Manases

Mga kaliwat ni Manases nga giihap diha sa mga tribo ni Israel (Num. 1:34–35; Jos. 13:29–31). Ang panalangin ni Moises sa tribo ni Jose, nga gihatag usab ngadto ni Ephraim ug Manases, gitala diha sa Deuteronomio 33:13–17. Ang ilang gahin nga yuta anaa dapit sa kasadpan sa Jordan ug sunod sa kang Ephraim. Sila usab adunay mga pundok sa mga katawhan sa silangan sa Jordan diha sa tambok nga pastohan sa Basan ug Gilead. Sa katapusan nga mga adlaw ang tribo ni Manases motabang sa tribo ni Ephraim sa pagtigum sa nagkatibulaag nga Israel (Deut. 33:13–17). Ang propeta sa Basahon ni Mormon nga si Lehi usa ka kaliwat ni Manases (Alma 10:3).