Pasiunang mga Pahina sa Basahon ni Mormon

Ang Pagpamatuod ni Joseph Smith sa Basahon ni Mormon

“[Gi]hubad … pinaagi sa Gasa ug Gahom sa Dios”

© 1998 David Lindsley

Giunsa pagtungha sa Basahon ni Mormon? Giunsa kini paghubad ni Joseph Smith gikan sa wala mailhi nga pinulongan ngadto sa Ingles? Kini nga leksiyon makatabang kanimo nga mas makasabot ug makapasabot giunsa pagtungha sa Basahon ni Mormon “pinaagi sa gasa ug gahom sa Dios” (Doktrina ug mga Pakigsaad 135:3).

Pag-ila sa ngalan sa matag estudyante.Ang pag-ila ug pagtawag sa matag estudyante pinaagi sa iyang ngalan makatabang sa estudyante nga mobati sa imong gugma. Paggahin og panahon sa pagkat-on sa ngalan sa mga estudyante. Mahimong aduna kay mga litrato nga may ngalan sa mga estudyante [picture roll] o paghimo og mga kalihokan sa klase nga makatabang nimo ug sa mga estudyante nga makahibalo sa mga ngalan sa usag-usa.

Pagpangandam sa estudyante: Dapita ang mga estudyante nga motambong nga andam mopaambit sa unsay ilang nahibaloan mahitungod sa pagtungha sa Basahon ni Mormon ug unsa ang ilang mga pangutana mahitungod niini.

Posible nga mga Kalihokan sa Pagkat-on

Ang pagtungha sa Basahon ni Mormon

Ipakita ang mosunod nga mga hulagway. Pahinumdomi ang mga estudyante sa ilang pagpangandam alang sa klase ug dapita sila sa paghan-ay sa mga hulagway sa saktong kronolohikal nga pagkasunod-sunod. Ang husto nga pagkasunod-sunod mao ang D, C, B, A, E.

Ipahiangay ang mga kalihokan sa leksiyon base sa ka maayo nga pagkasabot sa mga estudyante niini nga mga panghitabo.

• A.

  

• B.

  

• C.

  

• D.

  

• E.

  

• Unsa kaha sa imong hunahuna ang gibati ni Joseph Smith atol sa matag usa niini nga mga panghitabo? Ngano man?

“Pinaagi sa gasa ug gahom sa Dios”

Paghunahuna og usa ka tawo nga imong nailhan nga mahimong makabenepisyo gikan sa pagkat-on og dugang mahitungod sa pagtungha sa Basahon ni Mormon. Mahimong usa kini ka tawo nga dili miyembro sa Simbahan, o tingali miyembro sa Simbahan nga nanlimbasog sa iyang pagtuo. Ihulagway sa daklit ang iyang mga kahimtang diha sa imong journal sa pagtuon ug ilha nganong ang pagkat-on og dugang mahitungod sa pagtungha sa Basahon ni Mormon makaayo kanila.

Samtang magtuon ka, pangitaa ang ebidensiya sa kamatuoran nga si Joseph Smith mipatunga sa Basahon ni Mormon pinaagi sa gasa ug gahom sa Dios (tan-awa ang ulohan nga pahina sa Basahon ni Mormon ug Doktrina ug mga Pakigsaad 135:3).

Si Joseph Smith misulat sa iyahang kasinatian atol sa pagtungha sa Basahon ni Mormon.

Dapita ang mga estudyante nga mobasa sa “Ang Pagpamatuod ni Propeta Joseph Smith” gikan sa pasiuna nga mga pahina sa Basahon ni Mormon. Usa ka paagi sa pagbuhat niini mao ang pagbahin sa pagbasa ug pagtudlo sa katunga sa klase sa pagbasa sa parapo 1–14, mahitungod sa pagbisita ni Moroni sa gabii. Ang laing katunga mahimong mobasa sa parapo 15–23, mahitungod sa unsa ang gibuhat ni Joseph human sa pagbisita ni Moroni.

Ang laing kapilian mao ang pagminubo sa mga bahin sa asoy ug pagpili og mga parapo nga basahon sa mga estudyante nga labing makatabang kanila. Ang mga estudyante mahimo usab nga mobasa sa Mga Santos: Ang Istorya sa Simbahan ni Jesukristo sa Ulahing mga Adlaw, vol. 1, Ang Sumbanan sa Kamatuoran, 1815–1846 [2018], 20–30.

• Unsa nga mga pamahayag ang imong nakit-an nga nagpakita nga ang Basahon ni Mormon mitunga pinaagi sa gasa ug gahom sa Dios?

• Nganong sa imong hunahuna si Joseph Smith ang napili sa paghubad sa Basahon ni Mormon, kay sa usa ka inila nga eskolar niini nga yugto sa panahon?

• Unsa ang imong nakat-onan mahitungod sa pagtungha sa Basahon ni Mormon nga imong ipaambit ngadto sa tawo nga imong gihunahuna?

Makasaysayanon nga mga detalye

Human nadawat ni Joseph Smith ang mga palid, iyang gihubad ang Basahon ni Mormon pinaagi sa gasa ug gahom sa Dios. “Usahay mohubad si Joseph pinaagi sa pagtan-aw gamit ang mga ighuhubad [ang Urim ug Thummim] ug sa pagbasa sa Iningles sa mga sinulat diha sa mga palid. Kasagaran mas sayon kaniya nga usa lang ka bato sa manalagna ang gamiton. Iyang ibutang ang bato sa manalagna sa iyang kalo, iyang ibutang ang iyang nawong ngadto sa kalo aron masalipdan ang kahayag, ug motan-aw sa bato. Ang kahayag gikan sa bato modan-ag sa kangitngit, mopakita sa mga pulong nga idiktar ni Joseph” (Mga Santos: Ang Istorya sa Simbahan ni Jesukristo sa Ulahing mga Adlaw, vol. 1, Ang Sumbanan sa Kamatuoran, 1815–1846 [2018], 68).

Kon adunay dugang nga mga pangutana ang mga estudyante mahitungod sa bato sa manalagna, mahimo nimong ipakita ang video mahitungod sa bato sa manalagna sa “Komentaryo ug Background nga Impormasyon” nga seksiyon sa ubos.

Basaha ang mosunod nga pamahayag ni Presidente Dallin H. Oaks sa Unang Kapangulohan. Mahimo usab nimong tan-awon ang video nga “Oposisyon sa Tanang mga Butang” diha sa ChurchofJesusChrist.org gikan sa time code 8:18 hangtod 9:24.

Human nakompleto ni Joseph Smith ang paghubad sa Basahon ni Mormon, kinahanglan pa niyang mangita og tigmantala. Dili kadto sayon. Ang kakomplikado niining taas kaayong manuskrito ug ang gasto sa pagprinta ug paghimo sa liboan ka mga kopya sa basahon makalisang. Unang giduol ni Joseph si E. B. Grandin, tag-iya sa Palmyra printer, kinsa mibalibad. Giadto usab niya ang laing printer sa Palmyra, ug gibalibaran usab siya. Mibiyahe siya sa Rochester, 25 milya (40 km) ang gilay-on, ug giadto ang ilado kaayo nga tigmantala sa western New York, kinsa mibalibad usab kaniya. Laing tigmantala sa Rochester ang misugot, apan ang mga kahimtang naghimo niini nga alternatibo nga dili madawat.

Mga semanang milabay, si Joseph tingali naglibog na tungod sa oposisyon sa pagtuman sa balaan nga gisangon kaniya. Wala kadto buhata sa Ginoo nga sayon, apan gihimo niya nga kadto posible. Ikalimang paningkamot ni Joseph, ang ikaduha niyang pagduol sa tigmantala nga taga-Palmyra nga si Grandin, nagmalamposon. (Dallin H. Oaks, “Oposisyon sa Tanang mga Butang,” Liahona, Mayo 2016, 116)

• Sa unsang paagi nga kining mga detalye sa kasaysayan makaimpluwensiya sa imong personal nga mga pagbati mahitungod sa Basahon ni Mormon?

• Unsa ang gitudlo kanimo sa pagtungha sa Basahon ni Mormon mahitungod sa Langitnong Amahan ug ni Jesukristo?

Pagpasabot sa pagtungha sa Basahon ni Mormon

Dapita ang mga estudyante sa pagkonsiderar kon unsay ilang ipaambit sa tawo nga ilang nahunahunaan bag-ohay lang nga makatabang niana nga tawo nga mas makasabot kon sa unsang paagi ang Basahon ni Mormon miabot pinaagi sa gasa ug gahom sa Dios.

Ipahimutang ang mga estudyante nga magpares. Dapita sila nga magpuli-puli ang matag usa sa pagdala sa bahin sa usa ka miyembro sa Simbahan nga mopasabot ug motubag sa mga pangutana ug sa usa ka tawo nga kinahanglang makakat-on pa mahitungod sa pagtungha sa Basahon ni Mormon. Paglakaw-lakaw sa kwarto ug paminawa ang mga pagpasabot aron mahibal-an kon gikinahanglan ang dugang nga pagtuon niini nga hilisgotan.

Human makompleto sa mga estudyante ang ilang mga pagpasabot, ikonsiderar ang pagpaambit og personal nga pagpamatuod sa gahom, gasa, ug gugma sa Dios nga gipakita pinaagi sa pagtungha sa Basahon ni Mormon. Dapita ang mga estudyante nga buot mopaambit usab sa ilang mga pagpamatuod.

Komentaryo ug Background nga Impormasyon

Giunsa ni Joseph Smith paghubad ang Basahon ni Mormon?

Si Elder Ulisses Soares sa Korum sa Napulog Duha ka Apostoles mitudlo:

Ang proseso sa paghubad sa Basahon ni Mormon usa usab ka milagro. Kining sagrado nga karaang rekord wala “gihubad” diha sa tradisyonal nga pamaagi nga ang mga eskolar mohubad sa karaan nga mga teksto pinaagi sa pagkat-on sa karaan nga pinulongan. Kita angay nga molantaw pa sa proseso nga sama og “pagpadayag” uban sa tabang sa pisikal nga kahimanan nga gihatag sa Ginoo, sukwahi ngadto sa “paghubad” pinaagi sa tawo nga adunay kahibalo sa mga pinulongan. Si Joseph Smith namahayag nga pinaagi sa gahom sa Dios siya “[mihubad sa] Basahon ni Mormon gikan sa sinulat sa karaang Ehipto [hieroglyphs], diin ang kahibalo nawala sa kalibotan, diin ang talagsaong hitabo nagbarog [siyang] nag-inusara, usa ka batan-on nga walay kinaadman, sa pagpakig-away sa kaalam sa kalibotan ug gidugangan sa pagkaignorante sa ikanapulog walo nga siglo, uban sa bag-ong pagpadayag.”” Ang tabang sa Ginoo diha sa paghubad sa mga palid—o sa pagpadayag, sa ingon nga pagkasulti—makita usab kon maghunahuna sa milagro sa kamubo sa panahon nga nagamit ni Joseph Smith sa paghubad niini. (Ulisses Soares, “Ang Pagtungha sa Basahon ni Mormon,” Liahona, Mayo 2020, 33)

Giunsa paghubad ang Basahon ni Mormon sa nagkadaiyang pinulongan?

Dugang nga mga Kalihokan sa Pagkat-on

Pisikal nga mga instrumento nga gigamit aron mapakita ang gahom sa Dios

Kon ang mga estudyante makabenepisyo sa pagkakita og dugang nga mga ehemplo sa pisikal nga mga instrumento nga nagpakita sa gahom sa Dios, ikonsiderar ang pagpakita sa mosunod nga mga hulagway ug dapita sila sa pagtuon sa usa o daghan pa sa mosunod nga mga asoy.

Kadtong nagtan-aw sa bitin nga tumbaga nangaayo (tan-awa sa Numeros 21:4–9).

Ang Ginoo naggiya ni Lehi ug sa iyang pamilya gamit ang Liahona (tan-awa sa 1 Nephi 16:9–10, 23–29).

Giayo ni Jesus ang usa ka buta gamit ang lapok ug laway (tan-awa sa John 9:1–7).

Dapita ang mga estudyante sa pagpaambit unsay ilang nakat-onan mahitungod sa Langitnong Amahan ug ni Jesukristo gikan sa paggamit niining pisikal nga mga instrumento. Hisgoti kon sa unsang paagi nga kining mga asoy sa pisikal nga mga butang nga gigamit sa mga milagro susama sa asoy sa paghubad sa Basahon ni Mormon. Ikonsiderar ang pagpaambit kon giunsa niini nga mga ehemplo paglig-on sa imong pagpamatuod sa Langitnong Amahan, ni Jesukristo, ug sa Basahon ni Mormon, ug dapita ang andam nga mga estudyante nga buot usab mopaambit.

Pagtubag sa mga pangutana mahitungod sa pagtungha sa Basahon ni Mormon

Dapita ang mga estudyante sa paghunahuna og mga pangutana nga aduna sila o tingali aduna ang uban mahitungod sa pagtungha sa Basahon ni Mormon. Isulat sa pisara ang ilang mga pangutana ug dapita ang mga estudyante sa pagpangita og mga tubag sa balaanong gitudlo nga mga tinubdan. Ang pipila niini nga mga tinubdan naglakip sa mosunod:

• Giya ngadto sa mga Kasulatan, “Basahon ni Mormon,” “Paghubad,” “Urim ug Thummim,” scriptures.ChurchofJesusChrist.org

• Mga Santos: Ang Istorya sa Simbahan ni Jesukristo sa Ulahing mga Adlaw, vol. 1, Ang Sumbanan sa Kamatuoran, 1815–1846 (2018), kapitulo 4–6.

Makasaysayanong mga dapit sa simbahan