Opisyal nga Pahayag—2

Usa ka doktrina nga pahayag mahitungod sa kinsa ang mahimo nga makahupot sa pagkapari sa Dios, nga karon gi-imprinta sa katapusan nga mga pahina sa Doktrina ug mga Pakigsaad. Sa sayo sa bulan sa Hunyo sa tuig 1978, ang Ginoo mipadayag ngadto ni Presidente Spencer W. Kimball nga ang pagkapari kinahanglan ihatag ngadto sa tanan nga takus nga lalaki nga mga sakop sa Simbahan. Kini nakahimo sa pagkapari ug mga panalangin sa templo nga mapuslan sa tanan nga takus nga mga lalaki, ug mga panalangin sa templo nga mapuslan sa tanan nga takus nga mga sakop sa walay pag-isip sa kaliwat o kolor. Niadtong 30 sa Septyembre 1978, kini nga pahayag gipaila ngadto sa kinatibuk-an nga komperensya sa Simbahan ug giuyunan sa kadaghanan.