Gilimbongan, Limbong, Paglimbong Tan-awa usab Pagliput; Pamakak Diha sa mga kasulatan, ang paglimbong mao ang paghimo sa usa ka tawo sa pagtuo sa usa ka butang nga dili tinuod. Siya kinsa wala manumpa sa limbong nga paagi mosaka ngadto sa bungtod sa Ginoo, Sal. 24:4. Luwasa ako gikan sa mga limbongan, Sal. 43:1. Alaot ngadto kanila nga nagtawag sa dautan nga maayo, ug sa maayo nga dautan, Isa. 5:20 (2 Ne. 15:20). Himoa nga walay tawo nga molimbong sa iyang kaugalingon, 1 Cor. 3:18. Himoa nga walay tawo nga molimbong kaninyo uban sa kawang nga mga pulong, Efe. 5:6. Dautan nga mga tawo molimbong ug malimbongan, 2 Tim. 3:13. Si Satanas, kinsa milimbong sa tibuok kalibutan, gisalikway, Pin. 12:9. Si Satanas gigapos aron siya dili na gayud makalimbong sa mga kanasuran, Pin. 20:1–3. Ang Ginoo dili malimbongan, 2 Ne. 9:41. Kon kamo mosunod sa Anak, mohimo sa walay paglimbong sa atubangan sa Dios, kamo makadawat sa Espiritu Santo, 2 Ne. 31:13. Si Sherem mikumpisal nga siya gilimbongan pinaagi sa gahum sa yawa, Jacob 7:18. Ang mga katawhan ni Hari Noah nalimbongan pinaagi sa ulog-ulog nga mga pulong, Mosiah 11:7. Ang mga maalamon midawat sa Balaang Espiritu nga ilang giya, ug wala malimbongi, D&P 45:57. Alaot ngadto kanila nga mga limbongan, D&P 50:6. Siya nahimo nga Satanas, ang amahan sa tanan nga mga bakak, sa paglimbong ug sa pagbuta sa mga tawo, Moises 4:4.