« ចំណេះចំណានខាងគោលលទ្ធិ ៖ មរ៉ូណៃ ១០:៤–៥ —‹ ដោយព្រះចេស្ដានៃព្រះវិញ្ញាណបរិសុទ្ធ នោះអ្នករាល់គ្នាអាចស្គាល់សេចក្ដីពិតនៃគ្រប់ការណ៍ទាំងអស់ ›’ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
« ចំណេះចំណានខាងគោលលទ្ធិ ៖ មរ៉ូណៃ ១០:៤–៥ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន
ចំណេះចំណានខាងគោលលទ្ធិ ៖ មរ៉ូណៃ ១០:៤–៥
« ដោយព្រះចេស្ដានៃព្រះវិញ្ញាណបរិសុទ្ធ នោះអ្នករាល់គ្នាអាចស្គាល់សេចក្ដីពិតនៃគ្រប់ការណ៍ទាំងអស់ » ។
នៅក្នុងការសិក្សារបស់អ្នកអំពី មរ៉ូណៃ ១០:១–៧ អ្នកបានសិក្សាមកហើយថា ប្រសិនបើយើងទូលសួរព្រះដោយចិត្តស្មោះសរ ដោយស្មោះអស់ពីចិត្ត ដោយមានសេចក្ដីជំនឿលើព្រះគ្រីស្ទ នោះយើងអាចដឹងថា ព្រះគម្ពីរមរមន គឺជាសេចក្តីពិតតាមរយៈព្រះចេស្ដានៃព្រះវិញ្ញាណបរិសុទ្ធ ។ មេរៀននេះអាចជួយអ្នកឲ្យទន្ទេញសេចក្ដីយោងចំណេះចំណានខាងគោលលទ្ធិ និងឃ្លាបទគម្ពីរគន្លឹះសម្រាប់ មរ៉ូណៃ ១០:១–៧ ពន្យល់គោលលទ្ធិ និងអនុវត្តគោលការណ៍នៃការទទួលបានចំណេះដឹងខាងវិញ្ញាណនៅក្នុងស្ថានភាពជីវិតជាក់ស្តែង ។
ទន្ទេញ និងពន្យល់
អនុវត្តការទន្ទេញចាំសេចក្តីយោងចំណេះចំណានខាងគោលលទ្ធិ និងឃ្លាបទគម្ពីរគន្លឹះដោយទន្ទេញចាំផ្នែកខាងក្រោមនីមួយៗរៀងៗខ្លួន ។ បន្ទាប់ពីធ្វើវាហើយ សូមព្យាយាមនិយាយឡើងវិញនូវឃ្លា និងសេចក្តីយោងបទគម្ពីរទាំងមូលចេញពីការចងចាំ ។ អនុវត្តនិយាយឃ្លា និងសេចក្តីយោងនេះឡើងវិញឲ្យបានច្រើនដងពេញមួយថ្ងៃ ។
-
« សូមសួរដោយចិត្តស្មោះសរ
-
ដោយស្មោះអស់ពីចិត្ត ដោយមានសេចក្ដីជំនឿជឿដល់ព្រះគ្រីស្ទ …
-
ហើយដោយព្រះចេស្ដានៃព្រះវិញ្ញាណបរិសុទ្ធ
-
នោះអ្នករាល់គ្នាអាចស្គាល់សេចក្ដីពិតនៃគ្រប់ការណ៍ទាំងអស់ » ។
-
សូមឆ្លើយសំណួរខាងក្រោមនេះ ។
-
តើនរណាម្នាក់អាចធ្វើអ្វីខ្លះបានដើម្បីទទួលបានទីបន្ទាល់ថា ព្រះគម្ពីរមរមន គឺជាសេចក្តីពិត ?
-
ការអនុវត្តជាក់ស្តែង
សូមចំណាយពេលពីរបីនាទីដើម្បីរំឭកអំពីគោលការណ៍នៃការទទួលបានចំណេះដឹងខាងវិញ្ញាណដោយអាន កថាខណ្ឌទី ៥–១២ នៅក្នុងផ្នែក « ការទទួលបានចំណេះដឹងខាងវិញ្ញាណ » នៃ ឯកសារគោលនៃចំណេះចំណានខាងគោលលទ្ធិ ( ឆ្នាំ ២០២៣ ) ។
-
តើគោលការណ៍នៃការទទួលបានចំណេះដឹងខាងវិញ្ញាណមួយណាដែលមានអត្ថន័យបំផុតចំពោះអ្នក ? ហេតុអ្វី ?
សូមស្រមៃគិតពីស្ថានភាពខាងក្រោម ដែលត្រូវបានចុះផ្សាយនៅក្នុងផ្នែក « សំណួរ និងចម្លើយ » នៃទស្សនាវដ្តី ដើម្បីកម្លាំងយុវជន ។ ដើម្បីមើលឧទាហរណ៍មួយ សូមមើល ការចេញផ្សាយថ្មីៗនេះនៅ គេហទំព័រ ChurchofJesusChrist.org°។
-
« ខ្ញុំបានក្លាយជាសមាជិកមួយរូបនៃសាសនាចក្រពេញមួយជីវិតរបស់ខ្ញុំ ។ ខ្ញុំព្យាយាមរក្សាបទបញ្ញត្តិ អានព្រះគម្ពីររបស់ខ្ញុំ អធិស្ឋាន ហើយទៅព្រះវិហារ ។ ខ្ញុំបានឮមនុស្សផ្សេងទៀតចែកចាយពីបទពិសោធន៍របស់ពួកគេអំពីការដឹងថាព្រះគម្ពីរមរមនគឺជាសេចក្តីពិត ។ តើមូលហេតុអ្វីបានជាព្រះមិនបានប្រទានបទពិសោធបែបនេះមកដល់ខ្ញុំ ?
-
សូមឆ្លើយសំណួរខាងក្រោមនេះ ។
-
តើគោលការណ៍នៃការទទួលបានចំណេះដឹងខាងវិញ្ញាណមួយណា ដែលអ្នកនឹងណែនាំបុគ្គលនេះឲ្យគិតមុនគេ ? ហេតុអ្វី ?
-
តើគោលលទ្ធិដែលបានបង្រៀននៅក្នុង មរ៉ូណៃ ១០:៤–៥ អាចជួយដល់អ្នកអនុវត្តគោលការណ៍នៃការទទួលបានចំណេះដឹងខាងវិញ្ញាណចំពោះស្ថានភាពនេះបានយ៉ាងដូចម្ដេច ?
-
សំណួរខាងក្រោមអាចជួយអ្នកគិតអំពីរបៀបដែលគោលការណ៍នៃការទទួលបានចំណេះដឹងខាងវិញ្ញាណអាចជួយនរណាម្នាក់ក្នុងស្ថានភាពនេះ ។
ស្វែងរកការយល់ដឹងបន្ថែមតាមរយៈប្រភពដែលបានតែងតាំងដ៏ទេវភាព
-
តើពាក្យ ឬឃ្លាមួយណានៅក្នុង មរ៉ូណៃ ១០:៤–៥ ដែលអ្នកនឹងលើកទឹកចិត្តដល់បុគ្គលម្នាក់នេះឲ្យសិក្សា និងយល់កាន់តែច្បាស់ថែមទៀត ? ហេតុអ្វី ?
-
តើមានប្រភពណាខ្លះដែលទទួលបានការចាត់តាំងពីព្រះ ដែលអាចជួយដល់បុគ្គលរូបនេះឲ្យទទួលបានសាក្សីផ្ទាល់ខ្លួនអំពីសេចក្តីពិតនៃព្រះគម្ពីរមរមន ?
ធ្វើសកម្មភាពដោយសេចក្ដីជំនឿ
-
តើវាមានលក្ខណៈដូចម្ដេចក្នុងការអនុវត្តទៅលើការអញ្ជើញមួយចំនួនរបស់មរ៉ូណៃមកពី មរ៉ូណៃ ១០:៤–៥ ក្នុងស្ថានភាពបែបនេះ ? តើទាំងនេះទាក់ទងនឹងការប្រព្រឹត្តដោយសេចក្តីជំនឿយ៉ាងដូចម្តេច ?
ពិនិត្យមើលគោលគំនិត និងសំណួរទាំងឡាយដោយការប្រើទស្សនដ៏អស់កល្បមួយ
-
តើសេចក្ដីពិតអ្វីខ្លះអំពីព្រះ របៀបដែលទ្រង់ប្រាស្រ័យទាក់ទងជាមួយបុត្រាបុត្រីរបស់ទ្រង់ និងទស្សនៈរបស់ទ្រង់អាចជួយនរណាម្នាក់ក្នុងស្ថានភាពនេះ ?
-
សូមឆ្លើយសំណួរខាងក្រោមនេះ ។
-
តើអ្នកអាចប្រើប្រាស់គោលលទ្ធិដែលបានបង្រៀននៅក្នុង មរ៉ូណៃ ១០:៤–៥ ដើម្បីជួយឆ្លើយសំណួរផ្សេងទៀតដែលមិនទាក់ទងនឹងព្រះគម្ពីរមរមនបានដោយរបៀបណា ?
-