1 Нифай 3

Бурхан замыг бэлтгэдэг

Цөлөөр олон өдөр аялсныхаа дараа Нифай болон түүний ах дүү нар Иерусалим руу буцаж очиж, Лебенээс гуулин ялтаснуудыг авах зарлиг хүлээн авах үедээ Бурханд итгэх итгэл, дуулгавартай байдлын шалгууртай нүүр тулсан. Заримдаа Их Эзэн танаас хэцүү зүйл хийхийг шаардах болно. Энэ хичээл нь Бурханы таныг хий гэсэн зүйлийг гүйцэтгэж, Түүнд итгэх итгэлээ хэрэгжүүлэхэд тусална.

Суралцагчдад өөрсдийнхөө амьдрал дахь Их Эзэний нөлөөг таньж мэдэхэд туслах. Аврагчийн судар дахь хүмүүсийн амьдралыг хэрхэн адисалсан тухай мэдэхийн зэрэгцээ Түүний адислалуудыг амьдралдаа танихад нь суралцагчдад туслах арга замуудыг хайж ол. Аврагч залбиралд нь хэрхэн хариулж, хүч өгч, эдгээж буйг тунгаан бодоход тэднийг урь.

Суралцагчийн бэлтгэл: Суралцагчдыг төгс эзэмших сургаалын 1 Нифай 3:7 эшлэлийг цээжилж, энэ нь тэдний амьдралд тулгардаг нөхцөл байдалд хэрхэн хэрэгждэг талаар бодож үзэхэд урь.

Боломжит суралцах үйл ажиллагаа

Дагахад хэцүү зарлигууд

Суралцагчдад Лихайн хөвгүүдэд хүнд хэцүү зүйлсийг хийхийг тушаасан талаарх түүхийн ач холбогдлыг олоход нь туслахын тулд самбар дээр суралцагчдын дараах асуултуудын хариултыг бичиж, хичээлийн туршид тэдгээрээс жишээ ав.

• Ямар зарлиг, жишиг эсвэл бусад бошиглолын урилга өнөөдөр өсвөр насныханд дагахад хамгийн хэцүү байна вэ? Тэдгээр нь яагаад бусдаасаа илүү хэцүү байдаг вэ?

• Тодорхой зарлиг эсвэл жишгийг дагахад дэндүү хэцүү гэж боддог хэн нэгэнд та юу гэж хэлэх вэ?

Хичээлийг эхлүүлэх өөр нэг арга бол Их Эзэний биднээс хүссэн зүйлийг биелүүлэхийн тулд бидэнд Түүний тусламж хэрэгтэй гэдгийг ойлгоход нь суралцагчдад туслах явдал юм. Үүнийг хийх нэг арга бол суралцагчаас багшийн тусламж шаардлагатай ямар нэг зүйл хийлгэх юм. Жишээлбэл: Даалгаврын нэг хэсэг нь багшаас түлхүүр авч нээх шаардлагатай ямар нэг зүйл онгойлгох байж болно.

Хэрэв танд дагахад хэцүү тушаал байгаа бол 1 Нифай 3-ыг судалж байхдаа үүнийгээ дотроо бод. Судалсан жишээнээсээ суралцаж, таны сонголт Их Эзэнтэй харилцах таны харилцаанд хэрхэн нөлөөлж болохыг тунгаан бод.

Их Эзэн Лихайн хөвгүүдэд зарлиг өгсөн нь

1 Нифай 3:1–6-г уншаад, Лихайн хөвгүүдэд юу тушаасныг олж мэд.

• Нифайн ах дүүс энэ тушаалыг яагаад “хэцүү зүйл” хэмээн нэрлэсэн гэж та бодож байна вэ? (5-р шүлэг).

Дараах догол мөр өмнөх асуултад хэрхэн хариулахаа мэдэхгүй байгаа суралцагчдад туслах боломжтой.

Лихайн хөвгүүдэд гэр орноо орхин, хэдэн зуун миль газар элсэн цөл рүү аялж, Лебенээс ялтаснуудыг авахаар удалгүй Иерусалим руу буцаж ирэхийг хүсэхэд нь ямар мэдрэмж төрж байсныг төсөөлөөд үз.

1 Нифай 3:7–8-ыг уншиж, Нифай Их Эзэний зарлигийг хичээнгүйлэн дагах хүсэлтэй байгаагаа илэрхийлсэн шалтгааныг ол.

1 Нифай 3:7 нь төгс эзэмших судрын хэсэг юм. Төгс эзэмших сургаалын судрын хэсгүүдийг дараа нь олоход хялбар байлгахын тулд онцгойлон тэмдэглэ. Та дараагийн хичээл дээр энэ хэсэгт заасан сургаалыг асуулт эсвэл нөхцөл байдалд хэрэгжүүлэх дадлага хийх боломжтой болно.

• Нифай ах нарынхаа ойлгоогүй байж болох юуг ойлгосон бэ?

7-р шүлэг-ээс бидний сурч мэдсэн нэг зүйл бол Бурхан биднээр хийлгэхийг хүссэн зүйлээ гүйцэлдүүлэхийн тулд бидний замыг бэлтгэдэг.

Энэ үнэн танд хэцүү санагдаж болох тушаалд хэрхэн нийцэж байгааг бодож үз.

Бурхан танаас хүссэн зүйлээ гүйцэлдүүлэхэд туслах хэдий ч үүнийг амар байна эсвэл анхны оролдлогоор амжилттай болно гэж амладаггүй.

Тэргүүн зөвлөлийн ерөнхийлөгч асан Дийтр Ф.Угдорф ийн тайлбарласан.

Аврагчийг дагах нь зовлон бэрхшээлийг арилгахгүй. Харин энэ нь Тэнгэрлэг Эцэгээс танд өгөхийг хүсэж байгаа тусламж, та хоёрын хоорондох саадыг арилгах болно. Бурхан тантай хамт байна. (Дийтр Ф.Угдорф, “Гэрийн зүг тэмүүлэх нь,” 2017 оны 10-р сарын Ерөнхий чуулган, 3–7)

• Энэ мэдэгдэл Тэнгэрлэг Эцэг, Есүс Христ хоёрын талаар ойлгоход тань яаж тусалдаг вэ?

Хичээлийн эхэнд өсвөр насныхны хувьд дуулгавартай дагахад хамгийн хэцүү гэж тодорхойлсон тушаал, жишиг эсвэл бусад бошиглолын урилгыг эргэн сана.

• Эдгээр тушаалыг дагахад хэцүү болгох ямар ямар саад бэрхшээл байдаг вэ?

• Их Эзэн өсвөр үеийнхэнд эдгээр тушаалыг дуулгавартай дагахад нь туслахын тулд “замыг хэрхэн бэлтгэж” болох вэ?

Суралцагчдыг өмнөх асуултад хэд хэдэн хариулт хуваалцахыг хүс.

Нифай болон түүний ах нар ялтаснуудыг авахыг оролдсон нь

Дараах үйл ажиллагаанд суралцагчдыг жижиг бүлгүүдэд хуваарилж, бүлгийн тал нь эхний оролдлогыг, нөгөө тал нь хоёр дахь оролдлогыг судалж болно. Бүлэг бүр өөрсдийн үйл явдалд юу болсныг жүжигчлэн үзүүлэхэд бэлтгэж, нөгөө үйл явдлыг судалсан өөр бүлэгт зориулж тоглолт хийх эсвэл бүлэг бүр өөр бүлгийн үйл явдлыг нэгтгэн дүгнэж болно.

Суралцагчид үйл явдлыг уншиж, жүжиглэхийн оронд санал болгож буй видеог үзэж болно.

Гуулин ялтаснуудыг олж авах гэсэн эхний хоёр удаагийн оролдлогын дараах үйл явдлыг судал. Оролдлого бүрд ах дүүс хэрхэн өөр өөр хариу үйлдэл үзүүлснийг олж мэд. (Тэмдэглэл: “1 Нифай 4–5”-р хичээлд та Их Эзэн хэрхэн тэдэнд даалгавраа амжилттай биелүүлэх арга замыг өгснийг сурч мэдэх болно.)

Анхны оролдлого: 1 Нифай 3:10–15-ыг унш.   (Сугалах гэдэг нь олон сонголтоос нэгийг санамсаргүй байдлаар сонгох арга гэдгийг мэдэх нь тустай байж болох юм.)

 

• Эдгээр ах дүү нь Бурханы зарлигийг дуулгавартай дагахыг хичээж байх үедээ тулгарсан сорилтуудаас өөрсдийнхөө талаар юу сурч мэдэж авсан бэ?

• Бидний хайрт Бурхан хүслийг нь биелүүлэх арга замыг өгөхөөс өмнө биднийг хэсэг хугацаанд зовохыг яагаад зөвшөөрдөг гэж та нар бодож байна вэ?

• Тохиосон үйл явдалд ах дүүс өөр өөр хариу үйлдэл үзүүлсэн нь итгэлд нь болон Есүс Христтэй харилцах харилцаанд нь хэрхэн нөлөөлсөн гэж та бодож байна вэ? Яагаад?

Энэ цэдгийг амьдралдаа хэрэгжүүлэх

Аврагч танд Түүний тушаалуудыг дуулгавартай дагахад болон бошиглогчдынх нь зөвлөгөөг дагахад гарах хэцүү саад бэрхшээлийг даван туулахад тусалж чадна. Үүнийг амьдралдаа хэрэгжүүлэхэд тань туслах дараах асуултуудад хариулж, судлах тэмдэглэлдээ бич.

Суралцагчийн лавлагаа болгож дараах асуултын сонголтуудыг харуул.

Суралцагчдыг гүйцэтгэж дууссаны дараа, хэрэв хүсвэл бичсэн зүйлийнхээ зарим хэсгээс хуваалцахыг тэднээс хүсэж болно. Их Эзэн бидэнд зарлигласан зүйлээ биелүүлэх замыг үргэлж гаргаж өгөх болно гэдгийг гэрчил.

1. Нифай танд дуулгавартай дагахад хэцүү байдаг тушаал эсвэл бошиглогчийн зөвлөгөөний талаар зөвлөгөө өгч байна гэж төсөөл. Тэр танд юу гэж хэлнэ гэж та бодож байна вэ?

2. Та Их Эзэний тушаал, бошиглогчийн зөвлөгөөг илүү бүрэн дуулгавартай дагахын тулд ямар тодорхой үйлдлүүд хийх вэ?

3. Их Эзэн танд Түүний тушаал зарлигууд, бошиглогчийг нь дуулгавартай дагах замыг бэлтгэх болно гэдэгт итгэх итгэлийг өгөх юуг та харж эсвэл мэдэрсэн бэ?

Суралцагчдад 1 Нифай 3:7-ийн төгс эзэмших хичээлийг заахаас өмнө, Нифай ялтаснуудыг олж авсан үйл явдлыг судлах нь хэрэгтэй гэж үзэж байвал та “1 Нифай 4–5”-р хичээлийг заах хүртэл төгс эзэмших хичээлийг заахаа азнаж болно. Өөр нэг сонголт бол суралцагч 1 Нифай 4 дээр бичигдсэн үйл явдлыг хураангуйлж, Их Эзэн хэрхэн Түүний тушаалуудыг дагах замыг өгдөг болохыг харахад ангийнханд тусалж болно.

Тайлбар ба нөхцөл байдлын талаарх мэдээлэл

Хэрэв надад хэд хэдэн тушаалыг дагахад хэцүү байвал хаанаас эхлэх вэ?

Ерөнхийлөгч Харолд Б.Лий (1899–1973) ийн заасан.

Бурханы бүх зарлигаас хамгийн чухал нэг зарлиг нь өнөө үед сахихад хамгийн хэцүү байгаа тэр зарлиг юм. … Тэр асуудлаа шийдвэрлэснийхээ дараа өөрийн тань хувьд сахихад хэцүү дараагийн зарлиг дээрээ ажиллаж эхэл. Энэ нь Бурханы зарлигуудыг дагаснаар өөрийгөө ариусгах арга зам юм. (Teachings of Presidents of the Church: Harold B. Lee [2000], 30)

Яагаад Тэнгэрлэг Эцэг бидэнд зарлигуудыг өгдөг вэ?

Бурхан Сургаал ба гэрээ 82:8–9-д энэ асуултад хариулахад тусалдаг.

Халамжийн нийгэмлэгийн ерөнхий ерөнхийлөгчийн зөвлөлийн Кэрол М.Стэфэнс эгч ийн тайлбарласан.

Бид Эцэгийг бидэнд заахыг зөвшөөрснөөр, Түүний хуулиуд биднийг хайрлах хайрынх нь илрэл бөгөөд хуулиудыг нь дуулгавартай дагах нь Түүнийг хайрлах хайрын маань илэрхийлэл гэдгийг харж эхэлдэг. (Кэрол М.Стэфэнс, “Хэрэв та нар Намайг хайрладаг бол Миний тушаалуудыг сахь,” 2015 оны 10-р сарын Ерөнхий чуулган, 113)

Бид Есүс Христийн амьдралаас дуулгавартай байдлын талаар юу сурч мэдэж болох вэ?

 

Нэмэлт суралцах үйл ажиллагаа

“Нифайн зориг”

1 Нифай 3 дээрх түүхийг танилцуулахын тулд суралцагчдыг “Нифайн зориг” (Хүүхдийн дууны ном, х. 64)-ийг сонсож эсвэл дуулахад урь. Дараа нь нэг суралцагчийг сайн дураараа дууны эхний бадагт өгүүлсэн түүхийн дэлгэрэнгүй мэдээллийг хуваалцахад урь.

“Би явж бас биелүүлэх болно”

“Би явж бас биелүүлэх болно” (3:56) дууг тоглуулж, суралцагчдыг сонсонгоо дууны үгийг дагаж дуулахыг хүс. Суралцагчдыг дууг сонсоод, өөрсдөд нь төрсөн сэтгэгдэл, мэдэрсэн мэдрэмж эсвэл санаанд нийцсэн үгийг хуваалцахыг хүс.

Бидний хандлагын ач холбогдол

Суралцагчдаас дараах асуултуудад хариулахыг хүс.

Лихайн хөвгүүдийн хэн нь эцэг эхтэйгээ аглаг буйдад амьдрахаар гэрээ орхиж мөн гуулин ялтаснуудыг авахаар Иерусалим руу буцаж, тэдгээрийн оронд эд баялгаа золиосолсон бэ? (Асуулт бүрийн хариулт нь дөрвүүлээ юм.)

Суралцагчдыг 1 Нифай 3:6-г уншиж, ах дүүс нь бүгдээрээ үйлдэж дагасан байхад Их Эзэн яагаад Лемен, Лемүел нараас илүү Нифайд сайн хандсан нэг шалтгааныг ол.

Суралцагчдыг ямар ч гомдлолгүйгээр дуулгавартай дагахад бэлэн байсан учраас адислагдсан гэдгээ мэдэрсэн туршлагаа хуваалцахыг хүс.

Бурханыг дуулгавартай дагасан бусад жишээ

Хэцүү нөхцөл байдалд дуулгавартай байснаараа Бурханд агуу итгэлээ харуулсан хүмүүсийн жишээг судраас эсвэл Сүмийн түүхээс хуваалцахыг суралцагчдаас хүс. Суралцагчдад тусламж хэрэгтэй бол Ноа, Мосе, Иосеф Смит зэрэг хүмүүсийн зургийг үзүүл.

Суралцагчдыг хүмүүс дуулгавартай дагахын тулд юуг даван туулахад бэлэн байсан, тэдэнд ямар саад бэрхшээл тулгарсан, мөн Их Эзэн тэдэнд зарлигласан зүйлээ биелүүлэх арга замыг хэрхэн бэлдсэн тухай хуваалцахыг хүс.

Ярилцлагаа Эцэгтээ төгс дуулгавартай байсан Аврагчийн жишээ рүү хөтлөхөө мартуузай. Дараах мэдэгдлийг ашиглаж болно.

“Аврагчийн амьдралаас авдаг сургамжууд дотроос хамгийн яруу тод бөгөөд хүчтэй нь дуулгавартай байдлын үлгэр жишээ юм” (Робэрт Д.Хэйлс, “Хэрэв та нар Намайг хайрладаг бол Миний тушаалуудыг сахь, 2014 оны 4-р сарын Ерөнхий чуулган, 54).