Agianan Tan-awa usab Jesukristo; Lakaw, Lakaw Uban sa Dios Ang dalan o padulngan nga ang usa ka tawo mosubay. Si Jesus miingon nga siya ang agianan (Juan 14:4–6). Paghupot sa mga sugo sa Ginoo aron makalakaw diha sa iyang mga agianan, Deut. 8:6. Tudloi ang usa ka bata sa agianan nga iyang pagalaktan, Prov. 22:6 (2 Ne. 4:5). Ang Ginoo nag-ingon nga ang iyang mga paagi labaw ka taas kay sa atong mga paagi, Isa. 55:8–9. Pig-ot ang ganghaan ug higpit ang agianan nga padulong sa kinabuhi, Mat. 7:13–14 (3 Ne. 14:13–14; 27:33; D&P 132:22, 25). Ang Dios mohimo alang kaninyo og usa ka paagi nga kamo makalikay sa pagtintal, 1 Cor. 10:13. Ang Ginoo dili mohatag og sugo nga siya dili moandam og paagi aron mahuptan sa iyang mga anak, 1 Ne. 3:7 (1 Ne. 9:6; 17:3, 13). Walay lain nga agianan gawas kon kini pinaagi sa ganghaan, 2 Ne. 9:41. Kamo mga gawasnon sa pagbuhat alang sa inyong mga kaugalingon—sa pagpili sa agianan sa walay katapusan nga kamatayon o sa agianan sa kinabuhi nga dayon, 2 Ne. 10:23. Kini mao ang agianan ug walay lain nga agianan ni ngalan, 2 Ne. 31:21 (Mosiah 3:17; Alma 38:9; Hel. 5:9). Pinaagi sa gasa sa iyang Anak nga Lalaki ang Dios miandam og usa ka labing maayo nga paagi, Ether 12:11 (1 Cor. 12:31). Matag tawo naglakaw diha sa iyang kaugalingon nga paagi, D&P 1:16. Kinahanglan kini buhaton sa akong kaugalingon nga paagi, D&P 104:16.