Joel
Usa ka propeta sa yuta sa Juda diha sa Daang Tugon. Ang petsa sa iyang kinabuhi dili matino—siya tingali nagpuyo sa panahon tunga-tunga sa paghari ni Joas, sa wala pa ang 850 B.C., ug ang pagbalik sa tribo ni Juda gikan sa pagkabihag didto sa Babelon.
Ang basahon ni Joel
Ang basahon nagtumong diha sa usa ka panagna nga si Joel mihimo human ang yuta sa Juda gihampak uban sa usa ka pait nga huwaw ug giubanan sa mga dulon (Joel 1:4–20). Si Joel mipasalig sa mga katawhan nga pinaagi sa paghinulsol sila makadawat pag-usab sa mga panalangin sa Dios (Joel 2:12–14).
Kapitulo 1 mao ang usa ka tawag alang sa usa ka maligdong nga katiguman diha sa balay sa Ginoo. Kapitulo 2 nag-asoy sa mga gubat ug kaawaaw nga mahitabo sa dili pa ang Kaliboan. Kapitulo 3 nagsulti sa ulahing mga adlaw ug nagpamatuod nga ang tanan nga mga nasud maggubat apan nga sa kapulihay ang Ginoo mopuyo sa Zion.
Si Pedro mikutlo sa kang Joel nga panagna mahitungod sa pagbu-bu sa Espiritu sa adlaw sa Pagkunsad sa Espiritu Santo (Joel 2:28–32; Buh. 2:16–21). Ang anghel Moroni usab mikutlo niining mao gihapon nga yugto ngadto kang Joseph Smith (JS—K 1:41).