Si Jesukristo mao ang gamhanan nga Manunubos sa katawhan tungod kay siya, pinaagi sa iyang pag-ula, mibayad sa bili sa mga sala sa katawhan ug mihimo sa pagkabanhaw sa tanan nga mga katawhan.
Tawga ang iyang ngalan og Jesus: kay siya moluwas sa iyang mga katawhan gikan sa ilang mga sala, Mat. 1:21 .
Ang Anak sa tawo mianhi aron sa pagtugyan sa iyang kinabuhi ingon nga usa ka paglukat alang sa kadaghanan, Mat. 20:28 (1 Tim. 2:5–6 ).
Ang Ginoong Dios sa Israel miduaw ug mitubos sa iyang mga katawhan, Luc. 1:68 .
Kita nagkauli ngadto sa Dios pinaagi sa kamatayon sa iyang Anak, Roma 5:10 .
Si Jesukristo mitugyan sa iyang kaugalingon alang kanato, nga siya unta motubos kanato gikan sa tanan nga kadautan, Tito 2:13–14 .
Si Jesukristo mihugas kanato gikan sa atong mga sala diha sa iyang kaugalingon nga dugo, Pin. 1:5 .
Ang katubsanan moabut ug pinaagi sa Balaan nga Mesiyas, 2 Ne. 2:6–7, 26 .
Ang Anak midala diha sa iyang kaugalingon sa pagkadautan sa mga tawo ug mga kalapasan, nakatubos kanila, ug nakatagbaw sa mga gipangayo sa kaangayan, Mosiah 15:6–9, 18–27 .
Si Kristo mianhi aron sa pagtubos niadto kinsa pagabunyagan ngadto sa paghinulsol, Alma 9:26–27 .
Siya moanhi sa kalibutan aron sa pagtubos sa iyang mga katawhan, Alma 11:40–41 .
Katubsanan moabut pinaagi sa paghinulsol, Alma 42:13–26 .
Si Jesukristo mianhi aron sa pagtubos sa kalibutan, Hel. 5:9–12 .
Si Kristo mitubos sa katawhan gikan sa lawasnon ug espirituhanon nga kamatayon, Hel. 14:12–17 .
Katubsanan moabut pinaagi ni Kristo, 3Â Ne. 9:17 .
Ako mao siya kinsa giandam gikan sa sinugdanan sa kalibutan sa pagtubos sa akong mga katawhan, Ether 3:14 .
Ang Ginoo nga inyong Manunubos, miantus og kamatayon diha sa unod, D&P 18:11 .
Si Kristo miantus alang sa tanan kon sila maghinulsol, D&P 19:1, 16–20 .
Ang gagmay nga mga bata gitubos pinaagi sa Bugtong Anak, D&P 29:46 .
Ako mipadala sa akong Bugtong Anak ngadto sa kalibutan alang sa katubsanan sa kalibutan, D&P 49:5 .
Si Kristo mao ang kahayag ug Manunubos sa kalibutan, D&P 93:8–9 .
Si Joseph F. Smith nakadawat og usa ka panan-awon sa katubsanan sa mga patay, D&P 138 .