Levi

Si Jacob mipanalangin ni Levi ug sa iyang mga kaliwat (Gen. 49:5–7). Mga kaliwat ni Levi nangalagad diha sa mga santuwaryo sa Israel (Num. 1:47–54). Si Aaron usa ka Levite, ug ang iyang mga kaliwat mga pari (Ex. 6:16–20; 28:1–4; 29). Ang mga Levite mitabang sa mga pari, ang anak nga mga lalaki ni Aaron (Num. 3:5–10; 1 Hari 8:4). Sila usahay mialagad ingon nga mga musikero (1 Cron. 15:16; Neh. 11:22); gipatay nga mga sakripisyo (2 Cron. 29:34; Esd. 6:20); ug sa kinatibuk-an mitabang diha sa templo (Neh. 11:16). Ang mga Levite gipahinungod ngadto sa pagpangalagad sa Ginoo aron sa pagpahiluna sa mga ordinansa alang sa mga anak sa Israel. Ang mga Levite sa ilang mga kaugalingon mihalad alang sa mga anak sa Israel (Num. 8:11–22); sila sa ingon nahimo nga talagsaon nga kabtangan sa Dios, gihatag ngadto kaniya hulip sa dapit sa unang natawo (Num. 8:16). Sila wala ipahinungod apan gilimpyohan alang sa ilang katungdanan (Num. 8:7–16). Sila walay yuta nga kabilin diha sa Canaan (Num. 18:23–24), apan sila midawat sa ikapulo (Num. 18:21), kap-atan ug walo ka mga dakbayan (Num. 35:6), ug usa ka katungod sa pagdawat sa mga limos sa mga katawhan sa mga panahon sa kasaulogan (Deut. 12:18–19; 14:27–29).