«Ձեռք բերել հոգևոր գիտելիքներ, Մաս 2. «Քննել հասկացություններն ու հարցերը հավերժության հեռանկարով»», Մորմոնի Գրքի ձեռնարկ ուսուցչի համար (2024)
«Ձեռք բերել հոգևոր գիտելիքներ, Մաս 2», Մորմոնի Գիրքը. Ուսուցչի ձեռնարկ
Մորմոնի Գրքի ներածական էջեր
Ձեռք բերել հոգևոր գիտելիքներ, Մաս 2
Քննել հասկացություններն ու հարցերը հավերժության հեռանկարով
Վարդապետության սերտման նպատակներից մեկն է՝ օգնել ձեզ սովորել և կիրառել հոգևոր գիտելիքներ ձեռք բերելու սկզբունքները՝ Հիսուս Քրիստոսին ավելի նմանվելու համար։ Այս դասը կօգնի ձեզ քննել հասկացությունները և հարցերը հավերժության հեռանկարով և տեսնել դրանք ավելի շատ այնպես, ինչպես Փրկիչն է տեսնում։
Հասկացեք ձեր դերը վարդապետության սերտման գործում։ Տասներկու Առաքյալների Քվորումից երեց Մ. Ռասսել Բալլարդը վարդապետության սերտման մասին սեմինարիաների և ինստիտուտների ուսուցիչներին ուղղված իր խոսքում ասել է. «Այս նախաձեռնությունը ոգեշնչված է և ժամանակին։ Այն հրաշալի ազդեցություն կունենա մեր երիտասարդների վրա։ Այնուամենայնիվ, Վարդապետության սերտման և [սեմինարիաների և ինստիտուտների] մնացած բոլոր ուսումնական ծրագրերի հաջողությունը մեծապես կախված է ձեզանից» («ԵԿՀ-ի ուսուցիչների հնարավորությունները և պարտականությունները 21-րդ դարում» [երեկո Բարձրագույն Իշխանության հետ, 26-ը փետրվարի, 2016թ.], broadcasts.ChurchofJesusChrist.org)։
Ուսանողի նախապատրաստում. ուսանողներին առաջարկեք իրենց անձնական աղոթքներում շնորհակալություն հայտնել Երկնային Հորը փրկության ծրագրի մասին իրենց ունեցած գիտելիքի համար։ Նրանց կարող եք առաջարկել նաև հարցնել Նրան, թե ինչպես կարող են օգտագործել այդ գիտելիքը բարի նպատակով։
Հնարավոր ուսումնական վարժություններ
Հոգևոր գիտելիքներ ձեռք բերելու սկզբունքները
Երբ մենք հանդիպում ենք մարտահրավերների կամ անպատասխան հարցերի, մեզ կարող են օգնել հոգևոր գիտելիքներ ձեռք բերելու հետևյալ սկզբունքները.
-
Գործեք հավատքով
-
Քննեք հասկացությունները և հարցերը հավերժության հեռանկարով:
-
Ձգտեք մեծացնել հասկացողությունը աստվածային աղբյուրների միջոցով
Այս դասի ընթացքում մենք կկենտրոնանանք հասկացություններն ու հարցերը հավերժության հեռանկարով ուսումնասիրելու վրա։
Սահմանափակ պատկերացում
Ստորև ներկայացվող վարժության նման մի վարժություն կատարեք, որպեսզի օգնեք ուսանողներին քննարկել, թե հեռանկարն ու համատեքստը որքան կարևոր են հասկացողության համար.
Երկու կամավորի հրավիրեք գալ առաջ։ Յուրաքանչյուրին մի թուղթ տվեք, որի կենտրոնում փոքր անցք է արված։ Նրանց խնդրեք թուղթը պահել մի աչքի դիմաց և հարցրեք, թե արդյոք տեսնում են անցքի միջով։ Ապա նրանց հանձնարարեք խաղալ որևէ փափուկ իր նետելու և բռնելու խաղը՝ նայելով միայն թղթի անցքով։ Եթե դժվարություն ունենան, հարցրեք նրանց, թե ինչու էր այդքան դժվար, եթե արդեն հաստատել են, որ կարող են տեսնել։
-
Ինչո՞վ է սա նման, օրինակ, կյանքի վճռորոշ որոշումներ կայացնելուն կամ կարևոր հարցերին պատասխանելուն, երբ փրկության ծրագրի մասին սահմանափակ հասկացողություն կա։
Ավելի ամբողջական պատկերացումը օգնում է մեզ շրջապատող աշխարհի հետ շփվելիս։ Նույն կերպ հավերժության հեռանկարը կօգնի մեզ հոգևոր գիտելիքներ ձեռք բերելու հարցում։
«Ձեռք բերել հոգևոր գիտելիքներ» բաժնի 8-րդ պարբերությունում՝ Վարդապետության սերտման հիմնարար փաստաթղթում (2022թ.) կարող եք նշել հետևյալ նախադասությունը. Վարդապետության հասկացությունները, հարցերը և սոցիալական խնդիրները հավերժության հեռանկարով քննելու համար մենք դրանք դիտարկում ենք փրկության ծրագրի և Փրկչի ուսմունքների համատեքստում։
Նախքան ստորև ներկայացվող պարբերությունները կարդալը՝ ուսանողներին առաջարկեք ամփոփել այն, ինչ արդեն գիտեն հոգևոր գիտելիքներ ձեռք բերելու այս սկզբունքի մասին։
Ուսումնասիրեք 8–10 պարբերությունները և փորձեք գտնել, թե ինչը կարող է օգնել ձեզ քննել հասկացություններն ու հարցերը հավերժության հեռանկարով։
Ուսանողներին առաջարկեք նշել որոշակի բառեր և արտահայտություններ և հայտնել, թե ինչ են գտել։ Պարզաբանող հարցեր տվեք, որպեսզի օգնեք նրանց հասկանալ, որ Երկնային Հայրը և Հիսուս Քրիստոսը իրերն ու երևույթները տեսնում են հավերժության հեռանկարով։ Եթե սովորենք մեր կյանքում այդպես վարվել, դա կօգնի մեզ ավելի նմանվել Նրանց։ Հետևյալ հարցերը կարող են օգտակար լինել։
-
Ձեր կարծիքով, որո՞նք են այն խնդիրներն ու հարցերը, որոնք Փրկիչը կարող է այլ կերպ դիտարկել, քան երկրի վրա գտնվող շատ մարդիկ:
-
Փրկության ծրագրի համատեքստում հասկացությունների և հարցերի ուսումնասիրությունը ինչպե՞ս է օգնում մեզ իրերը առավելապես տեսնել այնպես, ինչպես Երկնային Հայրը և Հիսուս Քրիստոսն են տեսնում (տես Մոսիա 4.9)։
-
Դա ինչո՞ւ կարող է կարևոր հմտություն լինել ձեզ համար, որպեսզի սովորեք, վարժվեք և կիրառեք այն ձեր կյանքում։
Սուրբ գրությունների օրինակ
Ալմա Կրտսերը, պատասխանելով իր որդի Կորիանթոնին հուզող բարդ հարցերին, ցույց տվեց մեզ, թե ինչպես նայել իրերին հավերժության հեռանկարով։
Կարդացեք Ալմա 40.1-ը, 42.1-ը և գտեք Կորիանթոնի մտահոգություններից երկուսը։ Նրա մտահոգությունները կարող եք ձևակերպել ձեր բառերով։
Այժմ կարդացեք Ալմա 40, 41, 42 գլուխների վերնագրերը՝ ամփոփ տեսնելով, թե ինչ էր ուսուցանում Ալման Կորիանթոնին, երբ բացատրում էր նրա մտահոգությունները։ Գտեք փրկության ծրագրի այն տարրերը, որոնք ուսուցանում էր Ալման։
-
Ծրագրի ի՞նչ տարրեր տեսաք։
-
Ինչպե՞ս կարող էին դրանք օգնել Կորիանթոնին՝ իր մտահոգությունները հավերժության հեռանկարով տեսնելու համար։
Վերաիմաստավորում
Ձեր ցուցամատերի և բթմատերի օգնությամբ պատկերեք նկարի շրջանակ։ Ընտրեք սենյակում ցանկացած բան՝ որպես ձեր նկարի առարկա։
-
Ի՞նչ որոշեցիք ներառել ձեր շրջանակում։ Ինչո՞ւ։
-
Ի՞նչը դուրս թողեցիք ձեր նկարից։ Ինչո՞ւ։
Հարցերը նույնպես շրջանակ կամ համատեքստ ունեն, ինչպես նկարները։ Շրջանակը կարող է ներկայացնել անձի համոզմունքները և ենթադրությունները, որոնք մղում են նրան հարցերը տեսնել որոշակի տեսանկյունից։ Այդ համոզմունքներն ու ենթադրությունները երբեմն հիմնված են թյուրըմբռնման կամ որևէ բանի վրա, որը ճիշտ չէ։ Այդ դեպքերում կարող է օգնել դրանց վերաիմաստավորումը։ Վերաիմաստավորումն այն է, երբ այդ համոզմունքները կամ ենթադրությունները մենք քննում ենք փրկության ծրագրի կամ Փրկչի ուսմունքների համատեքստում։
Առաջին Նախագահությունից նախագահ Դալլին Հ. Օուքսն ուսուցանել է.
«Աստծո բացահայտած այդ ծրագրի և այլ ճշմարտությունների մեր իմացության շնորհիվ մեր ենթադրությունները տարբերվում են այն մարդկանց ենթադրություններից, որոնք չունեն մեր գիտելիքները։ Արդյունքում մենք տարբեր եզրահանգումների ենք գալիս բազմաթիվ կարևոր թեմաների շուրջ, որոնց մասին ուրիշները դատում են միայն մահկանացու կյանքի վերաբերյալ իրենց կարծիքով (Դալլին Հ. Օուքս, «Նա ինչպէս որ իր սրտումը հաշիւներ անողն է» [երեկո Բարձրագույն իշխանության հետ, փետրվարի 8, 2013թ.], ChurchofJesusChrist.org)։
Պատկերացրեք՝ Էդրի անունով ընկեր եք ունեցել, որը հարցրել է. «Եթե իրոք կա սիրող Աստված, ինչո՞ւ է Նա թույլ տալիս, որ մարդիկ տառապեն»։
Այս մտահոգությունը վերաիմաստավորելու համար կարող եք դիտել «Քննել հարցերը հավերժության հեռանկարով» տեսանյութը (2։55), որը հասանելի է ChurchofJesusChrist.org կայքում։
Երբեմն կարելի է տեսանյութի ցուցադրումն ընդհատել և հնարավորություն տալ ուսանողներին փորձել վերաիմաստավորել Էդրիի հարցը։ Առաջարկվում են ստորև նշված երկու հատվածներն ու հարցերը։
-
1։12. ի՞նչ այլ ենթադրություններ կամ համոզմունքներ էին ստիպել Էդրիին տալ այդ հարցը։
2:56 -
1։57. ի՞նչ ճշմարտություններ գիտեք, որոնք կարող էին անդրադառնալ Էդրիի հարցի հիմքում ընկած ենթադրություններին կամ համոզմունքներին։
2:56
Ստորև բերվող հարցերի նման հարցերը կարող են օգնել ձեզ տեսնել, թե որքանով են ուսանողներն ընկալել վերաիմաստավորման հմտությունը։
-
Ինչո՞ւ եք կարծում, որ արժե մտածել այն համոզմունքների կամ ենթադրությունների մասին, որոնք կարող էին ազդած լինել Աստծո մասին էդրիի հարցի վրա։
-
Ինչպե՞ս է Երկնային Հոր և Նրա ծրագրի մասին մեր իմացածի համատեքստը թույլ տալիս մեզ այլ կերպ տեսնել հարցը։
-
Ձեր գնահատմամբ ինչպե՞ս եք կարողանում վերաիմաստավորման միջոցով լուծել դժվար հարցերը։ Ի՞նչ հարցեր կամ մտահոգություններ ունեք դրա վերաբերյալ։
Եթե ժամանակը թույլ տա, կարող եք ուսանողներին թույլ տալկիրառել վերաիմաստավորման հմտությունը իրենց սեփական հարցերի կամ մտահոգությունների համար։ Դա անելու վերաբերյալ գաղափարներ կտա «Օժանդակ ուսումնական վարժություններ» բաժինը։
Կարող եք կիսվել խնդիրներն ու մտահոգությունները հավերժության հեռանկարով դիտարկելու անձնական փորձով։
Դուք շատ հնարավորություններ կունենաք վերաիմաստավորման հմտությունը սեմինարիայում և կյանքում կիրառելու համար։ Երբ փնտրեք Սուրբ Հոգու օգնությունը և ընդլայնեք փրկության ծրագրի ու Քրիստոսի վարդապետության ձեր ընկալումը, հասկացությունները և հարցերը հավերժության հեռանկարով քննելու ձեր կարողությունը կմեծանա։ Դա նաև վստահություն կտա ձեզ՝ կիսվելու ձեր իմացածով և օգնելու ուրիշներին դժվար հարցերում ու մտահոգություններում։