Ecclesiastes

Usa ka basahon sa Daang Tugon nga naglakip sa mga pagpamalandong sa pipila sa mga lawom nga mga suliran sa kinabuhi.

Ang tigsulat sa basahon, ang magsasangyaw, misulat sa kadaghanan sa basahon gikan sa panan-aw niadto kinsa mga walay kasinatian sa ebanghelyo. Siya misulat sumala sa mga pagbati sa mga katawhan sa kalibutan—nga mao, kadto “ubos sa adlaw” (Eccl. 1:9). Kadaghan sa basahon ingon og magdumili ug matahapon (Eccl. 9:5, 10). Kini dili mao ang paagi nga ang Ginoo buot nga kita mohunahuna sa kinabuhi apan hinoon sa unsa nga paagi ang magsasangyaw nagtan-aw niana nga mga butang nga nagpakita ngadto sa walay lamdag nga mga tawo sa yuta. Ang labing espirituhanon nga bahin sa basahon anaa sa mga kapitulo 11 ug 12, diin ang tagsulat mitapos nga ang butang lamang nga may malungtaron nga bili mao ang pagkamasulundon sa mga sugo sa Dios.