Patalinghug Tan-awa usab Dunggan; Masulundon, Pagkamasulundon, Sunod Ang pagpaminaw ug pagsunod sa tingog o mga pagtulun-an sa Ginoo. Ang Ginoo mopasanay og usa ka propeta nga ingon kaniya, ug kamo maminaw ngadto kaniya, Deut. 18:15. Ang pagpaminaw labaw nga maayo kay sa gihalad nga tambok sa mga karnero, 1 Sam. 15:20–23. Kita wala maminaw ngadto sa sulugoon sa Ginoo, ang mga propeta, Dan. 9:6. Ang mga matarung nga nagpatalinghug ngadto sa mga pulong sa mga propeta dili mamatay, 2 Ne. 26:8. Kon kamo wala mopatalinghug ngadto sa tingog sa maayo nga magbalantay, kamo dili iyang mga karnero, Alma 5:38 (Hel. 7:18). Patalinghug, o kamo nga mga katawhan sa akong simbahan, D&P 1:1. Kadto kinsa magpatalinghug sa tingog sa Espiritu madan-agan ug moduol ngadto sa Amahan, D&P 84:46–47. Sila hinay sa pagpaminaw ngadto sa Ginoo; busa, siya hinay sa pagtubag ngadto sa ilang mga pag-ampo, D&P 101:7–9. Kadto kinsa dili maminaw sa mga sugo pantunon, D&P 103:4 (Moises 4:4).