Urim ug Thummim

Mga himan nga giandam sa Dios aron sa pagtabang sa tawo sa pagbaton og pagpadayag ug diha sa paghubad sa mga pinulongan. Diha sa pinulongan nga Hebreohanon ang mga pulong nagpasabut nga “mga kahayag ug mga kahingpitan.” Ang Urim ug Thummim naglakip og duha ka mga bato nga gibutang sa bayanan nga pilak ug gigamit usahay uban sa taming (D&P 17:1; JS—K 1:35, 42, 52). Kini nga yuta mahimo nga usa ka Urim ug Thummim diha sa iyang pagkabalaan ug imortal nga kahimtang (D&P 130:6–9).

Si Joseph Smith nakadawat og mga pagpadayag pinaagi sa Urim ug Thummim, mga ulohan sa, D&P seksyon 6, 11, 14–16.
Ikaw gihatagan og gahum aron sa paghubad pinaagi sa Urim ug Thummim, D&P 10:1.
Ang Tulo Ka mga Saksi gipakita sa Urim ug Thummim, diin gihatag ngadto sa igsoon nga lalaki ni Jared didto sa bukid, D&P 17:1.
Ang dapit diin nagpuyo ang Dios usa ka dako nga Urim ug Thummim. Ang puti nga bato mahimo nga usa ka Urim ug Thummim ngadto sa matag tawo kinsa makadawat og usa, D&P 130:6–11.