«Ջոզեֆ Սմիթի վկայությունը Մորմոնի Գրքի մասին. Թարգմանված … Աստծո պարգևով ու զորությամբ», Մորմոնի Գիրքը. Ուսուցչի ձեռնարկ (2024)
«Ջոզեֆ Սմիթի վկայությունը Մորմոնի Գրքի մասին», Մորմոնի Գիրքը. Ուսուցչի ձեռնարկ
Մորմոնի Գրքի ներածական էջեր
Ջոզեֆ Սմիթի վկայությունը Մորմոնի Գրքի մասին
«Թարգմանված … Աստծո պարգևով ու զորությամբ»
© 1998 Դեյվիդ Լինդսլի
Ինչպե՞ս է ստեղծվել Մորմոնի Գիրքը: Ջոզեֆ Սմիթն ինչպե՞ս թարգմանեց այն անհայտ լեզվից անգլերեն: Այս դասը կարող է օգնել ձեզ ավելի լավ հասկանալ և բացատրել, թե Մորմոնի Գիրքը ինչպես ստեղծվեց «Աստծո պարգևով ու զորությամբ» (Վարդապետություն և Ուխտեր 135.3)։
Իմանալ յուրաքանչյուր սովորողի անունը Յուրաքանչյուր ուսանողի անունն իմանալով և նրան իր անվամբ դիմելով՝ կարող եք օգնել ուսանողին զգալ ձեր սերը: Ժամանակ տրամադրեք և իմացեք ուսանողների անունները: Կարող եք ուսանողների նկարներով անվանացանկ կազմել կամ դասարանում կատարել վարժություններ, որոնք կարող են օգնել ձեզ և ուսանողներին սովորել միմյանց անունները:
Ուսանողի նախապատրաստում. ուսանողներին առաջարկեք գալ պատրաստված և ներկայացնել, թե ինչ գիտեն Մորմոնի Գրքի ստեղծման մասին և ինչ հարցեր ունեն Գրքի վերաբերյալ:
Հնարավոր ուսումնական վարժություններ
Մորմոնի Գրքի ստեղծումը
Ցուցադրեք ստորև ներկայացվող պատկերները: Ուսանողներին հիշեցրեք դասին իրենց նախապատրաստման մասին և առաջարկեք նրանց նկարները դասավորել ճիշտ ժամանակագրական կարգով: Ճիշտ հերթականությունն է՝ Դ, Գ, Բ, Ա, Ե:
Դասի վարժությունները համապատասխանեցրեք ուսանողների կողմից այս իրադարձությունների ընկալման աստիճանի հետ:
-
Ա.
-
Բ.
-
Գ.
-
Դ.
-
Ե.
-
Ձեր կարծիքով, Ջոզեֆ Սմիթը ի՞նչ զգացողություններ կարող էր ունենալ այս իրադարձություններից յուրաքանչյուրի ժամանակ: Ինչո՞ւ:
«Աստծո պարգևով ու զորությամբ»
Մտածեք ձեր ճանաչած որևէ մարդու մասին, որը կարող էր օգուտ քաղել՝ ավելին իմանալով Մորմոնի Գրքի ստեղծման մասին: Այդ անձը կարող է լինել մեկը, ով Եկեղեցու անդամ չէ, կամ գուցե Եկեղեցու անդամ է, որը մաքառում է իր հավատքի հետ: Ձեր օրագրում համառոտ նկարագրեք նրա հանգամանքները և սահմանեք, թե Մորմոնի Գրքի ստեղծման մասին ավելին իմանալով՝ նա ինչ օգուտներ կքաղեր:
Ուսանելու ընթացքում ապացույց փնտրեք այն ճշմարտության համար, որ Ջոզեֆ Սմիթը Մորմոնի Գիրքը ստեղծեց Աստծո պարգևով ու զորությամբ (տես Մորմոնի Գրքի տիտղոսաթերթը և Վարդապետություն և Ուխտեր 135.3):
Ջոզեֆ Սմիթն իր փորձառության մասին գրել է Մորմոնի Գրքի ստեղծման ընթացքում:
Ուսանողներին առաջարկեք կարդալ «Մարգարե Ջոզեֆ Սմիթի վկայությունը» Մորմոնի Գրքի ներածական էջերում: Դրա համար ընթերցանության նյութը բաժանեք և դասարանի մի կեսին հանձնարարեք ընթերցել 1–14-րդ պարբերությունները՝ Մորոնիի գիշերային այցի մասին: Մյուս կեսը կարող է կարդալ 15–23-րդ պարբերությունները այն մասին, թե ինչ արեց Ջոզեֆը Մորոնիի այցից հետո:
Մեկ այլ տարբերակ է ամփոփել պատմության հատվածները և ընտրել այն պարբերությունները, որոնց ընթերցումն առավելագույնս օգտակար կլինի ուսանողների համար: Ուսանողները կարող են անդրադառնալ նաև հետևյալ նյութին. Սրբեր. Հիսուս Քրիստոսի Եկեղեցու պատմությունը վերջին օրերին, հատոր 1, Ճշմարտության դրոշը, 1815–1846 [2018], 20–30:
-
Ի՞նչ պնդումներ եք գտել, որոնք ցույց են տալիս, որ Մորմոնի Գիրքը ստեղծվել է Աստծո պարգևով ու զորությամբ:
-
Ձեր կարծիքով, Մորմոնի Գրքի թարգմանության համար ինչո՞ւ էր ընտրվել Ջոզեֆ Սմիթը, այլ ոչ թե այդ ժամանակաշրջանի որևէ ականավոր գիտնական:
-
Ի՞նչ իմացաք Մորմոնի Գրքի ստեղծման մասին, որով կկիսվեիք ձեր ընտրած մարդու հետ:
Պատմական մանրամասներ
Ստանալով թիթեղները՝ Ջոզեֆ Սմիթը թարգմանեց Մորմոնի Գիրքը Աստծո պարգևով ու զորությամբ: «Ջոզեֆը երբեմն թարգմանում էր՝ նայելով մեկնիչների միջով [Ուրիմը և Թումիմը] և անգլերենով ընթերցելով թիթեղների վրա գրված նշանները: Հաճախ նա պարզում էր, որ տեսանողի մեկ քարով կարդալն ավելի հարմար է: Նա տեսանողի քարը տեղադրում էր իր գլխարկի մեջ, դեմքը դնում էր գլխարկի մեջ՝ լույսը փակելու համար, և նայում էր քարին։ Քարի լույսը շողում էր մթության մեջ՝ բացահայտելով այն բառերը, որոնք Ջոզեֆը թելադրում էր» (Սրբեր. Հիսուս Քրիստոսի Եկեղեցու պատմությունը վերջին օրերին, հատոր 1, Ճշմարտության դրոշը, 1815–1846 [2018], 61): Տեսանողի քարի և Մորմոնի Գրքի թարգմանության մասին ավելին իմանալու համար տես Ավետարանական թեմաներ «Մորմոնի Գրքի թարգմանությունը»:
Եթե ուսանողները տեսանողի քարի մասին լրացուցիչ հարցեր ունենան, կարող եք ցուցադրել տեսանողի քարի մասին տեսանյութը ստորև ներկայացվող «Բացատրական և պատմական տեղեկություններ» բաժնում:
Հնարավորության դեպքում դիտեք «Ներդաշնակության օրեր» տեսանյութը 5:44-9:24, որը կարելի է գտնել ChurchofJesusChrist.org կայքում:
Days of Harmony
Կարդացեք Առաջին Նախագահությունից նախագահ Դալլին Հ․ Օուքսի խոսքերը: Կարող եք դիտել նաև «Հակադրություն բոլոր բաներում» տեսանյութը 8:18-9:24 ChurchofJesusChrist.org կայքում:
Opposition in All Things
Մորմոնի Գրքի թարգմանությունն ավարտելուց հետո Ջոզեֆ Սմիթը պետք է տպագրիչ գտներ գիրքը հրատարակելու համար: Դա հեշտ չէր: Ձեռագրի ծավալի, տպագրության ծախսերի և հազարավոր օրինակներ կազմելու բարդությունը վախեցնող էին: Ջոզեֆը նախ դիմեց Ի. Բ. Գրանդինին՝ Պալմիրայից մի տպագրիչի, որը մերժեց նրան: Ապա գտավ ևս մեկ տպագրիչի Պալմիրայում, որը նույնպես մերժեց նրան: Նա գնաց Ռոչեստեր՝ 25 մղոն (40 կմ) հեռու և դիմեց արևմտյան Նյու Յորքի ամենահեղինակավոր տպագրիչին, որը նույնպես մերժեց նրան: Ռոչեստերի մեկ այլ տպագրիչ պատրաստ էր տպագրել, սակայն հանգամանքների բերումով այդ տարբերակն անընդունելի դարձավ:
Անցել էին շաբաթներ, և Ջոզեֆը պետք է որ տարակուսած լիներ աստվածային հանձնառության կատարման դեմ ծառացած հակադրությունից: Տերը չհեշտացրեց նրա գործը, բայց հնարավոր դարձրեց այն: Ջոզեֆի հինգերորդ փորձը, երբ նա երկրորդ անգամ դիմեց Պալմիրայի տպագրիչ Գրանդինին, հաջողությամբ ավարտվեց (Դալլին Հ․ Օուքս, «Հակադրություն բոլոր բաներում», Լիահոնա, մայիս 2016թ., 116)
-
Այս պատմական մանրամասներն ինչպե՞ս են ազդում Մորմոնի Գրքի վերաբերյալ ձեր անձնական զգացողությունների վրա:
-
Ի՞նչ է ուսուցանում ձեզ Մորմոնի Գրքի ստեղծումը Երկնային Հոր և Հիսուս Քրիստոսի մասին:
Բացատրեք, թե ինչպես ստեղծվեց Մորմոնի Գիրքը
Ուսանողներին առաջարկեք մտածել, թե ինչ կպատմեին իրենց ընտրած մարդուն, որը նրան կօգներ ավելի լավ հասկանալ Աստծո պարգևով ու զորությամբ Մորմոնի Գրքի ստեղծման պատմությունը:
Ուսանողներին բաժանեք զույգերի: Հանձնարարեք, որ մեկն ընդունի Եկեղեցու անդամի դերը և բացատրի ու պատասխանի հարցերին, իսկ մյուսը լինի այն անձը, որին անհրաժեշտ է ավելին իմանալ Մորմոնի Գրքի ստեղծման մասին: Շրջեք սենյակով և լսեք բացատրությունները, որպեսզի որոշեք՝ արդյոք անհրաժեշտ է շարունակել ուսումնասիրել այս թեման:
Երբ ուսանողներն ավարտեն իրենց բացատրությունները, կարող եք կիսվել Մորմոնի Գրքի ստեղծման միջոցով Աստծո ցուցաբերած զորության, պարգևի և սիրո մասին անձնական վկայությամբ: Պատրաստակամ ուսանողներին նույնպես առաջարկեք կիսվել իրենց վկայություններով։