Katigayunan o kabuhong. Ang Ginoo nagtambag sa mga Santos sa dili pagpangita alang sa kalibutanon nga mga katigayunan gawas sa pagbuhat og maayo. Ang mga Santos kinahanglan dili mopahimutang sa pagpangita sa kalibutanon nga katigayunan sa dili pa mangita sa gingharian sa Dios, kinsa naghupot sa mga katigayunan sa kahangturan (Jacob 2:18–19 ).
Kon ang mga katigayunan motubo, ayaw ipahimutang ang inyong kasingkasing nganha kanila, Sal. 62:10 .
Ang mga katigayunan dili makahatag kaninyo og kaayohan sa adlaw sa kaligutgot, Prov. 11:4 .
Siya nga mosalig sa iyang mga katigayunan mapukan, Prov. 11:28 .
Ang limpyo nga ngalan maayo nga pilion kay sa dako nga mga katigayunan, Prov. 22:1 .
Pagkalisud kanila nga adunay mga katigayunan sa pagsulod ngadto sa gingharian sa Dios, Mar. 10:23 (Luc. 18:24–25 ).
Ang paghigugma sa salapi mao ang gamut sa tanan nga pagkadautan, 1Â Tim. 6:10 .
Alaot ngadto sa adunahan kinsa mitamay sa mga kabus ug kansang mga katigayunan mao ang ilang dios, 2Â Ne. 9:30 .
Ang mga matarung wala magpahimutang sa ilang mga kasingkasing sa mga katigayunan apan giambitan sa tanan, Alma 1:30 .
Ang mga katawhan nagsugod sa pagkamapagarbuhon tungod sa mga katigayunan, Alma 4:6–8 .
Ang mga katawhan nasugdan sa pagkaila pinaagi sa kahimtang sumala sa ilang mga katigayunan, 3Â Ne. 6:12 .
Katigayunan sa kahangturan
Kapila Ako nagtawag kaninyo pinaagi sa mga katigayunan sa kinabuhi nga dayon, D&P 43:25 .
Ang mga katigayunan sa kahangturan ako sa paghatag, D&P 67:2 (D&P 78:18 ).