Usa ka tawo gihatagan og katungod sa pagpanunod sa yutan-on ug espirituhanon nga mga gasa. Diha sa mga kasulatan, ang matarung gisaaran nga sila mahimo nga mga manununod ngadto sa tanan nga ang Dios aduna.
Si Abraham nahimo nga usa ka manununod sa kalibutan pinaagi sa pagkamatarung diha sa hugot nga pagtuo, Roma 4:13 .
Kita mga anak sa Dios, ug kon mga anak, niana mga manununod, mga manununod sa Dios, ug managsama nga mga manununod uban ni Kristo, Roma 8:16–17 (D&P 84:38 ).
Ikaw usa ka anak, usa ka manununod sa Dios pinaagi ni Kristo, Gal. 4:7 .
Ang Dios mitudlo sa iyang Anak nga usa ka manununod sa tanan nga mga butang, Heb. 1:2 .
Kadto kinsa naglantaw niana nga adlaw ngadto sa kapasayloan sa ilang mga sala mga manununod sa gingharian sa Dios, Mosiah 15:11 .
Ang mga katawhan nahimo nga mga anak ni Kristo ug mga manununod sa gingharian sa Dios, 4Â Ne. 1:17 .
Kadto kinsa mamatay nga walay kasayuran sa ebanghelyo mahimo nga mga manununod sa gingharian nga celestial, D&P 137:7–8 .
Ang patay kinsa maghinulsol mga manununod sa kaluwasan, D&P 138:59 .