Nephi, Anak nga Lalaki ni Nephi, Anak nga Lalaki ni Helaman

Usa ka basahon nga sinulat ni Nephi, anak nga lalaki ni Nephi, diha sa Basahon ni Mormon. Mga kapitulo 1–10 nagpakita sa katumanan sa mga panagna mahitungod sa pag-anhi sa Ginoo. Ang timailhan sa pagkatawo ni Kristo gihatag; ang mga katawhan naghinulsol; apan unya sila mibalik ngadto sa pagkadautan. Sa katapusan mga unos, mga linog, mga makusog nga bagyo, ug dako nga kalaglagan mipaila sa kamatayon ni Kristo. Mga kapitulo 11–28 nagtala sa pag-adto ni Kristo ngadto sa Americas. Kini mao ang kinatung-an nga bahin sa basahon sa 3 Nephi. Daghan sa mga pulong ni Kristo sama ngadto sa iyang mga wali nga natala diha sa Biblia (pananglit, Mat. 5–7 ug 3 Ne. 12–14). Mga kapitulo 29–30 mao ang mga pulong ni Mormon ngadto sa mga kanasuran sa ulahing mga adlaw.

Kini nga basahon adunay kap-atan ug siyam ka mga bersikulo lamang, ang tanan diha sa usa ka kapitulo, apan kini miabut sa dul-an sa 300 ka mga tuig sa kasaysayan sa mga Nephite (34–321 A.D.). Pipila ka mga kaliwatan sa mga tigsulat, lakip ni Nephi, mitampo ngadto sa talaan. Mga bersikulo 1–19 nagsaysay nga human sa pagkabanhaw ug pagduaw ni Kristo ang tanan nga mga Nephite ug mga Lamanite nakabig ngadto sa ebanghelyo. Kalinaw, gugma, ug kahusay mihari. Ang tulo ka mga Nephite nga tinun-an, kinsa gitugutan ni Kristo sa pagpabilin sa yuta hangtud sa iyang ikaduhang pag-anhi (3 Ne. 28:4–9) mialagad ngadto sa mga katawhan. Si Nephi mibilin sa talaan ngadto sa iyang anak nga lalaki nga si Amos. Mga bersikulo 19–47 mao ang mga talaan sa pagpangalagad ni Amos (84 ka mga tuig) ug sa iyang anak nga lalaki nga si Amos (112 ka mga tuig). Diha sa 201 A.D., ang garbo misugod nga mao ang hinungdan sa mga suliran taliwala sa mga katawhan, kinsa mibahin-bahin sa ilang mga kaugalingon ngadto sa mga kahimtang ug misugod sa mga mini nga simbahan aron makaangkon og bahandi (4 Ne. 1:24–34).

Ang katapusan nga mga bersikulo sa 4 Nephi nagpakita nga ang mga katawhan mibalik pag-usab sa pagkadautan (4 Ne. 1:35–49). Diha sa 305 A.D., si Amos ang anak nga lalaki ni Amos namatay ug ang iyang igsoon nga lalaki nga si Ammaron mitago sa tanan nga sagrado nga mga talaan aron maampingan. Si Ammaron sa wala madugay mitugyan sa mga talaan ngadto ni Mormon, kinsa mitala sa daghan nga mga hitabo sa iyang kaugalingon nga kinabuhi ug unya mipamubo kanila (Morm. 1:2–4).