1 Նեփի 11–15

Ակնարկ

Երբ Նեփին երկնային սուրհանդակների միջոցով դարձի եկավ, նա տեսիլք ունեցավ աշխարհի Փրկչի մասին և իր սեփական հասկացողությունը ստացավ այն մասին, թե ինչն է բերում ամենաշատ ուրախությունը. Աստծո սերը: Երբ նրան երևաց հավանական ուրացության և իր ժողովրդի կործանման տեսիլքը, նա տեսավ, որ մի մեծ և պիղծ եկեղեցի աղավաղելու էր Աստվածաշնչյան ուսմունքները և պայքարելու էր Աստծո Սրբերի դեմ: Սակայն նա տեսավ նաև, որ ավետարանը վերականգնվելու էր՝ օրհնելով բոլոր նրանց, ովքեր ապավինելու էին Փրկչի ուսմունքներին և ուխտերին: Նեփին տեսավ Վերականգնման իրադարձությունները դրանց տեղի ունենալուց բավական առաջ և հասկացավ, թե ինչ կարևոր դեր է կատարելու իր արձանագրությունը Վերականգնման գործում:

Պատրաստվեք ուսուցանել

Ստորև ներկայացվող տեղեկություններն ուսուցիչներին հուշում են, թե ինչ է պետք նախապատրաստել յուրաքանչյուր դասի համար:

1 Նեփի 11

Դասի նպատակը. այս դասը կօգնի ուսանողներին զգալ Երկնային Հոր և Հիսուս Քրիստոսի սերը իրենց հանդեպ:

• Ուսանողի նախապատրաստում. ուսանողներին առաջարկեք իրենց հետ դասարան բերել մի բան, որը ցույց է տալիս, թե Աստված ինչպես է Իր սերը դրսևորում նրանց հանդեպ:

• Նկարներ. Հիսուս Քրիստոսի կյանքի և ծառայության տարբեր պատկերներ

• Տեսանյութ՝ «Ես զգում եմ իմ Փրկչի սերը» (3:39)

• Առցանց ուսուցման առաջարկ. երբ ուսանողները ուսումնասիրում են 1 Նեփի 11.26–33 հատվածները, ցուցադրեք այդ հատվածներում նշված իրադարձությունները Փրկչի կյանքից: Ուսանողներին առաջարկեք պատմել, թե յուրաքանչյուր իրադարձություն ինչպես է պատկերում Աստծո բարեհաճությունը:

1 Նեփի 13–14

Դասի նպատակը. այս դասի նպատակն է օգնել ուսանողներին հասկանալ ուխտերի կարևորությունը և մեծացնել ուսանողների՝ ուխտեր կապելու և դրանք պահելու ցանկությունը:

• Ուսանողի նախապատրաստում. կարող եք ուսանողներին առաջարկել պատրաստվել և դասին ներկայացնել, թե նրանց կարծիքով, որոնք են վերջին 500 տարվա ամենանշանակալից իրադարձությունները:

• Բովանդակություն՝ ցուցադրման համար. 1 Նեփի 13–14 հատվածի ստուգարքը՝ գրատախտակին ցուցադրված կամ պատճենված

• Տեսանյութ՝ «Կանգնեք սուրբ տեղերում» (5:36)

• Առցանց ուսուցման առաջարկ. կարող եք ստուգարք ստեղծող հավելվածի միջոցով ստեղծել ստուգարք և այն տարածել ուսանողների միջև, որպեսզի նրանք իրենց բջջային սարքերով կամ կայքի զննարկչի օգնությամբ կարողանան մուտք գործել այդ ստուգարք: Ուսանողները կարող են ստուգարքն անցնել դասի սկզբում:

1 Նեփի 13.20–42

Դասի նպատակը. այս դասը կօգնի ուսանողներին հասկանալ, թե Մորմոնի Գիրքը և հայտնությամբ տրված այլ սուրբ գրությունները ինչպես են օգնում վերականգնել Փրկչի ավետարանի պարզ ու արժեքավոր ճշմարտությունները:

• Ուսանողի նախապատրաստում. ուսանողներին կարող եք առաջարկել պատրաստել և կիսվել սուրբ գրություններն անձամբ ուսումնասիրելու ժամանակ վերջերս սովորած որևէ մտքով:

• Առարկա. հեծանիվ կամ հեծանիվի նկար

• Բովանդակություն՝ ցուցադրման համար. պարզ ու արժեքավոր ճշմարտություններին վերաբերող թեմաների և սուրբ գրությունների ցանկը՝ գրատախտակին ցուցադրված կամ պատճենված

• Առցանց ուսուցման առաջարկ. կարող եք ուսանողներին բաժանել խմբային քննարկման սենյակներում և յուրաքանչյուր խմբի հանձնարարել պարզ ու արժեքավոր ճշմարտություններին վերաբերող թեմաներից մեկը: Ուսանողներին առաջարկեք իրենց խմբում քննարկել սուրբ գրությունների համապատասխան հատվածները և խոսնակ ընտրել: Վերամիավորեք դասարանի անդամներին և յուրաքանչյուր խոսնակի հրավիրեք ներկայացնելու իրենց խմբում քննարկվածը:

Գնահատեք ձեր գիտելիքները 1

Դասի նպատակը. այս դասի նպատակն է օգնել ուսանողներին գնահատել իրենց սահմանած նպատակները և Մորմոնի Գրքի ուսումնասիրության ընթացքում մինչ այդ պահն ունեցած աճը:

• Ուսանողի նախապատրաստում. ուսանողներին առաջարկեք դասի համար պատրաստել և ներկայացնել այն, ինչ մինչ այդ սովորել են Մորմոնի Գրքից, որը նրանց օգնել է ավելի մոտենալ Հիսուս Քրիստոսին:

• Բովանդակություն՝ ցուցադրման համար. սուրբ գրությունների ուսումնասիրության ինքնագնահատում դասի սկզբում

• Առցանց ուսուցման առաջարկ. «Վարժություն 3. սոցիալական մեդիայի գրառում» վարժության համար կարող եք ուսանողներին հնարավորություն տալ կիսվել Մորմոնի Գրքից մինչ այդ սովորած որևէ նյութով: Կարող եք նաև Մորմոնի Գրքի ուսումնասիրման միջոցով Հիսուս Քրիստոսին ավելի մոտենալու մասին անձնական վկայություն բերել:

Վարդապետության սերտման կրկնություն 1

Դասի նպատակը. այս դասը նպատակ ունի օգնել ուսանողներին գտնել, նշել և փորձել մտապահել սուրբ գրությունների հղումները և սուրբ գրությունների հիմնական արտահայտությունները Մորմոնի Գրքի վարդապետության սերտման սուրբ գրությունների առաջին 12 հատվածների համար:

• Նշում. Գուցե կարիք լինի Վարդապետության սերտման հատվածներին վերաբերող դասը ուսուցանել այս կրկնության դասի փոխարեն: Վերանայեք տարածաշրջանի, շրջանի տնօրենի կամ համակարգողի կողմից տրամադրված դասացուցակը՝ համոզվելով, որ սուրբ գրությունների վարդապետության սերտման հատվածներին վերաբերող յուրաքանչյուր դաս կուսուցանվի սեմինարիայի ուսումնական տարվա ընթացքում:

• Ուսանողի նախապատրաստում. ուսանողներին առաջարկեք վերանայել սուրբ գրությունների հղումները և հիմնական արտահայտությունները Մորմոնի Գրքի վարդապետության սերտման սուրբ գրությունների առաջին 12 հատվածների համար: Ուսանողները կարող են գտնել այդ հատվածները Վարդապետության սերտման հիմնական փաստաթղթում (2022) կամ Վարդապետության սերտման հավելվածում:

• Բովանդակություն՝ ցուցադրման համար. վարդապետության սերտման սուրբ գրությունների առաջին 12 հատվածները ցուցադրող աղյուսակ

• Առցանց ուսուցման առաջարկ. կարող եք օգտագործել խմբային քննարկումների սենյակները, որպեսզի հնարավորություն տաք ուսանողներին ավելի լավ ճանաչել միմյանց՝ սուրբ գրությունները փնտրելիս և հիմնական արտահայտությունները անգիր սովորելիս: