើយ លោកបានកត់ត្រាគំនិតចុងក្រោយរបស់លោកមួយចំនួន ហើយបានដាក់បញ្ចូលនូវបញ្ហាព្រួយបារម្ភ និងក្តីកង្វល់ផ្ទាល់ខ្លួនរបស់លោកអំពីអ្វីដែលព្រះបានសុំឲ្យលោកធ្វើ ។
សូមអាន អេធើរ ១២:២៣–២៥ ដោយរកមើលអ្វីដែលមរ៉ូណៃមានការបញ្ហាព្រួយបារម្ភ ។
-
តើមរ៉ូណៃមានបញ្ហាព្រួយបារម្ភជាពិសេសអំពីអ្វីខ្លះ ?
ការឆ្លើយតបរបស់ព្រះអម្ចាស់ទៅកាន់មរ៉ូណៃ
សូមអាន អេធើរ ១២:២៦–២៧ ដោយរកមើលពីរបៀបដែលព្រះអម្ចាស់ឆ្លើយតបចំពោះបញ្ហាព្រួយបារម្ភរបស់មរ៉ូណៃ ។
អេធើរ ១២:២៧ គឺជាវគ្គបទគម្ពីរចំណេះចំណានខាងគោលលទ្ធិ ។ សូមពិចារណាគូសចំណាំវគ្គបទគម្ពីរចំណេះចំណានខាងគោលលទ្ធិតាមវិធីដែលងាយសម្គាល់ ដើម្បីអ្នកអាចរកឃើញវាដោយងាយស្រួល ។ អ្នកនឹងមានឱកាសនៅក្នុងមេរៀនបន្ទាប់ដើម្បីអនុវត្តតាមគោលលទ្ធិដែលបានបង្រៀននៅក្នុងវគ្គបទគម្ពីរនេះ ទៅនឹងសំណួរ ឬស្ថានភាពមួយ ។
សូមពុះសន្លឹកក្រដាសទទេមួយសន្លឹក ឬមួយទំព័រនៅក្នុងសៀវភៅកំណត់ហេតុការសិក្សារបស់អ្នកទៅជាបួនការ៉េ ហើយសរសេរឃ្លាអក្សរដិតទីមួយខាងក្រោមនៅក្នុងប្រអប់បួនជ្រុងមួយក្នុងចំណោមប្រអប់បួនជ្រុងទាំងអស់ ។ បន្ទាប់មក សូមសរសេរឃ្លាអក្សរដិតទីពីរនៅក្នុងប្រអប់បួនជ្រុងផ្សេងគ្នា ។ សូមបន្តធ្វើបែបនេះរហូតដល់អ្នកបានបញ្ចូលឃ្លាអក្សរដិតទាំងអស់ ។ សូមសរសេរកំណត់ចំណាំនៅក្នុងប្រអប់បួនជ្រុងទាំងនេះ ដែលជួយអ្នកឲ្យយល់ពីអត្ថន័យនៃឃ្លាទាំងនេះ ។
« ហើយបើសិនជាមនុស្សលោកមករកយើង នោះយើងនឹងបង្ហាញដល់ពួកគេនូវភាពទន់ខ្សោយរបស់ពួកគេ »
-
តើអ្នកគិតថា ការមកឯព្រះគ្រីស្ទមានន័យដូចម្ដេច ?
សូមកត់ចំណាំថា ព្រះអម្ចាស់មានព្រះបន្ទូលថា ទ្រង់នឹងបង្ហាញភាពទន់ខ្សោយរបស់យើងមកដល់ពួកយើង ប្រសិនបើយើងចូលមករកទ្រង់ ។
-
ហេតុអ្វីបានជាការធ្វើបែបនេះ គឺជាពរជ័យសម្រាប់ពួកយើង ?
ពាក្យ ភាពទន់ខ្សោយ នៅក្នុងឃ្លានេះសំដៅទៅលើស្ថានភាពធ្លាក់ចុះរបស់យើង ដែលរួមមាន « អ្វីដែលទន់ខ្សោយ » ផ្ទាល់ខ្លួន និងភាពអសមត្ថភាពរបស់យើង ក្នុងការធ្វើឲ្យបានល្អឥតខ្ចោះផងដែរ ។
-
តើអ្នករៀនបានអ្វីខ្លះពី អេធើរ ១២:២៧ អំពីមូលហេតុដែលព្រះអង្គសង្គ្រោះចង់ឲ្យអ្នកទទួលស្គាល់ភាពទន់ខ្សោយរបស់អ្នក ?
សូមជញ្ជឹងគិតពីបទពិសោធន៍នាពេលថ្មីៗនេះ ថាតើព្រះបានបង្ហាញអ្នកពីភាពទន់ខ្សោយរបស់អ្នកឬអត់ ។ ឬសូមពិចារណាអធិស្ឋានដោយស្ងៀមស្ងាត់ ដើម្បីសូមជំនួយពីទ្រង់ឲ្យអ្នកយកឈ្នះលើអ្វីដែលខ្សោយក្នុងជីវិតរបស់អ្នក ។
« យើងឲ្យភាពទន់ខ្សោយទៅមនុស្ស ដើម្បីឲ្យពួកគេអាចបានរាបសា »
សូមអានឧទាហរណ៍មួយចំនួនអំពីបុគ្គលនៅក្នុងព្រះគម្ពីរ ដែលបានទទួលស្គាល់ពីភាពទន់ខ្សោយរបស់ពួកគេ ៖
-
អេធើរ ៣:២ ៖ បងប្រុសរបស់យ៉ារេឌ
-
ម៉ូសាយ ៤:២ ៖ ប្រជាជនរបស់ស្ដេចបេនយ៉ាមីន
-
តើការទទួលស្គាល់ភាពទន់ខ្សោយរបស់ពួកគេបានជួយបុគ្គលទាំងនេះនៅក្នុងដំណើររឿងទាំងនេះដោយរបៀបណា ?
-
ហេតុអ្វីបានជាអ្នកគិតថា ព្រះអម្ចាស់ចង់ឲ្យយើងមានចិត្តរាបទាប ?
« ហើយគុណរបស់យើងមានគ្រប់គ្រាន់សម្រាប់មនុស្សទាំងអស់ ដែលបន្ទាបខ្លួននៅចំពោះយើង »
-
តើអ្នកគិតថា វាមានន័យដូចម្តេចដែលថា ព្រះគុណរបស់ព្រះអង្គសង្គ្រោះមានគ្រប់គ្រាន់សម្រាប់អស់អ្នកដែលបន្ទាបខ្លួននៅចំពោះទ្រង់ ?
អែលឌើរ ខេវីន អេស ហាមីលថុន ក្នុងពួកចិតសិបនាក់បានពន្យល់ ៖
ព្រះគុណដែលពង្រឹង និងផ្តល់អំណាច [ របស់ព្រះយេស៊ូវគ្រីស្ទ ] ប្រទានអំណាចដល់យើងឲ្យយកឈ្នះលើឧបសគ្គ ទាំងអស់ ការលំបាក ទាំងអស់ និងភាពទន់ខ្សោយ ទាំងអស់ នៅពេលយើងព្យាយាមផ្លាស់ប្តូរ ។
ព្រះអង្គសង្គ្រោះបានរៀបចំដង្វាយធួនដ៏និរន្តរ និងអស់កល្បជានិច្ចរបស់ទ្រង់ ដើម្បីឲ្យយើងពិតជាអាចផ្លាស់ប្តូរ ប្រែចិត្ត និងប្រែកាន់តែប្រសើរឡើង ។ យើងពិតជាអាចកើតជាថ្មីម្តងទៀតបាន ។ យើងអាចយកឈ្នះលើទម្លាប់ ការញៀន និងសូម្បីតែ « បំណងប្រព្រឹត្តអំពើទុច្ចរិត » [ ម៉ូសាយ ៥:២ ] បាន ។ ( ខេវីន អេស ហាមីលថុន « លំដាប់នោះ យើងនឹងធ្វើឲ្យអ្វីដែលទន់ខ្សោយក្លាយទៅជាខ្លាំងពូកែវិញ » លីអាហូណា ខែ ឧសភា ឆ្នាំ ២០២២ ទំព័រ ៥១–៥២ )
សូមកត់សម្គាល់ពីរបៀបដែលប្រជាជនស្តេចបេនយ៉ាមីនបានទទួលបទពិសោធន៍ជាមួយព្រះគុណរបស់ព្រះអម្ចាស់នៅក្នុង ម៉ូសាយ ៤:៣ ។
-
តើមានអ្នកណាផ្សេងទៀតនៅក្នុងព្រះគម្ពីរបានបង្ហាញថា ព្រះគុណរបស់ព្រះអង្គសង្គ្រោះមានគ្រប់គ្រាន់ដើម្បីជួយយើងឲ្យយកឈ្នះលើភាពទន់ខ្សោយរបស់យើង ?
« ដ្បិតបើសិនជាពួកគេបន្ទាបខ្លួននៅចំពោះយើង ហើយមានសេចក្ដីជំនឿជឿដល់យើង លំដាប់នោះ យើងនឹងធ្វើឲ្យអ្វីដែលទន់ខ្សោយក្លាយទៅជាខ្លាំងពូកែវិញចំពោះពួកគេវិញ »
អែលឌើរ ហាមីលតុន បានចង្អុលបង្ហាញថា « ភាពទន់ខ្សោយ » នៅក្នុងខគម្ពីរនេះអាចសំដៅទៅលើអាកប្បកិរិយារបស់យើងដែលមានភាពទន់ខ្សោយ ។
នៅពេលយើងផ្លាស់ប្តូរស្ថានភាពធ្លាក់ និងភាពទន់ខ្សោយរបស់យើងជាមុនសិន នោះយើងនឹងអាចផ្លាស់ប្តូរអាកប្បកិរិយារបស់យើង និងភាពទន់ខ្សោយរបស់យើងបានផងដែរ ។ ( ខេវីន អេស ហាមីលថុន « លំដាប់នោះ យើងនឹងធ្វើឲ្យអ្វីដែលទន់ខ្សោយក្លាយទៅជាខ្លាំងពូកែវិញ » លីអាហូណា ខែ ឧសភា ឆ្នាំ ២០២២ ទំព័រ ៥១ )
-
សូមធ្វើសកម្មភាពមួយដូចខាងក្រោមនេះ ៖
-
សូមសរសេរកត់ត្រាអ្វីដែលអ្នកបានរៀនសូត្រ និងចង់ចងចាំពីមេរៀននេះជាកថាខណ្ឌមួយដែលមានយ៉ាងហោចណាស់បីប្រយោគ ។
-
សូមពិពណ៌នាអំពីរបៀបដែលអ្នកនឹងអនុវត្តអ្វីដែលអ្នកបានរៀនសូត្រនៅថ្ងៃនេះទៅជាកថាខណ្ឌមួយដែលមានយ៉ាងហោចណាស់បីប្រយោគ ។
-