Dili Matarung, Pagkadili Matarung Tan-awa usab Dautan, Pagkadautan; Dili Diosnon; Hugaw, Kahugawan; Matarung, Pagkamatarung; Sala Dautan, dili makiangayon; mga katawhan nga wala mahigugma sa Dios o sa mga butang sa Dios ug kinsa wala magpaluyo sa iyang katuyoan. Ang mga dili matarung dili makapanunod sa gingharian sa Dios, 1 Cor. 6:9–10. Kadto kinsa nahimuot diha sa pagkadili matarung gipanghimaraut, 2 Tes. 2:12. Si Jesukristo molimpyo kanato gikan sa tanan nga pagkadili matarung, 1 Juan 1:9. Ang usa ka dili matarung nga hari motuis sa mga pamaagi sa tanan nga pagkamatarung, Mosiah 29:23. Ang tukuran sa kalaglagan gipahiluna pinaagi sa pagkadili matarung sa inyong mga manlalaban ug mga maghuhukom, Alma 10:27. Ako mopadala kaninyo aron sa pagbadlong sa kalibutan sa mga dili matarung nga binuhatan, D&P 84:87. Ang kalag kinahanglan gayud pagabalaanon gikan sa tanan nga dili matarung, D&P 88:17–18. Ang kinaiya sa hapit tanan nga mga tawo mao ang pagpasiugda og dili matarung nga pagdumala, D&P 121:39.