Mosiah, Anak nga Lalaki ni Benjamin

Usa ka basahon diha sa Basahon ni Mormon. Mga kapitulo 1–6 naglakip sa gamhanan nga wali ni Hari Benjamin ngadto sa iyang mga katawhan. Ang Espiritu sa Ginoo mitandog sa ilang mga kasingkasing ug ang mga katawhan nakabig ug wala na maghunahuna sa pagbuhat og dautan. Mga kapitulo 7–8 nagsaysay sa usa ka pundok sa mga Nephite kinsa miadto aron mopuyo taliwala sa mga Lamanite. Usa ka pundok sa nangita ang gipadala aron sa pagpangita kanila. Si Ammon, ang pangulo sa pundok nga nangita, nakakaplag kanila ug nasayud sa sugilanon sa ilang mga pagsulay ubos sa mga pangdaug-daug sa mga Lamanite. Mga kapitulo 9–24 naghulagway niana nga pangdaug-daug ug giunsa sa ilang mga pangulo—si Zeniff, Noah, ug si Limhi—pagpuyo ubos sa mga Lamanite. Ang pagkamartir sa usa ka propeta nga gitawag og Abinadi usab natala. Si Alma nakabig diha sa paghusay ni Abinadi. Mga kapitulo 25–28 nagsaysay pagbalik sa mga sugilanon giunsa nga ang mga anak nga lalaki ni Alma ug ang upat ka mga anak nga lalaki ni Hari Mosiah nahimo nga nakabig. Diha sa kapitulo 29 si Hari Mosiah misugyot nga usa ka pamaagi sa mga maghuhukom mopuli sa mga hari. Si Alma ang anak nga lalaki ni Alma mao ang napili nga unang labaw nga maghuhukom.