Eliseo

Usa ka propeta diha sa Daang Tugon sa Amihanan nga bahin sa Gingharian sa Israel ug usa ka sinaligan nga magtatambag sa pipila ka mga hari niana nga nasud.

Si Eliseo adunay usa ka malumo ug mahigugmaon nga kinaiya nga wala niana nga mainiton nga kadasig diin ang iyang agalon, nga si Elijah, nailhan. Ang iyang bantugan nga mga milagro (2 Hari 2–5; 8) nagpamatuod nga siya sa tinuod nakadawat sa gahum ni Elijah sa diha nga siya mipuli ni Elijah ingon nga propeta (2 Hari 2:9–12). Sama pananglit, siya nag-ayo sa mga tubig sa usa ka pait nga tubod, mibahin sa mga tubig sa Suba sa Jordan, mipadaghan sa lana sa biyuda, mipabanhaw sa usa ka bata nga lalaki gikan sa patay, nag-ayo sa usa ka tawo sa sangla, mihimo sa usa ka puthaw nga wasay nga molutaw, ug mihampak sa mga Sirianhon ngadto sa pagkabuta (2 Hari 2–6). Ang iyang pangalagad milungtad og labaw sa kalim-an ka mga tuig sa panahon sa mga pagmando ni Joram, Jehu, Joachaz, ug Joas.