Moises

Usa ka propeta sa Daang Tugon kinsa nangulo sa mga Israelite gikan sa pagkaulipon sa mga Ehiptohanon ug mihatag ngadto kanila ug hut-ong sa mga relihiyoso, katilingbanon, ug mga balaod sa pagkaon ingon sa gipadayag sa Dios.

Ang kang Moises nga pagpangalagad milugway lapas sa mga kinutuban sa iyang kaugalingong mortal nga panahon sa kinabuhi. Si Joseph Smith nagtudlo nga, uban kang Elijah, siya miabut ngadto sa Bukid sa Transpigurasyon ug mitugyan sa mga yawe sa pagkapari diha ni Pedro, Santiago, ug Juan (Mat. 17:3–4; Mar. 9:4–9; Luc. 9:30; D&P 63:21).

Si Moises mipakita ngadto ni Joseph Smith ug Oliver Cowdery niadtong 3 sa Abril, 1836, sa templo sa Kirtland, Ohio, ug mitugyan kanila sa mga yawe sa pagpundok sa Israel (D&P 110:11).

Pagpadayag sa ulahing mga adlaw naghisgot og daghan mahitungod kang Moises. Siya gihisgutan kanunay diha sa Basahon ni Mormon, ug gikan sa Doktrina ug mga Pakigsaad kita nasayud mahitungod sa iyang pagpangalagad (D&P 84:20–26) ug nga siya midawat sa iyang pagkapari gikan sa iyang ugangan nga lalaki, si Jetro (D&P 84:6).

Pagpadayag sa ulahing mga adlaw usab nagmatuod sa biblianhon nga asoy sa iyang pangalagad diha sa mga anak sa Israel ug nagmatuod pag-usab nga siya ang tigsulat sa lima ka mga basahon nga nagsugod sa Daang Tugon (1 Ne. 5:11; Moises 1:40–41).

Giluwas sa anak nga babaye ni Paraon, Ex. 2:1–10.
Milayas ngadto sa Midiam, Ex. 2:11–22.
Ang anghel sa Ginoo mipakita kaniya diha sa nagkayo nga kabugangan, Ex. 3:1–15.
Mipahibalo nga ang mga sakit modagsang diha sa mga Ehiptohanon, Ex. 7–11.
Ang Ginoo mipasiugda sa Pagpalabay, Ex. 12:1–30.
Nangulo sa mga anak sa Israel sa pagtabok sa Pulang Dagat, Ex. 14:5–31.
Ang Ginoo mipadala og manna diha sa kamingawan, Ex. 16.
Mihampak sa bato diha sa Horeb ug ang tubig miagas, Ex. 17:1–7.
Si Aaron ug si Hur mipataas sa iyang mga kamot aron si Josue modaug batok kang Amulek, Ex. 17:8–16.
Si Jetro mitambag kaniya, Ex. 18:13–26.
Miandam sa mga katawhan alang sa pagpakita sa Ginoo diha sa bukid sa Sinai, Ex. 19.
Ang Ginoo mipadayag sa Napulo ka mga Sugo ngadto kaniya, Ex. 20:1–17.
Siya ug ang kapitoan ka mga anciano nakakita sa Dios, Ex. 24:9–11.
Mibuak sa mga tableta sa pagpamatuod ug miguba sa bulawanon nga nati, Ex. 32:19–20.
Nakigsulti uban sa Dios nawong sa nawong, Ex. 33:9–11.

Ang basahon ni Moises

Usa ka basahon diha sa Perlas nga Labing Bililhon nga naglakip sa kang Joseph Smith nga dinasig nga hubad sa unang pito ka mga kapitulo sa Genesis.

Kapitulo 1 nagtala sa usa ka panan-awon diin si Moises nakakita sa Dios, kinsa mipadayag kaniya sa tibuok laraw sa kaluwasan. Mga kapitulo 2–5 mao ang mga asoy sa Paglalang ug ang pagkapukan sa tawo. Mga kapitulo 6–7 naglakip sa usa ka panan-awon mahitungod ni Enoch ug sa iyang pagpangalagad sa yuta. Kapitulo 8 naglakip sa usa ka panan-awon mahitungod ni Noe ug sa dakong lunop.

Ang lima ka mga basahon ni Moises

Ang unang lima ka mga basahon sa Daang Tugon nailhan nga mga basahon ni Moises. Ang mga palid nga tumbaga nga gikuha ni Nephi gikan kang Laban naglakip sa mga basahon ni Moises (1 Ne. 5:11).