1 Нифай 4–5

“Би Сүнсээр хөтлүүлсэн”

Гуулин ялтаснуудыг Лебенээс авчрах хоёр удаагийн бүтэлгүй оролдлогын дараа Нифай шөнө, Их Эзэнд итгэх итгэлээр Иерусалим руу гэтэв. Гэсэн хэдий ч тэрээр хэрхэн даалгавраа биелүүлэх талаар багахан мэдэж байв. Та Нифай шиг ямар нэг зүйл хийхийг маш ихээр хүсэж байсан ч хэрхэн хийхээ мэдэхгүй байж үзсэн үү? Энэ хичээл нь Тэнгэрлэг Эцэгт болон Түүний таныг удирдан залах хүсэлд итгэх итгэлийг тань хүчирхэгжүүлэх зорилготой.

Суралцах туршлагадаа бэлтгэхэд нь суралцагчдад туслах. Судруудад бэлэн байдал буюу зүрх сэтгэл, оюун бодолдоо сүнслэгээр суралцахыг эрэлхийлэх тэдгээрийн бэлэн байдлын тухай өгүүлдэг. Суралцагчдад бэлтгэхийн ач холбогдлын талаар тогтмол ярилцаж, өдөр бүр суралцагчийн бэлтгэлээ дуусгахад урамшуулан дэмж.

Суралцагчийн бэлтгэл: Суралцагчдад хичээлийн эхэнд гарсан ерөнхийлөгч Нэлсоны мэдэгдлийн хуулбарыг өг. Тэднийг Их Эзэний зааврыг хүлээн авснаар олж авах ашиг тус, нөхцөл байдлын талаарх санаануудыг бэлтгэн ирэхэд урь.

Боломжит суралцах үйл ажиллагаа

Тэнгэрлэг Эцэгээс заавар хүлээн авах

Ерөнхийлөгч Нэлсоны хэлсэн дараах мэдэгдлийг үзүүлээд, суралцагчдыг бэлтгэлийн талаар санал бодлоо хуваалцахад урих талаар бод.

Ерөнхийлөгч Рассэлл М.Нэлсон хувийн илчлэлт хүлээн авах тухай чухал зөвлөгөө хуваалцсан. Түүний хэлсэн үгийг судалж байхдаа энэ нь танд хэрхэн хэрэгжиж буйг бод.

Бид Тэнгэрлэг Эцэгтээ хандан залбирч, заавар, удирдамж хүлээн авч, аюул болон анхаарал сарниулах зүйлсийн талаар анхааруулга авч, гагцхүү өөрсдийн хийж чадахгүй зүйлсийг хийх чадвартай болдог. Хэрэв бид Ариун Сүнсийг үнэхээр хүлээн авч, Түүний өдөөлтүүдийг ялган таньж, ойлгох талаар мэдэж авах юм бол их бага ямар ч асуудлуудад зааж чиглүүлэгдэх болно. (Рассэлл М.Нэлсон, “Сүмд болон бидний амьдралд зориулсан илчлэлт,” 2018 оны 4-р сарын Ерөнхий чуулган, 116)

• Таны амьдралд Тэнгэрлэг Эцэгийн удирдамжийг хүлээн авахад тустай том эсвэл жижиг ямар нөхцөл байдал байна вэ? (Хариултаа бичих талаар бодож үз.)

Хичээл эхлэхээс өмнө дараах асуулт, хариултын сонголтуудыг самбар дээр харуул эсвэл суралцагч бүрд хэвлэж өгөх талаар бодож үз. Суралцагчдад төрсөн мэдрэмжийнхээ талаар тунгаан бодож, бичиж тэмдэглэх цаг өг.

Дараах хариултын талаарх таны мэдрэмжийг хамгийн сайн илэрхийлэх хариултыг сонго.

1. Би надад сорилт, асуулт, шийдвэр гаргахад минь туслах Тэнгэрлэг Эцэгийн удирдамж, чиглүүлгийг идэвхтэй эрэлхийлдэг.

   • Ихэнхдээ

   • Заримдаа

   • Хааяа нэг

2. Би Тэнгэрлэг Эцэгийн хүч чадал, Сүнсээр миний амьдралыг чиглүүлэх хүсэлд нь итгэдэг.

   • Ихэнхдээ

   • Заримдаа

   • Хааяа нэг

3. Миний зам тодорхой бус байсан ч гэсэн би итгэлээр урагшилж, Ариун Сүнсний өдөөлтийн дагуу үйлддэг.

   • Ихэнхдээ

   • Заримдаа

   • Хааяа нэг

Нифайн юу хийхээ мэдэхгүй байсан үеийг судалж байхдаа Тэнгэрлэг Эцэгт болон таныг удирдан залах Түүний хүсэлд итгэх итгэлээ хүчирхэгжүүлэх үнэнийг эрэлхийл.

“Бүгдээрээ явцгаая”

Лихайн хөвгүүд Лебенээс гуулин ялтаснуудыг авах гэсэн хоёр оролдлого нь бүтэлгүйтэхэд амь насаа алдахаас айж байсныг сана (1 Нифай 3:11–27-г үзнэ үү). Хэрэв та нар ийм нөхцөл байдалд байсан бол юу мэдрэх байсан бэ? Танд ямар асуулт байж болох вэ? Тэнгэр элчийг харсан хэдий ч Лемен, Лемүел хоёрын санаа зовж, даалгавраа хэрхэн биелүүлэх талаар эргэлзэж байв (1 Нифай 3:31-ийг үзнэ үү).

1 Нифай 4:1–3-ыг уншиж, Нифайн ах нарынхаа асуултуудад хэрхэн хариулсныг олж мэд.

• Эдгээр жишээнээс юу нь танд гүн сэтгэгдэл төрүүлсэн бэ?

• Нифай Их Эзэний хүчийг гэрчилж, ах нараа зоригжуулахын тулд судруудаас ямар жишээ ашигласан бэ? Судрууд дахь ямар түүхүүд таны амьдралд зориг, хүч чадал өгсөн бэ?

• “Бүгд дээшээ явцгаая” гэсэн хэллэг таны амьдралын нөхцөл байдал, сорилтод хэр хамаатай вэ? (1–3 шүлэгт үүнийг гарах бүрд энэ хэсгийг судартаа тэмдэглэ.)

      Суралцагчдыг дараа нь уншихад урьж, сударт нь 1 Нифай 4:6–7-г тэмдэглүүлж болно.

1 Нифай 4:4–8-ыг уншаад, Нифай гуулин ялтаснуудыг авахын тулд гурав дахь удаагаа оролдохдоо юу хийснийг олж мэд.  

• Нифай гурав дахь оролдлогоо хийхдээ юу мэдэж байсан бэ, мөн юуг мэдэхгүй байсан бэ?

• 1 Нифай 4:7 дээрх “Гэсэн хэдий ч би урагшлан яв[лаа]” гэсэн хэллэгт юу хамгийн чухал байна вэ?

• Нифайн үгнээс та ямар үнэнийг сурч авч болох вэ?

Энд таны бодож байсан, тодорхой бус үед бид итгэлээр урагш явахдаа Сүнсээр дамжуулан Тэнгэрлэг Эцэгээс удирдамжийг хүлээн авч чадна гэсэн сайн мэдээний нэг зарчим байна.

Энэ зарчмыг эсвэл өөрийн бодсон зарчмыг судрууддаа тэмдэглэх талаар бодож үз.

Тэргүүн зөвлөлийн ерөнхийлөгч Даллин Х.Өүкс биднийг илчлэлт, удирдамж хайх үед бидний үйлдэл ямар ач холбогдолтой талаар ийн заасан.

Би судраас судалж байхдаа ихэнх илчлэлт Бурханы хүүхдүүдэд ирэхдээ Их Эзэнийг өөрсдөд нь анхны алхам заахыг хүлээн хаашаа ч хөдлөлгүй суухад биш, харин биднийг үйлдэл хийх үед ирдгийг мэдэж авсан.

Тэгээд бид чадах бүхнээ хийнэ. Дараа нь бид Их Эзэний илчлэлтийг хүлээнэ. (Dallin H. Oaks, ”In His Own Time, In His Own Way,” Ensign, Aug. 2013, 22–24)

Энэ үнэн болон ерөнхийлөгч Өүксийн хэлсэн үг таны өмнө тодорхойлсон нөхцөл байдалтай хэрхэн холбогдож байгааг бод.

• Их Эзэн таныг эргэлзээтэй үед итгэлээр урагшлахыг яагаад хүсдэг гэж та бодож байна вэ?

Их Эзэн замыг бэлтгэдэг

Их Эзэн Нифайд Лебенийг алахыг зааварлав. Тэрээр хүний амь авах тухай санаанд сэтгэл нь зовж байсан ч Сүнс түүнийг урагшлахыг яаруулсаар байв. Нифай “Сүнсний дуу хоолойг” дагаж (1 Нифай 4:18), Лебений хувцсыг өмсөж, Лебений зарц Зорамыг эрдэнэсийн сангаас гуулин ялтаснуудыг гаргаж ирэхийг ятгав.

1 Нифай 4:9–24-ийн түүхийг уншаад, өөрт тань утга учир бүхий үг, хэллэгийг тэмдэглэ.  

Нифайн ялтаснуудыг олж авсан туршлага нь түүний 1 Нифай 3:7-д хуваалцсан гэрчлэлтэй хэрхэн холбогдох вэ?

Суралцагчдад итгэлээр урагшлах шаардлагатай нөхцөл байдлынхаа талаар бодох цаг гаргаж өг. Тэднийг Нифайн туршлагаас юу сурч мэдсэнээ тунгаан бодож, бодол санаа болон цаашдын төлөвлөгөөгөө чимээгүй бичихийг урамшуул. Тэднийг бичиж дууссаны дараа, хэдэн суралцагчаас сайн дураараа бодол, ойлголтоосоо хуваалцахыг урьж болно.

• Би нөхцөл байдалд маань тусалж чадахуйц юуг өнөөдөр сурч мэдсэн бэ?

• Өнөөдөр би Тэнгэрлэг Эцэгийн намайг удирдах чадвар, хүсэлд итгэх итгэлийг минь хүчирхэгжүүлэх юуг мэдэж мэдэрсэн бэ?

• Би Нифайн үлгэр жишээг дагаж, зам маань тодорхой бус мэт санагдаж байсан ч итгэлээр урагшлахын тулд юу хийж чадах вэ?

Тайлбар ба нөхцөл байдлын талаарх мэдээлэл

Хэрэв би Ариун Сүнснээс хүлээн авсан өдөөлтийнхөө талаар эргэлзэж байвал яах вэ?

Арван хоёр төлөөлөгчийн чуулгын ахлагч Роналд А.Расбанд ийн заасан.

Өөрийн туршлага дээр үндэслэхэд Сүнс бидэнтэй ихэвчлэн мэдрэмжээр харилцдаг. Та үүнийг таныг өдөөдөг танил, ойлгомжтой үгсээс мэдэрдэг. …

Бид эхлээд сүнслэг мэдрэмждээ итгэх ёстой. Заримдаа бид сүнсний нөлөө юү эсвэл бидний өөрийн бодол уу гэж эргэцүүлэн боддог. Гэхдээ төрж буй мэдрэмж тань юу болохыг таамаглах гэж хоёр дахь, гурав дахь удаагаа оролдох нь Сүнсийг үгүйсгэн, тэнгэрлэг зөвлөгөөнд нь эргэлзэж буй хэрэг. Бүх хүнд ийм зүйл тохиолдож байсан байх.

Эхлээд төрсөн мэдрэмж бол тэнгэрээс ирсэн цэвэр сүнсний өдөөлт байдаг. Тэдгээрийг бидэнд баталж, гэрчлэх үед бид юу болохыг нь таньж, ямар ч үед зүгээр өнгөрөөж болохгүй. (Роналд А.Расбанд, “Ариун Сүнс биднийг хөтлөг,” 2017 оны 4-р сарын Ерөнхий чуулган, 81–84)

1 Нифай 4:10–12. Нифай яагаад Лебенийг хөнөөсөн бэ?

Лебенийг хөнөөх Их Эзэний зарлигийг илүү сайн ойлгохын тулд дараах зүйлийг санаж явах нь тустай. Үүнд:

1. Их Эзэн Лебенийг хөнөөгдөхөөс өмнө түүнд гуулин ялтаснуудыг өгөх хоёр ч боломж олгосон. Лебен худалч, дээрэмчин хүн байсан бөгөөд хоёр ч удаа хүний амийг хөнөөхийг эрэлхийлсэн. Мосегийн хуулийн дагуу бол хулгайлах, аллага хийхийг эрэлхийлэх нь хоёулаа үхэх хэмжээнд хүртэл шийтгүүлэхийг шаарддаг (Египетээс гарсан нь 21:14; 22:2; Дэд хууль 24:7-г үзнэ үү).

2. Судрын цэдгийг олж авах нь “нэг хүн эрсдэх ёстой байсан ч” (1 Нифай 4:13) Лихайд болон түүний үр удмынханд нэн чухал гэдгийг Их Эзэн мэдэж байжээ. Гуулин ялтаснууд зөвхөн Нифай үр удмыг адислаад зогсохгүй Мормоны Номын зарим агуулгыг түүнчлэн агуулж байжээ (Исаиагийн эшлэл, таримал ба зэрлэг чидуны модны тухай Зиносын ёгтлол гэх мэт). Алтан ялтаснуудаас орчуулагдсан Мормоны Ном сая сая хүнийг адисалсан бөгөөд илүү олон сая хүнийг адислах болно. Эцэст нь энэ бүхэн Нифайг Лебенд ойртон очоод, Сүнсний удирдамжийг дагах үед тохиосон билээ.

Нэмэлт суралцах үйл ажиллагаа

1 Нифай 5:1–9 Гэрчлэлийн болон талархлын хүч

Суралцагчдад гэрчлэлийн хүч ба талархлын ач холбогдлын талаар суралцах нь тустай байвал 1 Нифай 5:1–9-ийг унш.

Дараахтай адил асуултуудыг хэлэлцүүлэгт ашиглаж болно.

• Лихай Сариагийн гомдоллоход хэрхэн хариулсан бэ? (Та Лихай айж эргэлзэхийн оронд Их Эзэнд итгэлтэй байж, гэрчлэлээр хариулсан гэдгийг онцолж болно. Тэр уурлаж уцаарласан эсвэл тэвчээр алдсан байдлаар хандаагүй.)

• Лихайн Сариад хариулсан хариултаас бид юу сурч авч болох вэ?

• Бид 9-р шүлэг-ээс ямар үнэнийг сурч болох вэ? (Дараахтай адил үнэнийг тодорхойлоход суралцагчдад тусал. Бид Бурханаас адислал хүлээн авах үедээ түр азнаж, Түүнд талархал өргөхийг сонгож болох юм.)

1 Нифай 5:10–22. Судрын ач холбогдол

Судрын ач холбогдлыг тодорхойлохын тулд суралцагчидтай хамт 1 Нифай 5:10–22-ыг унш. Суралцагчид гуулин ялтаснуудад агуулагдах чухал агуулгыг мэдэхийн тулд шүлгүүдийг хайж олох боломжтой. Тэд судрууд тэдэнд болон тэдний гэр бүлд хэрхэн “агуу үнэ цэнтэй” (1 Нифай 5:21) болохыг хуваалцах боломжтой.