Sala Tan-awa usab Dautan, Pagkadautan; Dili Diosnon; Dili Matarung, Pagkadili Matarung; Hugaw, Kahugawan; Nakapasakit; Pagkasalawayon, Salawayon; Pagsukol Tinuyo nga pagsupak sa mga sugo sa Dios. Siya nga nagtago sa iyang mga sala dili mouswag, Prov. 28:13. Bisan ang inyong mga sala luto nga pula, sila mahimo nga puti ingon sa yelo, Isa. 1:18. Mga makasasala mamatay, ug ang mga matarung maluwas, Ezeq. 18. Ang Kordero sa Dios mokuha sa mga sala sa kalibutan, Juan 1:29. Pagpabunyag, ug hugasi ang inyong mga sala, Buh. 22:16. Ang mga bayad sa sala mao ang kamatayon, Roma 6:23. Ngadto kaniya nga nasayud sa pagbuhat og maayo, ug wala magbuhat niini, ngadto kaniya kini usa ka sala, San. 4:17. Ikaw mohimo ba kanako nga ako mokurog atubangan sa sala, 2 Ne. 4:31. Alaot sa tanan ngadto kinsa namatay diha sa ilang mga sala, 2 Ne. 9:38. Sila dili makatan-aw sa sala gawas kon kini paubanan sa kasilag, Alma 13:12. Ayaw paghunahuna nga ikaw mapahiuli gikan sa sala ngadto sa kalipay, Alma 41:9–10. Ang Ginoo dili makatan-aw sa sala uban sa labing gamay nga matang sa pagtugot, Alma 45:16 (D&P 1:31). Ang gagmay nga mga bata dili makahimo sa pagpakasala, Moro. 8:8. Sa paghinulsol, ang mga tawo kinahanglan mokumpisal ug mobiya sa ilang mga sala, D&P 58:42–43. Ang labaw nga dako nga sala nagpabilin diha kaniya kinsa dili mopasaylo, D&P 64:9. Siya kinsa nakasala batok sa dako nga kahayag makadawat og dako nga paghukom, D&P 82:3. Ngadto niana nga kalag kinsa nakasala ang unang mga sala mobalik, D&P 82:7. Kon kita mobuhat sa pagtabon sa atong mga sala, ang mga kalangitan mobiya sa ilang mga kaugalingon, D&P 121:37.